မိမိတို့နိုင်ငံတွင် မကြာမီနိုင်ငံတကာ ရင်းနှီးမြှုပ်နှံမှုများဝင်ရောက် လာမည်ဖြစ်သောကြောင့်  SME များနှင့် လုပ်ငန်းရှင်များ၊ ကုမ္ပဏီများ၊ Supermarketကြီးများ၊ ကုန်သည်ပွဲစားများ၊ ကုန်စည်ဒိုင်များနှင့် UNFCCT ကုန်သည်အသင်းကြီးနှင့် NGO အဖွဲ့များအနေဖြင့် ကြိုတင်ပြင် ဆင်မှုများ နိုးကြားနေရ မည်ဟု ယူဆမိသည့်အလျောက် နိုင်ငံ အတွင်း နေ့စဉ်နှင့် အမျှ သုံးစွဲနေသော အလေးချိန်ခွင်၊ အရောင်းအဝယ် အတိုင်းအတာ အရေအတွက်များကို နိုင်ငံတကာစံချိန်စံညွှန်းမီသော စံယူနစ်တစ်ခုသို့သုံးစွဲရန် အထူးလိုအပ်မည်ဟု ထင်မိပါကြောင်း၊ သက်ဆိုင်ရာဝန်ကြီးဌာနနှင့် UNFCCTက စံကိုက်အလေးနှင့် အချိန်ကို ကြပ်မှတ်ဆောင်ရွက်နေသည်ကိုတွေ့ရှိရသော် လည်း နေရာ‌ဒေသ၊ လမ်းပန်းဆက်သွယ်ရေး နှင့် ရှေးရိုးအစဉ်အလာများပေါ် မူတည်၍ တင်း၊ တောင်း၊ ပုဒ်၊ အိတ်၊ အိုး၊ ပုလင်း၊ ဗူး၊ ခွက်၊ ဆွဲကြိမ်နှင့် ဓါတ်ခဲ အမျိုမျိုးကို အကြောင်းပြချက်အမျိုးမျိုးဖြင့် ကိုင်တွယ်နေကြပါကြောင်း၊  ထိုကဲ့သို့ စံချိန်းစံညွှန်း  မရှိသော အချိန်အတွယ်များကို လမ်းလျှောက်ပွဲစားမှသည် နိုင်ငံတကာ Export လုပ်နေသော ကုမ္ပဏီများအထိ အခေါ်အဝေါ်အမျိုးအမည်အမျိုးမျိုးဖြင့် ယနေ့အထိရှိနေသုံးစွဲနေခြင်းသည် နိုင်ငံတကာ၏ အရောင်းအဝယ် စနစ်ကို အဟန့်အတားဖြစ်စေသည့်အပြင် မမှန်မကန် ဆောင်ရွက်နေခြင်းများ လည်း တွေ့ရှိရသောကြောင့် ၂၀၁၅ခုနှစ် After ကိုလည်း ကြိုဆိုရာ ရောက်မည်ဟု မထင်ပါကြောင်း၊  ဈေးကွက်စီးပွားရေးစနစ်အရ လွတ်လပ်စွာရောင်းဝယ်ခွင့် ပေးသည်မှန်ပါသော်လည်း ဥပဒေစနစ် စည်းကမ်းမရှိလျင် တစ်နိုင်ငံလုံးတိုးတက်ရန် အကြောင်းလည်း မရှိနိုင်ပါကြောင်း၊  ယခု နိုင်ငံ အတွင်း ရောင်းဝယ်နေသည့် အချိန်အတွယ်များမှာ လျှပ်စစ်ကို ကီလိုဝက်နာရီ၊ ဆက်သွယ်ရေးတယ်လီဖုန်းကို မိနစ်၊ သစ်ကို တန်၊ ရေကို ကုဗမီတာ၊ လီတာ၊ စားသောက်ကုန်အမျိုးမျိုးကို Supermarket ကြီးများတွင် Matric စနစ်ဖြစ်သော လီတာ၊ ကီလို ဂရမ်ဖြင့် လည်းကောင်း၊ Digital ကတ္တားများဖြင့် လည်းကောင်း၊ အများဆုံး ရောင်းဝယ်ကြသော်လည်း ကွဲပြားမှု ရှိနေပါကြောင်း၊ အချို့မြို့ရွာများတွင် ဆန်စပါးကို ပေါင်း၊ ဆင်း၊ အိတ် စသည်ဖြင့်လည်းကောင်း၊  စားသုံးဆီကို ပိဿာ၊ ကျပ်သား၊ အလေးချိန်၊ ပီပါဖြင့် လည်းကောင်း ရောင်းဝယ်နေသည်ကိုတွေ့ရပါကြောင်း၊  ပီပါတွင်လည်း ပီပါ ၁ လုံးကို ၁၁၀ ပိဿာမှ ၁၁၅ ပိဿာ၊ ၁၁၆ပိဿာစသည်ဖြင့် ထည့်သောပိဿာချိန်မတူညီသည်ကိုလည်းတွေ့ ရှိရပါကြောင်း၊  စက်သုံးဆီကို လီတာ ဂါလံ၊ ပုံး၊ပီပါ စသည်ဖြင့်လည်းကောင်း၊ စွမ်းအင်ဝန်ကြီးဌာနမှ ယနေ့ရောင်းချနေသည်မှာ ကားဘောက်ဇာ အချိန်အတွယ်ဖြင့်ပေး၍ လီတာ၊ ဂါလံငွေကျပ် ဖြင့်လက်လီရောင်းနေရာ လီတာနှင့်ပေး၍ လီတာဖြင့်ရောင်း သင့်ပါကြောင်း၊ ပဲမှာမျိုးစုံများတွင်လည်း မြေပဲတောင့်ကို ပေါင်ဖြင့်လည်းကောင်း၊ တင်ချိန်၊ တင်းဆိုက်အမျိုးမျိုးဖြင့် ချိန်တွယ် နေကြ သည်ကိုတွေ့ရှိရပါကြောင်း၊  အခြားစိုက်ပျိုးသီးနှံဟူသမျှနှင့် သယံဇာတ ထုတ်ကုန်ပစ္စည်းများ တွင်လည်း အခေါ်အဝေါ်တူ၊ အရေအတွက်တူ တန်ဖိုးခြင်းမတူသော အရောင်းအဝယ်စနစ်ကို တိုင်းဒေသကြီး/ပြည်နယ်အလိုက်၊ ဒေသအလိုက်ယနေ့တိုင် ရောင်းဝယ်နေကြတာကိုတွေ့ မြင်နေရပါကြောင်း၊ အိန္ဒိယနိုင်ငံတွင်တစ်ချိန်က အရောင်းအဝယ်အလေးချိန်စနစ်ကို အမျိုးမျိုးသုံးစွဲနေရာမှ စံယူနစ်တစ်ခုတည်းကို သာ ပြောင်းလဲသုံးစွဲခဲ့ခြင်းကြောင့် နိုင်ငံတော်ဖွံ့ဖြိုးတိုးတက်မှု အချိန် တိုးမြင့်လာသည်ကို အကြောင်းပြုခြင်း အားဖြင့် နိုင်ငံတစ်နိုင်ငံ၏ DTPတိုးတက်ရန်နှင့် စံချိန်စံညွှန်း မှန်ကန်ရန် စံယူနစ်တစ်ခုအပေါ် အခေါ်အဝေါ် တစ်ခုတည်းကို ပစ္စည်းအမျိုးအမည်ကိုလိုက်၍ ဥပဒေပြုနိုင်မှသာ စံချိန်စံညွှန်း တစ်ရပ် ဖြစ်လာမည်ဖြစ်ပြီး တစ်နိုင်ငံလုံးတစ်ပြေးညီ တိုးတက်လာမည့်အပြင် တောင်သူလယ်သမားများ၏ ဆင်းရဲမွဲတေမှု လျော့ချရေး ကိုလည်း အထောက်အကူပြု မည်ဖြစ်သည့်အတွက် အရောင်းအဝယ်စနစ်တွင် နိုင်ငံတကာစံချိန် စံညွှန်းနှင့်အညီ ကုန်ပစ္စည်းအမျိုးအမည်လိုက်၍ စံအလေး၊ စံယူနစ်တစ်ခုတည်းသော အသုံးအနှုန်းကိုနိုင်ငံတော်မှ မည်ကဲ့သို့ ဥပဒေပြဋ္ဌာန်း ပေးပါမည်နည်း။ ဥပဒေပြဋ္ဌာန်းထားပါက ဥပဒေ စည်းမျဉ်းစည်းကမ်းကို လိုက်နာမှုရှိ/မရှိနှင့် လိုက်နာမှုမရှိလျှင် မည်ကဲ့သို့စီမံကွပ်ကဲ ဆောင်ရွက်မည်ကိုသိလိုပါမေးမြန်းပါသည်။