မြစ်သားမြို့တွင် အရေးပါသော Class (A) အဆင့်ရှိသည့် ခရုတုပ်-လက်ပံပင်-ကျားမြီးဆွဲ-ကလုံလမ်းကို လမ်းအဆင့်တိုးမြှင့်ပေးရန် အစီအစဉ်ရှိ/မရှိ မေးခွန်းမေးမြန်းသွားမည် ဖြစ်ကြောင်း၊ အဆိုပါလမ်းသည် ကင်းတားတမံသို့သွားရာလမ်းနှင့် ခရိုင်ချင်းဆက်လမ်း အမှတ်(၂)ကို ဆက်သွယ်ထားသော ၁ မိုင် ၄ ဖာလုံအရှည်ရှိသည့် Class(A) အမျိုးအစား ဝင်လမ်းဖြစ်ပါကြောင်း၊ ယခု မေးခွန်းပါလမ်းသည် မြစ်သားမြို့၏ အင်မတန်အဓိကကျသည့် လမ်းနှစ်ခုကို ဆက်သွယ်ပေးထားသော အရေးပါသည့် လမ်းဖြစ်ပါကြောင်း၊

သို့ဖြစ်ပါ၍ အဆိုပါလမ်းကို အဆင့်မြှင့်တင်ပေးမည်ဆိုပါက ယခုမေးခွန်းပါ ခရုတုပ်-လက်ပံပင်-ကျားမြီးဆွဲ-ကလုံရွာများသာမက အခြားနီးစပ်သည့် ဆက်စပ်ရွာများရှိ ပြည်သူများ၏ စီးပွားရေး၊ လူမှုရေး၊ ကျန်းမာရေး၊ ပညာရေး အစရှိသည်တို့ တိုးတက်မြင့်မားလာမည်ဖြစ်ပါသဖြင့် အဆိုပါလမ်းအား အဆင့်မြှင့်တင်ပေးနိုင်ရန်အတွက် မြစ်သားမြို့နယ်အတွင်းရှိ အရေးပါလှသော Class(A) အဆင့်ရှိ လမ်းဖြစ်သည့် ခရုတုပ်-လက်ပံပင်-ကျားမြီးဆွဲ-ကလုံလမ်းကို လမ်းအဆင့်မြှင့်တင်ပေးရန် အစီအစဉ်ရှိ/ မရှိ သိလိုပါကြောင်း မေးမြန်းပါသည်။