(က)-မိုးမိတ်မြို့နယ် တောင်ပေါ်ေ ဒသများတွင် ဆက်သွယ်ရေး တာဝါတိုင်များ စိုက်ထူပေးရန် အစီအစဉ် ရှိ/မရှိနှင့် စပ်လျဉ်းသည့် မေးခွန်း
မိုးမိတ်ခရိုင်၊ မိုးမိတ်မြို့နယ် တောင်ပေါ်ဒေသများဖြစ်သည့် လွယ်မောက်၊ တုံးကြီး၊ ရေပုံး၊ ခတ်ချယ်၊ လွယ်ရာ၊ မိုင်းနင်း၊ နန့်ရှီး၊ ညောင်တောက်၊ မန့်ယွန်း စသည့် ရေပုံးကျေးရွာအုပ်စု ကိုးတောင်နယ်နှင့် ငါးတောင်နယ်ဖြစ်သည့် မန်ကောင်ကျေးရွာအုပ်စု တောင်ပေါ်ဒေသများတွင် လမ်းများသည့် မကောင်းသည့်အပြင် ဆက်သွယ်ရေးများကလည်း မရဖြစ်နေကြောင်း၊ ရွာသားများနှင့် ကျန်းမာရေးဝန်ထမ်းများ၊ ပညာရေးဝန်ထမ်းများသည် ခက်ခက်ခဲခဲဖြင့် ဆိုင်ကယ် စီးပြီး သွားလာနေရကြောင်း၊ မိုးတွင်းနှင့် မိုးများသည့် ဒေသများတွင် ဆိုင်ကယ်များကိုသော်လည်း စီး၍မရကြောင်း၊ ခြေလျင်ခရီးသွားနေရကြောင်း၊ တောင်ပေါ်ဒေသများတွင် တာဝန် ထမ်းဆောင်ကြသည့် ဝန်ထမ်းများသည် နေမကောင်းဖြစ်သည့်အခါ မိမိအိမ်နှင့် ဆက်သွယ် လိုသည့်အချိန်တွင် များစွာအခက်အခဲ ဖြစ်ရကြောင်း၊ ၂၀၁၅-၁၆ ခုနှစ်တွင် လေပြင်း တိုက်ခတ်သည့်အချိန်တွင် အိမ်များ၊ ကျောင်းများ ပျက်စီးသွားသည့်အချိန်တွင် အချိန်နှင့် တစ်ပြေးညီ သိရှိနိုင်ခြင်းမရှိပါကြောင်း၊ မည်သည့်အတွက်ကြောင့်ဆိုသော် ဆက်သွယ်ရေး မကောင်းသည့်အတွက် ဖြစ်ကြောင်း၊ ထို့ကြောင့် ၎င်းတောင်ပေါ်ဒေသများတွင် ဆက်သွယ်ရေး ကောင်းမွန်းစေရန်အတွက် တာဝါတိုင်များ စိုက်ထူပေးရန် အစီအစဉ် ရှိ/မရှိ မေးမြန်းပါသည်။