တိုင်းရင်းဆေးပညာရှင်များကို မွေးထုတ်ပေးခဲ့သည့် သမိုင်းကိုပြန်ကြည့်မည်ဆိုပါက သုံးဘာသာ သင်တန်းမှ ဆရာများ၊ ဒီပလိုမာရ ဆရာများ၊ လေးဘာသာနှင့် တစ်နှစ်သင်တန်းမှဆရာများ  အရင်က ရှိခဲ့ပါကြောင်း၊ ယခုလက်ရှိတွင်  မြန်မာနိုင်ငံ၏ တစ်ခုတည်းသော တိုင်းရင်း‌ဆေး တက္ကသိုလ်ကပင် သင်ကြားမွေးထုတ်ပေးနေခြင်းဖြစ်ပါကြောင်း၊ ၎င်းထဲကမဟုတ်ဘဲ အခြားတိုင်းရင်းဆေး အမည်ခံ သင်တန်းကျောင်းများအားလုံးသည် တရားမဝင်ဖြစ်ပါကြောင်း၊ ၎င်းသင်တန်းများသည် စနစ်တကျ လေ့ကျင့်သင်ကြားမှုမရှိသလို ဆေးပညာရှင်များရှိရမည့် သုတေသနဆိုင်ရာအမြင်များ၊ လိုက်နာရမည့် ကတိသစ္စာများကို လိုက်နာခြင်းမျိုးမရှိနိုင်ဘဲ သင်ကြားတည့်မတ်ပေးနိုင်ခြင်းမျိုးမရှိသည်ကို လည်း တွေ့ရပါကြောင်း၊ ၎င်းသင်တန်းများမှ ဆေးကုသခွင့်၊ ဆေးထိုးခွင့်များကို တရားဝင်သဖွယ် လက်မှတ် များထုတ်ပေးနေသည့်အခါမှာ ပြည်သူများအတွက် ထင်ယောင်ထင်မှားလည်းဖြစ်စေတတ်ပါကြောင်း၊ ယခုလိုတရားမဝင်သင်တန်းဆင်းများ လက်လှမ်းမီရာကိုလေ့လာပြီး ကုသကြသူများ၏ ကုသချက် သည် ပြည်သူများအတွက် အင်မတန်အန္တရာယ်များပါကြောင်း၊ ဥပမာပြောရရင် ကင်ဆာသံသယ ရှိသည့်လူနာတစ်ယောက်ကို ဆေးပညာရှင်က ကင်ဆာအထူးကုဆီသွားရန် ပြောပါကြောင်း၊ သို့သော် လူနာက ကျန်းမာရေးအသိနည်းသည့်အတွက် တရားမဝင်ဆေး ကုသသူများ၏ စကားကိုယုံပြီး သွားပါ ကြောင်း၊ အဲဒီအခါမှာ အလွန်အင်မတန်ပူသည့်ဆေးများကိုကပ်သည့်အတွက်  အရေပြားအပူလောင် ပြီး ပေါက်ထွက်သည်ကို အနာပေါ်ကုတယ်ဆိုပြီးကုကြပါကြောင်း၊  နောက်မနိုင်တော့မှ ဆေးရုံ၊ ဆေးခန်းရောက်ပြီး အသက်ဆုံးရှုံးရသည့်အဖြစ်များရှိပါကြောင်း၊ နောက် ဆိုးဝါးသည့်အချက်တစ်ခုမှ ပေါင်းချွေးခံထားသည့်ထိုးဆေးများနှင့် နာနေသည့်နေရာများကို တိုက်ရိုက်ထိုးပြီး ကုသခြင်း ဖြစ်ပါ ကြောင်း၊ ထိုးပြီးခါစမှာ ပူသွား၊ ကျဉ်သွား၊ ထုံသွားပြီး သက်သာသလိုရှိသော်လည်း နောက်ကြာလာ သည့်အခါ အကြောများသေပြီး ဒုက္ခိတဘဝကို ရောက်ရသည့်သူများလည်း ရှိနေပါကြောင်း၊  ထို့အပြင် ကောင်စီအသီးသီးမှ အသိအမှတ်ပြုထားခြင်း မရှိသည့်ပညာရပ်များကို Online သင်တန်းမျိုးဖြစ် သင်ကြပါကြောင်း၊ တချို့မှ သုတေသနပြုလုပ်နေဆဲ ကာလသာ ရှိပါသေးကြောင်း၊  ဒါတွေကို လူနာ များကိုစမ်းသပ်ကုသကြသည့်အတွက် ပိုက်ဆံလည်းကုန် ဒုက္ခလည်းရောက်ကြရသည်များလည်း ရှိပါ ကြောင်း၊ ဒီလိုတရားမဝင်ကုသနေကြသည့် ဆေးရုံ၊ ဆေးခန်းများသည် ပြည်သူလူထုကို အင်မတန်မှ ကြီးမားသည့် အန္တရာယ်ပေးနေသည့်အနေအထား ဖြစ်ပါကြောင်း၊  ၎င်း၏အဓိကအကြောင်းကို ရှာကြည့်သည့်အခါ တရားမဝင်သင်ကြားနေသည့် သင်တန်းကျောင်းများကြောင့် ဖြစ်ပါကြောင်း၊  တချို့က တက္ကသိုလ်ဟုတောင် အမည်ပေးထားကြပါကြောင်း၊ ဝန်ကြီးဌာနက တရားမဝင်ကုသသူများ ကို ဘယ်လောက်ဘဲ အရေးယူဆောင်ရွက်မှု များပြုလုပ်နေပါစေ။ မွေးထုတ်ပေးနေသည့် သင်တန်း ကျောင်းများကို ထိထိရောက်ရောက် အရေးယူဟန့်တားထိန်းချုပ်နိုင်ခြင်းများမရှိရင် အိတ်ပေါက်နှင့် ဖားကောက်နေသလို ဖြစ်နေမည်ဖြစ်ပါကြောင်း၊ နောက်တစ်ချက်မှ မြန်မာနိုင်ငံ၏မူလတိုင်းရင်းဆေး ပညာများကို စုစည်းပြီး သိပ္ပံနည်းကျပေါင်းစပ် သင်ကြားနေသည့် မြန်မာ့တိုင်းရင်းဆေးပညာ၏ဂုဏ်၊ လက်တွေ့တရားဝင်ကုသ သင်ကြားနေသည့် တိုင်းရင်းဆေးသမားတော်များ၏ဂုဏ်ကိုလည်း များစွာ ထိခိုက်စေသည်ကို တွေ့ရပါကြောင်း၊ ထို့ကြောင့် ပြည်သူလူထုကို ဘေးအန္တရာယ်ကင်းရှင်း သည့် ကျန်းမာရေးစောင့်ရှောက်မှု ရရှိစေရေးနှင့် မြန်မာ့တိုင်းရင်း ဆေးပညာရပ် စဉ်ဆက်မပြတ်ဖွံ့ဖြိုး တိုးတက်စေရေးတို့ကို ရည်ရွယ်ပြီး သက်ဆိုင်ရာဝန်ကြီးဌာန၏ ခွင့်ပြုချက်မရှိဘဲ တိုင်းရင်းဆေး အမည်ခံ သင်တန်းကျောင်းများ၊ တက္ကသိုလ်များအဖြစ် ဖွင်‌့လှစ်သင်ကြားပေးနေခြင်းများကို မည်ကဲ့သို့ အရေးယူဆောင်ရွက်ထားသည်ကို သိရှိလိုပါကြောင်း မေးမြန်းပါသည်။