တိုင်းရင်းသားလူမျိုးများ၏အခွင့်အရေးကိုကာကွယ်စောင့်ရှောက်သည့်ဥပဒေကို ၂၀၁၅ ခုနှစ်၊ ဖေဖော်ဝါရီလ ၂၄ ရက်နေ့တွင် ပြည်ထောင်စုလွှတ်တော်ဥပဒေအမှတ်(၈/၂၀၁၅)ဖြင့် ပြဋ္ဌာန်းခဲ့ပြီး ယင်းဥပဒေအရ တိုင်းရင်းသားလူမျိုးများ၏အခွင့်အရေးအပြည့်အဝရရှိစေရန်နှင့် လူမှုအကျိုးစီးပွား များကို ကြိုးစားဖော်ဆောင်နိုင်ရေးအတွက် တိုင်းရင်းသားလူမျိုးများရေးရာဝန်ကြီးဌာနကိုလည်း ၂၀၁၆ ခုနှစ်၊ မတ်လ ၃၀ ရက်နေ့တွင် ဖွဲ့စည်းပြီးဖြစ်ပါကြောင်း၊

သို့ပါ၍ တိုင်းရင်းသားလူမျိုးများ၏အခွင့်အရေးကာကွယ်စောင့်ရှောက်သည့်ဥပဒေတွင် ပါရှိသော အခွင့်အရေးများမဆုံးစေရေး ပျောက်ကွယ်လုနီးပါးဖြစ်သော တိုင်းရင်းသားလူမျိုးများနှင့် ၎င်းတို့ ၏ရိုးရာယဉ်ကျေးမှုဓလေ့ထုံးတမ်းစဉ်လာများကို ထိန်းသိမ်းကာကွယ်စောင့်ရှောက်ရေး၊ တိုင်းရင်း သား မျိုးနွယ်စု၏အမှန်စာရင်းများကို သိရှိနိုင်ရန်အတွက် မြန်မာနိုင်ငံတွင် မှီတင်းနေထိုင်ကြသည့် လက်ရှိ အသိအမှတ်ပြုခေါ်ထားသောလူမျိုး ၁၃၅ မျိုးကို မည်သည့်အချိန်၊ မည်သည့်ကာလ၊ မည်သည့် လက်ထက်၊ မည်သို့သောသတ်မှတ်ချက်ဖြင့် လူမျိုး ၁၃၅ မျိုးကို မှန်ကန်မှု ရှိ/မရှိကို ယခုမျက်မှောက်ခေတ်တွင် ပြန်လည်စစ်ဆေးရန်ရှိ/မရှိ သိလိုပါကြောင်း မေးမြန်းပါသည်။