မြစ်သားမြို့နယ်ရှိ ဗိုလ်ချုပ်လမ်းသည် မြို့လယ်မှာရှိသော်လည်း စည်ပင်ကစီမံခန့်ခွဲသော လမ်း မဟုတ်ဘဲ မြစ်သား-အိုးသူကြီး-အင်းကုန်းလမ်း၏ အစိတ်အပိုင်းတစ်ခု ဖြစ်နေပါကြောင်း၊ လုံလောက်သော လမ်းအကျယ်မရှိသည့်အတွက် ကားများ၊ ဆိုင်ကယ်များ၊ ကားကြီး/ကားငယ်များ၊ ထော်လာဂျီများ ဖြတ်သန်းသောအခါ အလွန်ကျဉ်းမြောင်းသည့်အတွက် ယာဉ်မတော်တဆမှုများ ခဏခဏဖြစ်ပွားသော လမ်းလည်းဖြစ်ပါကြောင်း၊ ဤလမ်းအကျယ်သည် ကားကြီးနှစ်စီးရှောင်ရန် အဆင်မပြေကြောင်း၊ ကားကြီးတစ်စီးနှင့် ကားလေးတစ်စီး ရှောင်မည်ဆိုရင်တောင် မတော်တဆ တစ်ခုခုဖြစ်နိုင်ကြောင်း၊ သို့ဖြစ်ပါက ကားကြီးသည် လမ်းညာဘက် ကပ်မောင်းနေရင်တောင်မှ လမ်းတစ်ဘက်ကျောကို နင်းနေသည့်အတွက်ကြောင့် အလွန်ဖြေရှင်းရခက်ပြီး ခဏခဏ ထိခိုက် ဒဏ်ရာနှင့် အသေအပျောက်ရှိခဲ့သော လမ်းလည်းဖြစ်ပါကြောင်း၊ ထို့ကြောင့် မြစ်သားမြို့ရှိ ကျောင်းသား/သူများ၊ ရုံးသူရုံးသားများ၊ ဈေးသူဈေးသားများ၊ ရဟန်းရှင်လူပြည်သူများ၊ သာရေး၊ နာရေး၊ ပညာရေး၊ ကျန်းမာရေးအတွက် အန္တရာယ်ကင်းစွာ သွားလာနိုင်ရေးအတွက် အဆိုပါ ဗိုလ်ချုပ်လမ်းကို လမ်းအကျယ်ချဲ့တိုးချဲ့ပေးပါရန် အစီအစဉ်ရှိ/မရှိ သိရှိလိုပါကြောင်း မေးမြန်းပါသည်။