(ဃ)- မကွေးတိုင်းဒေသကြီး၊ ဆိပ်ဖြူမြို့ မှလက် ဆယ်ကျေးရွာအထိ၊ဆိပ်ဖြူမြို့မှပင်းတလဲကျေးရွာ အထိနှင့် ကျန်ရှိကျေးရွာများလျှပ်စစ်မီးပေးနိုင်ရေး အတွက်ဆောင်ရွက်ပေးရန် အစီအစဉ် ရှိ၊မရှိနှင့် စပ်လျဉ်းသည့် မေးခွန်း
2021-01-03
မိမိတို့ ဆိပ်ဖြူမြို့ လျှပ်စစ်ရပ်ဝန်းအတွင်းရှိ ၆၆/၁၁ KV 5 MVA ဓာတ်အားခွဲစက်ရုံကြီးအား ဆိပ်ဖြူမြို့နယ်တစ်မြို့နယ်လုံးသို့ လျှပ်စစ်မီး ပေးနိုင်ကြောင်းကိုသိရှိရပါကြောင်း၊ ဆိပ်ဖြူမြို့နယ်ရှိ လျှပ်စစ် ဓာတ်အားခွဲရုံမှ လက်ဆယ်ကျေးရွာ ၁၆ မိုင်သို့ သွယ်တန်းလျှင် ကျေးရွာ ၁၇ ရွာ၊ လူဦးရေ ၁၂၁၈၆ ဦး၊ ပင်းတလဲကျေးရွာသို့ မီးသွယ်တန်းလျှင် ကျေးရွာ ငါးရွာ၊ လူဦးရေ ၅၃၈၂ ဦး အကျိုးခံစား ရမည်ဖြစ် ပါကြောင်းနှင့် ကျန်ရှိ ကျေးရွာများကလည်း လျှပ်စစ်မီးသုံးစွဲနိုင်ရန် လိုလားလျက်ရှိပါကြောင်း၊ ထို့ကြောင့် ဆိပ်ဖြူမှ လက်ဆယ်၊ ဆိပ်ဖြူမှ ပင်းတလဲနှင့် ကျန်ရှိ ကျေးရွာများ မီးလင်းနိုင်ရေးအစီအစဉ်များ ရှိ/မရှိနှင့် ရှိပါက မည်သည့် အချိန်၊ မည်သည့်ကာလတွင် ဆောင်ရွက်ပေးမည်ဖြစ်ကြောင်းနှင့် မရှိပါက အဘယ် ကြောင့် မရှိသည်ကို သိရှိလိုပါကြောင်း မေးမြန်းပါသည်။