၂၀၁၆ ခုနှစ် ဖြစ်ပေါ်လာမည့် အယ်လ်နီညိုအကျိုးသက်ရောက်မှုကြောင့် မြန်မာနိုင်ငံတစ်ဝှမ်း ဖြစ်ပေါ်လာနိုင်သည့် သဘာဝဘေးအန္တရာယ်များကို ကြိုတင်ကာကွယ်နိုင်ရေးအပေါ် ယခုလာမည့် နွေရာသီတွင် ဖြစ်ပေါ်နိုင်သည့် လျှပ်စစ်ဓာတ်အားအခြေအနေများကို အသေးစိတ်ဆွေးနွေး တင်ပြခဲ့ပြီးလည်း ဖြစ်ပါကြောင်း၊ ၎င်း ဆွေးနွေးခဲ့သည့်အတိုင်း မြန်မာနိုင်ငံသည် ရေအားလျှပ်စစ်အပေါ်တွင် ၆၀ ရာခိုင်နှုန်းကျော် အမှီပြုနေရသည့်အတွက် ရေအားလျှပ်စစ် ထုတ်ပေးနေသော ဆည်များသည် ရေအဝင်နည်းခြင်း၊ ဆည်ထဲရှိသည့်ရေများ ရေငွေ့ပျံနှုန်းမြှင့်မားခြင်းတို့ကြောင့် လျှပ်စစ်ဓာတ်အားလိုအပ်ချက်တိုင်း ထုတ်ပေးနိုင်ခဲ့ခြင်းမရှိသည်ကို နှစ်စဉ်ကြုံတွေ့ခဲ့ရပါကြောင်း၊ အထူးသဖြင့် ယခုနှစ်တွင် အယ်လ်နီညို သက်ရောက်မှုကြောင့် ရေလျော့နည်းဆုံးရှုံးမှု ပိုမိုဖြစ်နိုင်သည့်အတွက် လျှပ်စစ်ဓာတ်အား ပိုမိုလျော့နည်းနိုင်သည့် အခြေအနေဖြစ်ပါကြောင်း၊ ထို့ကြောင့် ယခုနှစ်နွေရာသီတွင် လျှပ်စစ်ဓာတ်အား မပြတ်တောက်စေရန် ဝန်ကြီးဌာနအနေဖြင့် မည်ကဲ့သို့ အစီအမံများ ချမှတ်ဆောင်ရွက်ထားသည်ကို သိရှိလိုပါကြောင်း မေးမြန်းပါသည်။