၁၉၅၈ ခုနှစ် တောင်ဥက္ကလာပမြို့နယ်ကို စတင်တည်ထောင်စဉ်က ရပ်ကွက်တိုင်းရှိ ထောင့်နေရာ မြေကွက်များကို ချန်ထားပြီး အပန်းဖြေပန်းခြံ၊ အားကစားကွင်း၊ မီးတားမြေ များအဖြစ်  ပြုလုပ်ခဲ့ပါကြောင်း၊ တောင်ဥက္ကလာပမြို့နယ်၊ (၉)ရပ်ကွက်ရှိ ထောင့်မြေကွက်ကို ၁၉၉၀ ခုနှစ်တွင် အသင်းတစ်ခုမှရယူပြီး ဆိုင်ခန်းများ ငှားရမ်းခဲ့ပါကြောင်း၊ ၂၀၁၂ ခုနှစ်တွင် ပါတီတစ်ခုမှ ကွန်ဒိုဆောက်လုပ်ရန် စီစဉ်ခဲ့ပါ ကြောင်း၊ ၂၀၁၃ ခုနှစ်၊ ဇန်နဝါရီလတွင် တောင်ဥက္ကလာမြို့သူမြို့သားများ စုပေါင်းလက်မှတ်ရေးထိုးပြီး ၎င်းပန်းခြံနေရာ ပြန်လည်ရရှိရန် တင်ပြတောင်းဆိုခဲ့ကြပါကြောင်း၊ ၁၄-၈-၂၀၁၃ ခုနှစ်တွင်  တောင်ဥက္ကလာပမြို့နယ်နေ ၊ ပြည်သူများသည် အားကစား၊ ပန်းခြံ ပြန်လည်ရရှိရန်အတွက် ဆန္ဒဖော်ထုတ်ခဲ့ ကြပါကြောင်း၊ ၎င်းဆန္ဒဖော်ထုတ် ပြီးနောက် ဆောက်လုပ်ရေးလုပ်ငန်းများ ရပ်ဆိုင်း သွားခဲ့ပြီး တစ်နှစ် အကြာတွင် ဆောက်လုပ်ရေး လုပ်ငန်းများ ပြန်လည် စတင်ဆောင်ရွက် ခဲ့သည့်အတွက် ၂၁-၁၂-၂၀၁၄ ရက်နေ့တွင်ဒုတိယအကြိမ်ဆန္ဒဖော်ထုတ်ခဲ့ပြီးနောက်ဆောက် လုပ်ရေး လုပ်ငန်းများ ပြန်လည်ရပ်ဆိုင်းသွားခဲ့ပါကြောင်း၊ အစိုးရသစ် တက်ပြီး မေလတွင် ရန်ကုန်တိုင်း ဒေသကြီး ဝန်ကြီးချုပ် သို့ လိပ်မူပြီး အားကစား၊ ပန်းခြံ ပြန်လည်ရရှိရန် ရပ်ကွက်သူ/ရပ်ကွက်သားများမှ လက်မှတ်ရေးထိုး တင်ပြခဲ့ပါကြောင်း၊ ၂၇-၆-၂၀၁၆ ရက်နေ့တွင် ရန်ကုန်တိုင်းဝန်ကြီးချုပ်နှင့် ပြည်သူ့လွှတ်တော် ကိုယ်စားလှယ်များ တွေ့ဆုံပွဲတွင် အားကစား၊ ပန်းခြံအဖြစ် ပြန်ပေးရန် မိမိအနေဖြင့် တင်ပြသည့်အခါ ဝန်ကြီးချုပ်မှ အများပြည်သူပိုင်သော မြေနေရာများကို ပြည်သူ့ လက် ထဲပြန်လည်ရောက် ရန် ဆောင်ရွက်နေ သည်ဟု ဖြေကြားခဲ့ပါကြောင်း၊ ၁၀-၇-၂၀၁၆ ရက်နေ့တွင်  ဆောက်လုပ်ရေး လုပ်ငန်းများ ပြန်လည်စတင် ဆောင်ရွက်နေသည့်အတွက် မေးမြန်းသည့်အခါ Pile ရိုက်ခွင့်သာ ပြုထားပြီး အဆောက်အဦ ဆောက်လုပ်ရန် အဆင့်ကို ခွင့်ပြုထားခြင်း မရှိပါကြောင်း၊ ခရိုင်မြို့နယ် စည်ပင်မှ တားမြစ်စာ ထုတ်ပြန် ခဲ့ခြင်းဖြစ်ပါကြောင်း၊ သို့ဖြစ်ပါ၍ ၎င်းမြေနေရာအား အားကစား၊ ပန်းခြံအဖြစ် ပြန်လည်ခွင့်ပြုပေးရန်အစီအစဉ်ရှိ/မရှိ ကိစ္စနှင့် စပ်လျဉ်း၍ မေးမြန်းခဲ့ပါသည်။