ရှမ်းပြည်နယ်(တောင်ပိုင်း)၊ လွိုင်လင် ခရိုင်၊ လဲချားမြို့နယ်၊ အမှတ်(၄) ရပ်ကွက်အတွင်းရှိ လျှပ်စစ်စွမ်းအင်ဝန်ကြီးဌာနမှ (၆၆) ကေဗွီအေ လျှပ်စစ်ဓာတ်အားခွဲရုံ(၁) ရုံ တည်ဆောက်ရန် အတွက် ဧရိယာအကျယ်အဝန်း (၂.၅၀) ဧက ရှိသော မြေကွက်အား သိမ်းယူခဲ့သော်လည်း ၎င်းနေရာတွင် ဓာတ်အားခွဲရုံကို မတည်ဆောက်ဖြစ်ဘဲ လက်ရှိ တည်ဆောက်ထားသော ဧရိယာအကျယ် (၅.၅၀) ဧက မြေကွက်ပေါ်တွင် ပြောင်းရွှေ့တည်ဆောက်ခဲ့ပါကြောင်း၊ မူလမြေကွက်အား ဓာတ်အားခွဲရုံအဖြစ်  ဌာနမှအသုံးပြုခြင်းမရှိပါက ပြန်လည်စွန့်လွှတ်ပေး မည်ဟု ပြည်သူလူထုအား ကတိပေးခဲ့သော်လည်း ယနေ့တိုင် ပြန်လည်စွန့်လွှတ်ခြင်း မရှိသေးကြောင်း၊

လဲချားမြို့ လျှပ်စစ်ဌာနအနေဖြင့် ယခုလျှပ်စစ်ဓာတ်အားခွဲရုံနေရာ ၅.၅၀ ဧက၊ လျှပ်စစ် ဝန်ထမ်းအိမ်ရာ ၃.၈၂ ဧက၊ မြို့နယ်လျှပ်စစ်အင်ဂျင်နီယာရုံး ၀.၉၅ ဧက၊ ယခုလျှပ်စစ် ဓာတ်အားခွဲရုံမတည်ဆောက်ဖြစ်သောမြေနေရာ ၂.၅၀ ဧက စုစုပေါင်းမြေဧက ၁၂.၇၇ ဧကကို ရရှိထားပါကြောင်း၊

 ယခု လက်ရှိမြို့နယ်အားကစားကွင်းမှာ အားကစားရုံတည်ဆောက်ရန်မြေနေရာ လုံ လောက်ခြင်းမရှိသည့်အတွက် ဖော်ပြပါမြေကွက်အား ပြန်လည်စွန့်လွှတ်ပေးပါက လဲချား မြို့နယ် လူငယ်များအတွက် များစွာအကျိုးရှိမည်ဖြစ်ပါကြောင်း၊

ထို့ကြောင့် လဲချားမြို့နယ် အမှတ်(၄)ရပ်ကွက် အတွင်းရှိ လျှပ်စစ်စွမ်းအင်ဝန်ကြီးဌာနမှ လျှပ်စစ်ဓာတ်အားခွဲရုံ တည်ဆောက်ရန်အတွက် ယခင်က သိမ်းဆည်းခဲ့သော ဧရိယာ ၂.၅၀ ဧကရှိ မြေနေရာအား မြို့နယ်လူငယ်ဖွံ့ဖြိုးရေးကိစ္စရပ်များတွင် အသုံးပြုနိုင်ရန်အတွက် ပြန်လည်စွန့်လွှတ်ပေးနိုင်ခြင်းရှိ/မရှိကို သိလိုပါကြောင်း မေးမြန်းပါသည်။