ကျောင်းကုန်းမြို့နယ်ရှိ ပိန်းဂရက်လေး-ကျောင်းအိုင်-ပိန်းဂရက်ကြီးလမ်းသည် အရှည် ၃ မိုင် ၆.၈ ဖာလုံရှိသည့် မြေသားလမ်းမကြီးဖြစ်ကြောင်း၊ ပိန်းဂရက်လေးကျေးရွာ၊ ကျောင်းအိုင်ရွာ၊ သရက်ချောင်းရွာ၊ တောင်စုရွာ၊ ပိန်းဂရက်ကြီးရွာ၊ ငှက်ရိုးရွာတို့နှင့် တစ်ဆက်တည်း ဖြစ်ကြောင်း၊ ၎င်းလမ်းပေါ်တွင် ကျောင်းအိုင် ကျေးလက်ကျန်းမာရေးဌာနခွဲ တစ်ခု၊ ကျောင်းအိုင်ကျေးရွာ အခြေခံပညာမူလတန်းကျောင်း၊ ပိန်းဂရက်ကြီးရွာ အခြေခံပညာအထက်တန်းကျောင်း (ခွဲ) များ ရှိကြောင်း၊ နွေရာသီတွင် မြေသားလမ်းနှင့် သွားလာရလွယ်ကူပြီးသော်လည်း မိုးတွင်းတွင် သွားလာရခက်ခဲသည့် ဒေသတစ်ခုဖြစ်ကြောင်း၊ ကျောင်းသားအများစုသည် နှစ်စဉ် သွားလာနေသည့် လမ်းမကြီးဖြစ်ပြီး တချို့ကျန်းမာရေးချို့တဲ့သူများအတွက် မိုးတွင်းတွင် ပုခက်ဖြင့် ထမ်းသွားရသည့်အနေအထားမျိုးဖြစ်နေသည့် လမ်းမျိုးဖြစ်နေသည့် လမ်းဖြစ်ကြောင်း၊ မိုးတွင်းတွင် တောင်သူများ၏ စပါးများ၊ ပဲများ သယ်ယူပို့ဆောင်ရာတွင် အခက်အခဲများစွာ ကြီးပြီး ဈေးနှုန်းများ ကွာခြားမှုရှိကြောင်း၊ ၎င်းလမ်းသည် ကျေးရွာပြည်သူများ၏ လုပ်အားဒါနဖြင့် တည်ဆောက်ထားသည့် ပေ ၂၀ လမ်းမကြီးဖြစ်ပြီး ကျောင်းကုန်း-ကျုံပျော် ကတ္တရာလမ်းမနှင့် ကိုင်းတာ-ပိန်းဂရက်ကြီး ကျောက်ခင်းလမ်းတို့နှင့် ဆက်သွယ်လျက်ရှိသည့် လမ်းဖြစ်ကြောင်း၊ ရာသီမရွေးသွားလာနိုင်သည့် ကျောက်ခင်းလမ်းခင်းနိုင်ပါက ဒေသ၏ ကျန်းမာရေး၊ ပညာရေး၊ စီးပွားရေး၊ လူမှုရေးမှအစ တိုးတက်လာမည် ဖြစ်သည့်အတွက် ကျောင်းကုန်းမြို့နယ်ရှိ ပိန်းဂရက်လေး-ကျောင်းအိုင်-ပိန်းဂရက်ကြီးလမ်းအား ရာသီမရွေးသွားလာနိုင်သည့် ကျောက်ခင်း လမ်းအဖြစ် ဆောင်ရွက်ပေးရန် အစီအစဉ် ရှိ/မရှိကို သိရှိလိုပါကြောင်း မေးမြန်းပါသည်။