(က)-ပြည်မြို့နယ်အတွင်း နဝင်းချောင်းရေတိုက်စားမှုကြောင့် ဆိုးရွားစွာကမ်းပြိုလျက်ရှိသော ကျေးရွာ များအတွက် ကမ်းပြိုကာကွယ်ရေးလုပ်ငန်းများကို မည်သည့်ဘဏ္ဍာရေးနှစ်တွင် ဆောင်ရွက်ပေးနိုင် မည်ကို သိလိုခြင်းနှင့်စပ်လျဉ်းသည့်မေးခွန်း

နဝင်းချောင်းသည် မိမိတို့ ပြည်မြို့နယ်၏ အရှေ့ဘက်က စတင်စီးဆင်းဝင်ရောက်လာပြီး မြို့နယ် အတွင်းကို ဖြတ်သန်းစီးဆင်းပါကြောင်း၊ နောက်ဆုံးတွင် ဧရာဝတီမြစ်ထဲကိုစီးဝင်သွားသော ‌ချောင်း တစ်ခုဖြစ်ပါကြောင်း၊ ယခုအခါ ရေနည်းသော်လည်း မိုးတွင်းအခါတွင် ရေအလွန်များပြီး ရေစီး အလွန်သန်သော ချောင်းဖြစ်သည့်အတွက် မြို့နယ်အတွင်းရှိ ကျေးရွာအချို့သည် နှစ်စဉ်ရေတိုက် စားမှုကြုံတွေ့နေရပါကြောင်း၊ ယခုမေးခွန်းတွင်ပါဝင်သော ကျေးရွာအုပ်စုသုံးစုသည် အဆိုးရွားဆုံး ဖြစ်ပြီး လူနေအိမ်များ၊ သာသနိကအဆောက်အအုံများနှင့် ရွာချင်းဆက်လမ်းများကို တိုက်စား ပျက်စီးစေသည့်အတွက် မေးမြန်းရခြင်း ဖြစ်ပါကြောင်း၊

ပထမဦးစွာ မြောင်းငယ်လှကျေးရွာရှိ ကမ်းပြိုခြင်းကို တင်ပြလိုပါကြောင်း၊ နဝင်း‌ချောင်းစီးဆင်း လာသည့်အချိန်တွင် မြောင်းငယ်လှရွာကို ဖြတ်သန်းစီးဆင်းသွားပါကြောင်း၊ ရွာ၏ အလယ်ရောက် သည့်အခါ ချောင်းကျဉ်းသွားသည့်အတွက် ကမ်းပါးတိုက်စားမှုကို များစွာဖြစ်ပေါ်စေပါကြောင်း၊ ထို့အပြင် အဆိုပါရွာက မြေအောက်ရေများသည် ရေလျှံတွင်းက အဆက်မပြတ်ထွက်သည့်အတွက် ယခုအချိန် ရေနည်းသွားသည့်အချိန်တွင်လည်း မြေပြိုမှုကို ပိုပြီးဆိုးရွားစေပါကြောင်း၊ ရွာသူရွာသား များသည် ရွာရှိလူနေအိမ်များအတွက် စိုးရိမ်ပူပန်ရသည့်အပြင် အဓိကရေတိုက်စားသည့်နေရာသည် ဘုန်းတော်ကြီးကျောင်းနှင့် ရှေးဟောင်းသိမ်တည်ရှိနေသည့်အတွက် အချိန်မီမဆောင်ရွက်နိုင်ပါက သာသနိကအဆောက်အအုံများပါ ပျက်စီးသွားမည်ဖြစ်သည့်အတွက် မေးမြန်းရခြင်းဖြစ်ပါကြောင်း၊ ဒုတိယအနေဖြင့် သဲကုန်းကျေးရွာအုပ်စုရှိ လင်းပယ်ရွာကမ်းပါးပြိုကျခြင်းက အလွန်အဆိုးဆုံး ဖြစ်ပါကြောင်း၊ ယခု မိမိတို့၏ကျေးရွာချင်းဆက်လမ်း နတ်တလင်း၊ သဖန်းဂျို၊ ကမ်မလာ၊ လက်ခုပ်ကုန်း၊ ငွေအသပြာ၊ ပေါင်းစု၊ လင်းပယ်၊ ဇီးတောစသည့်ရွာများမှ ပြည်-အောင်လံ လမ်းမကြီးကို ဆက်သွယ်သည့်ကုန်ထုတ်လမ်းဖြစ်ပါကြောင်း၊ ကမ်းပါးပြိုပြီး ယခုအချိန်တွင် လမ်းတစ်ဝက်ကျော်ပါသွားပြီ ဖြစ်ပါကြောင်း၊ ထို့ကြောင့် ၎င်းကမ်းပါးကိုလည်း ၂၀၁၉-၂၀၂၀ ဘဏ္ဍာရေးနှစ်တွင် တင်ပြတောင်းခံသည်မှာ စုစုပေါင်း ဘဏ္ဍာရေးနှစ်သုံးနှစ်ကို ၂၀၁၉-၂၀၂၀ ဘဏ္ဍာရေးနှစ်တွင်လည်း မပါဝင်ခဲ့သည့်အတွက် ယခုအချိန်တွင် ပြည်သူများ ကိုယ်ထူကိုယ်ထဖြင့် သိန်း ၄၀ ကျော် အကုန်အကျခံ ချောင်းဖြောင့်ပြီး ချောင်းလွှဲထားသော်လည်း ပြည်သူများက တတ်စွမ်းသမျှ လုပ်ထားပေမဲ့လည်း ရေကကမ်းပါးထိပ်ထိရောက်သည့်အတွက် မိုးပြင်းပြင်းထန်ထန် နှစ်ချီခန့်ရွာလိုက်ပါက ငွေကုန်ကြေးကျခံပြီး ရွာသူရွာသားများ ဆောင်ရွက်ထားသည်မှာ ပြန်လည် တိုက်စားသွားမည် ဖြစ်ပါကြောင်း၊ ထို့အပြင် ယခုနှစ်တွင် မိမိတို့က သိန်းပေါင်း ၃၆၀၀ ဖြင့် ကျေးလက်လမ်းကို ကျောက်ချောလမ်းခင်းရာတွင် မည်သို့မျှမဖြစ်နိုင်သည့်အတွက် အိမ်လေးအိမ်ကို နောက်ဖြိုပြီး ရွေ့လိုက်ရပါကြောင်း၊ ပေ ၄၀ လည်း လောလောဆယ် နောက်ဆုတ်ထားပါကြောင်း၊ ကျေးလက်လမ်းနှင့်လည်းညှိနေပါ‌ကြောင်း၊ ၎င်းဝိတ်ကို ခံနိုင်ပါ့မလားဆိုသည်လည်း ရှိပါကြောင်း၊ ထို့ကြောင့် ယခုနှစ်မိုးသာ မပြင်ဆင်ပါကယခုလမ်းရော၊ အသစ်လမ်းရော မိမိတို့ လုပ်ထားသော ရေလွှဲသည်လည်း အဆင်ပြေမည် မထင်ပါကြောင်း၊ ထို့ကြောင့်အရေးအကြီးဆုံးတစ်ခုအနေဖြင့် ထည့်သွင်းမေးမြန်းရခြင်း ဖြစ်ပါကြောင်း၊ တတိယအချက်အနေဖြင့့် ပေါင်းတလည် တိုက်နယ် ဝန်တင်ဆိပ်ရှိ နဝင်းချောင်းပါးပြိုနေပါကြောင်း၊ ပြည်မြို့နယ်ရှိ တိုက်နယ်နှစ်ခုဖြစ်သော ပေါင်းတလည်မြို့နှင့် ဝက်ထီးကန်မြို့ကို ဆက်သွယ်ထားသည့်လမ်းထဲတွင်ပါရှိပါကြောင်း၊ ယခု မြေပြင်တွင် ၁၀ ပေတောင် မကွာတော့ပါကြောင်း၊ ပေါင်းတလည်-ဝက်ထီးကန်ဆက်လမ်း ယခုနှစ်မိုးတွင်ပါသွားမည့်အပြင် ၎င်းဘေးရှိ ဝန်တင်ဆိပ်မူလတန်းကျောင်းလည်း ပါနိုင်သည့် အခြေအနေဖြစ်ပါကြောင်း၊ ရေအရင်းအမြစ်နှင့် မြစ်ချောင်းများဖွံ့ဖြိုးတိုးတက်ရေးဦးစီးဌာနက ၂၀၁၉-၂၀၂၀ ဘဏ္ဍာရေးနှစ်အထိ သုံးနှစ်တိုင် တင်ပြတောင်းခံခဲ့သော်လည်း အဆိုပါကမ်းပါး ထိန်းသိမ်းရေးလုပ်ငန်းများသည် ဘတ်ဂျက်တွင် ပါဝင်လာခြင်းမရှိပါကြောင်း၊ မိမိတို့ ကိုယ်ထူ ကိုယ်ထအားဖြင့် ဆောင်ရွက်ထားရသည့်အတွက် ယခုနှစ်မိုးမကျခင်တွင် မည်သို့ဘတ်ဂျက်ဖြင့် ပေးနိုင်မည်ကို သိလိုပါကြောင်း မေးမြန်းပါသည်။