နိုင်ငံအတွင်းရှိ မြစ်ချောင်းတစ်လျှောက် နှစ်စဉ်လိုလိုဖြစ်ပေါ်တတ်သော ရေတိုက်စားမှုကြောင့် ကမ်းပြို၊  မြေပြိုမှုဖြစ်ပြီး ပြည်သူအများကြုံတွေ့နေရသော အခက်အခဲများပြေလည်နိုင်စေရေးနှင်‌့ နိုင်ငံတော်အနေနှင့် တာဝန်ယူနေရသော ဝန်ထုပ်ဝန်ပိုးများ လျှော့ချပြေလည်နိုင်စေရန်အတွက် အိန္ဒိယနှင့် ဘင်္ဂလားဒေ့ရှ် ပြည်သူများပြုလုပ်အသုံးပြုနေကြသော ဝါးကျဲနံရံမြေထိန်း၊ ရေစီးထိန်းစနစ်ကို စနစ်တကျ သုတေသနပြု လေ့လာဆန်းစစ်ပြီး နိုင်ငံအနှံ့ကျယ်ကျယ်ပြန့်ပြန့် အသုံးချနိုင်ရေး ဆောင်ရွက်ပေးရန် အစီအစဉ်ရှိ/မရှိနှင်‌့ စပ်လျဉ်းသည့်မေးခွန်း

နိုင်ငံအတွင်းရှိ မြစ်ချောင်းတစ်လျှောက်ကမ်းဘေးများတွင် ရေတိုက်စား၍ စိုက်ပျိုးလယ်မြေ၊ ယာမြေနှင့် နေအိမ်၊ ကျေးရွာများကမ်းပြိုပြီး ပျက်စီးဆုံးရှုံးမှုကို နှစ်စဉ်လိုလိုတွေ့နေရပါကြောင်း၊ လွှတ်တော်အသီးသီးတွင်လည်း မြစ်ကမ်းထိန်းနံရံများ တည်ဆောက်ပေးရန် ကိုယ်စားလှယ်များက မိမိဒေသအခက်အခဲများ ပြေလည်စေရန်အတွက် နိုင်ငံတော်အစိုးရထံ တင်ပြတောင်းဆိုနေကြ သည်များရှိပါကြောင်း၊ နိုင်ငံတော်အနေဖြင့် တစ်နိုင်ငံလုံးအတိုင်းအတာအနေနှင့် ကမ်းပြိုရေတိုက် စားမှုများအတွက် အရေးကြီးမှု အနေအထားအပေါ်မူတည်ပြီး နိုင်ငံတော်ဘဏ္ဍာငွေကို ကျခံသုံးစွဲ ပေးနေရသည့်အတွက် နိုင်ငံဖွံ့ဖြိုးတိုးတက်ရေးအတွက် အကုန်အကျခံရမည့် ဘဏ္ဍာငွေများ ကို သဘာဝဘေးကြောင့်နှစ်စဉ် ပျက်စီးနေမှုအတွက် သုံးစွဲနေရသည်များ သက်သာစေရန် အတွက် ရေတိုက်စား၍ကမ်းပြိုခြင်းများ ၊ ကြိုတင် ကာကွယ်နိုင်ရန် ပြည်သူအများဆုံးရှုံးနစ်နာမှု သက်သာ စေရန် ရည်ရွယ်ပြီး ဝါးကျဲနံရံများနှင့် မြစ်ချောင်းနှင်‌့ ရေကြောင်းထိန်းသိမ်းပေးခြင်း လုပ်ငန်းကို သုတေသနပြုလေ့လာမှုနှင့်အတူ ပညာပေးခြင်း၊ နည်းပညာဖြန့်ဖြူးပေးခြင်းများနှင့် ပြည်သူများ နှင့် နိုင်ငံတော်အတွက် အထောက်အကူပြုစေရန် မေးခြင်းဖြစ်ပါကြောင်း၊  

၁-၁၁-၂၀၁၀၈ ရက်နေ့ Facebook တွင် အိန္ဒိယနှင်‌့ ဘင်္ဂလားဒေ့ရှ်နိုင်ငံများမှနေပြီး ပြည်သူ အများကိုယ့်အားကိုယ်ကိုး စနစ်ဖြင့် ကုန်ကျစရိတ်နည်းပါးပြီး နိုင်ငံ၌ လွယ်လွယ်ကူကူပေါများပြီး ရရှိနိုင်သည့် ဝါးနှင့်ပြုလုပ်သည့် ကမ်းထိန်း၊ မြေထိန်းစနစ်၊ ဝါးလုံးကွက်ကျားအတွင်းမှ ရေစီးစေပြီး ရေစီးကိုနှေးစေရန် ရေလမ်းကြောင်းလွှဲပြောင်းပေးနိုင်မှုနှင့်အတူ ရေစီးနှင့်အတူပါလာသည့် နုန်း၊ ကျောက်များကို အနည်ထိုင်စေရန် ရေတိုက်စားသည့်နေရာတွင် ပြန်ပြည့်စေရန်စနစ်ကို နိုင်ငံနှင်‌့ ပြည်သူအကျိုးအတွက် ရည်ရွယ်ပြီးတင်ပြရခြင်းဖြစ်ပါကြောင်း၊ အများအားဖြင့် မြစ်ချောင်းအကွေ့ နှင်‌့ ရေဦးရေထိုးသည့် နေရာများတွင် ဖြစ်ပေါ်ပြီး အင်ဂျင်နီယာများက Hjulstrom မျဉ်းကွေး ဇယားနှင်‌့ တွက်ချက်ဖော်ပြကြပါကြောင်း၊ ရေစီးနှုန်းတစ်မိနစ်ကို ပေ ၁၀၀ အထက်မှာ ရှိမည်ဆိုပါ က၁.၅ မီလီမီတာရှိသည့် သဲနုန်းနှင့်ရေတိုက်စားခံရမှုဖြစ်လို့ သဲနုန်းတွေရေစီးနှင်‌့အတူ ဆက်မမျော နိုင်အောင် သဲနုန်းတစ်မိနစ်ကို ၁၆ ပေအောက် လျှော့နိုင်မည်ဆိုပါက တစ်မိနစ် ၂ ပေ အောက် လျှော့ချနိုင်ပါက ရေစီးနှင့်ပါလာသည့် ကျောက်၊ သဲ၊ ခဲနှင်‌့နှုန်းများ ရပ်တန့်ပြီး အနည်ထိုင်စေ သည် ဟု သိရပါကြောင်း၊ ဝါးကျဲနံရံလုပ်ငန်းတွင် ဝါးများကို နှစ်ပေ၊ သုံးပေ စတုရန်းကွက်ဖွဲ့ပြီး အမြင့်ကို ရေအတက်ဆုံးအချိန်တွင် ရေအမြင့်ထိရောက်အောင် တွက်ချက်ဆောင်ရွက် ရမည်ဖြစ်ကြောင်း၊ ရေစီးရေလာကိုမထိခိုက်သဖြင့် ရေနေသတ္တဝါများအတွက် ပြဿနာမရှိပါကြောင်း၊ လိုအပ်ပါက ရေစီးနှုန်းကို ၅၀ ရာခိုင်နှုန်းအောက်ကို လျှော့ချနိုင်မည်ဆိုပါက ဝါးကွက် ပိုမိုစိပ်အောင် ပြုလုပ် ပေးရမည်ဖြစ်ပြီး အရမ်းစိပ်လွန်းခြင်းမျိုးမဖြစ်ရန် လိုအပ်ပါကြောင်း၊  ရေတက်နေသည့်အချိန်တွင် ရေယာဉ်များအန္တရာယ်မဖြစ်စေရန်အမှတ်အသားလုပ်ပေးရန်လည်း လိုအပ်မည်ဖြစ်ပါကြောင်း၊ ဝါး ကို တစ်နိုင်ငံလုံးတွင် လွယ်လွယ်ကူကူရနိုင်ပြီး စနစ်တကျတွက်ချက် လေ့လာဆန်းစစ်၍ ကျယ်ကျယ်ပြန့်ပြန့် ပညာပေးချပြနိုင်မည်ဆိုပါက နိုင်ငံနှင်‌့ပြည်သူအတွက် အများကြီးအကျိုးရှိမည် ဖြစ်ပါကြောင်း၊ နိုင်ငံအတွင်းရှိ မြစ်ချောင်းတစ်လျှောက် နှစ်စဉ်လိုလို ရေတိုက်စားမှုကြောင့် ကမ်းပြိုမှု၊ မြေပြိုမှုဖြစ်လို့ ပြည်သူအများ ကြုံတွေ့နေရသည့် အခက်အခဲများနှင်‌့ နိုင်ငံတော်အနေ ဖြင့် တာဝန်ယူနေရသည့် ဝန်ထုပ်ဝန်ပိုးများ လျှော့ချပြေလည်နိုင်ရန် အတွက် အိန္ဒိယနှင့် ဘင်္ဂလားဒေ့ရှ် ပြည်သူများအသုံးပြုလျက်ရှိနေသည့် ဝါးကျဲနံရံမြေထိန်း၊ ရေစီးထိန်းစနစ်ကို စနစ် တကျ သုတေသနပြု လေ့လာဆန်းစစ်ပြီး နိုင်ငံအနှံ့ ကျယ်ကျယ်ပြန့်ပြန့် အသုံးချနိုင်ရေး ဆောင်ရွက်ပေးရန် အစီအစဉ်ရှိ/မရှိ ကိုသိလိုပါကြောင်း မေးမြန်းပါသည်။