(ဇ)ဝိုင်းမော်မြို့နယ်၊ အမှတ်(၄)ရပ်ကွက်တွင် ရထားလမ်းဘူတာရုံအဖြစ် တည်ဆောက်ခဲ့ကြသော မြေနေရာကို ဆက်လက်ပြီး ဘူတာရုံတည်ဆောက်ရန်အစီအစဉ်ရှိ/မရှိသိရှိလိုခြင်းနှင့် စပ်လျဉ်းသည့် မေးခွန်း
ဝိုင်းမော်မြို့နယ်တွင် ၂၀၀၉ ခုနှစ်ခန့်ကတည်းက ရထား သံလမ်း၊ ဘူတာရုံ စတင်တည်ဆောက်ပြီး စီမံကိန်းကို စတင်အကောင်အထည်ဖော်ခဲ့ကြသည်မှာ ယနေ့အချိန်အထိ ၁၀ နှစ်နီးနီးခန့်ရှိခဲ့ပြီဖြစ် သော်လည်း ယခုအခြေအနေအထိ ဆက်လက်အကောင်အထည်ဖော်ခြင်းလည်း မရှိပါကြောင်း၊ အစောင့်အကြပ်လည်း မရှိသည့် အဆောက်အဦမြေနေများ၊ မြေလပ်များရှိပြီး မြေဧရိယာဧက အနေဖြင့် ၅၀၀ ကျော်ခန့်ရှိပါကြောင်း၊ သံလမ်းအတွက် မြေသားတာပေါင်ဖို့ရန် မြေများကို တူးဖော်လိုက်သည့် ကျင်းတွေ၊ ချိုင့်များတွင် ရေတွေပြည့်လျှံလျက်ရှိပြီး။ မိုးတွင်းကာလဆိုပါက ရေပြည့်စီးဆင်းသည့်အတွက် ကလေးသူငယ်များသည် အဆိုပါနေရာများတွင် ရေချိုး၊ ရေကစားခြင်းများ ပြုလုပ်ကြသည့်အတွက် ကလေးသူငယ်များ အသက် ဆုံးရှုံးရသည်အထိ ကြုံတွေရပါကြောင်း၊ ယင်း စီမံကိန်းကြီးကြောင့် လက်ရှိဖြစ်နေသည် အခြေအနေကို ဒေသခံများသာ ခံစားခဲ့ရပါကြောင်း၊ ထို့ကြောင့် အဆိုပါစီမံကိန်းကို ဆက်လက်လုပ်ဆောင်ရန် အစီအစဉ်ရှိ/မရှိ သိရှိလိုပါကြောင်း မေးမြန်းပါသည်။