မန္တလေးတိုင်းဒေသကြီး၊ ပျော်ဘွယ်မြို့နယ်အတွင်း ကျေးရွာအုပ်စုပေါင်း ၇၅ အုပ်စုရှိပြီးကျေးရွာပေါင်း ၃၁၈ ရွာ ရှိပါကြောင်း၊ လျှပ်စစ်မီးရရှိသည့် ရွာမှ ၅၂ ရွာရှိပြီး ကျေးလက်ဒေသ ဖွံ့ဖြိုးတိုးတက်ရေး ဦးစီးဌာန၏ အစီအစဉ်ဖြင့် ဆိုလာမီးလင်းနေသည့် ကျေးရွာပေါင်း ၄၄ ရွာ ရှိပါကြောင်း၊ မီးလင်းရန် ၂၂၂ ရွာကျန်ရှိပါကြောင်း၊ ကျေးရွာလူထု၏ ထည့်ဝင်ငွေများ၊ သမချေးငွေ များနှင့် ပုဂ္ဂလိကအလှူရှင်များ၏ထည့်ဝင်ငွေ ၊ ပြည်ထောင်စုလွှတ်တော်ရန်ပုံငွေ မှခွဲဝေရရှိသည့် ရန်ပုံငွေဖြင့် လျှပ်စစ်မီးရရှိအောင် ဆောင်ရွက်လျက်ရှိပါကြောင်း၊ ယခုလိုဆောင်ရွက်နေ သည့် ကျေးရွာပေါင်း များစွာရှိသည် အနက် ပျော်ဘွယ်မြို့၏ အရှေ့ဘက် ၁၂ မိုင်အကွာရှိ ကျေးရွာပေါင်း ၁၈ ရွာ မီးလင်းရေးဆောင်ရွက်လျက်ရသည့် ရွှေညောင်ဖူး၊ ကျောက်ချပ် တင်ပြပါ သူဋ္ဌေးကုန်းမှ တင်ပြပါ နေရာအထိ ၃၃/၁၁ ကေဗွီဓာတ်အားလိုင်းသွယ်တန်းမှုလုပ်ငန်းတွင် ကျေးရွာလူထုထည့်ဝင်ငွေ ကျပ် သိန်း ၅၀၀ နှင့် သမဝါယမချေးငွေ ကျပ်သိန်း ၁၉၅၀၊ ပြည်ထောင်စု လွှတ်တော်ရန်ပုံငွေကျပ် သိန်း ၉၀ ပံ့ပိုးကူညီဆောင်ရွက်လျက်ရှိပါကြောင်း၊ ယခုဆိုရင် ၈၅ ရာခိုင်နှုန်း ပြီးစီးနေပြီ ဖြစ်သော်လည်း  ငွေကြေးလုံလောက်မှု မရှိသည့်အတွက် လုပ်ငန်းများရပ်ဆိုင်းထား နေရပါကြောင်း၊ ၃၃ ကေဗွီ ဓာတ် အား လိုင်းသွယ်တန်းမည်ဆိုပါက ၎င်းလမ်းကြောင်း ဝဲ/ယာ ရှိသည့် ရမည်းသင်း မြို့နယ်မှ လေးရွာနှင့် ပျော်ဘွယ်မြို့နယ်မှ ခြောက်ရွာ စုစုပေါင်း ၁၀ ရွာ လျှပ်စစ်မီးသွယ်တန်း ရယူနိုင်မည်ဖြစ်ပါကြောင်း၊ ထို့အပြင် ပျော်ဘွယ်မြို့နယ်၏ အနောက်ဘက် ကျေးရွာများတွင် ငွေကြေးစုဆောင်းပြီး ကျေးလက် မီးလင်းရေး ဆောင်ရွက်လျက်ရှိပါကြောင်း၊ ပျော်ဘွယ်-နတ်မောက်လမ်း တစ်လျှောက် ၇ မိုင်ခွဲ တွင်ရှိသည့် ရနောင်မြို့အထိ  လျှပ်စစ်မီး ရောက်ရှိမည်ဖြစ်ပါကြောင်း၊ ရနောင်မြို့မှ နယ်စပ်အထိ ၁၆ မိုင်ကျော်မှာရှိသည့် ကျေးရွာများမှ ၃၃/၁၁ ကေဗွီ လျှပ်စစ်မီးလိုင်း မရောက်သေးသည့် အတွက် လျှပ်စစ်မီးလင်းရေး ကိုယ့်အားကိုယ်ကိုး ဆောင်ရွက်နိုင်ခြင်းမရှိသေးပါကြောင်း ၊ထို့ကြောင့် မိမိသိလိုသည်မှာ (၁) ပျော်ဘွယ်မြို့နယ်၏ အရှေ့ဘက် ၊ ရွှေညောင်ဖူးကျေးရွာအနီးအထိ ၃၃/၁၁ ကေဗွီဓာတ်အားလိုင်း ၁၂ မိုင်နှင့် ဓာတ်အား ခွဲရုံတည်ဆောက်မှုကို နိုင်ငံတော်မှ အတိုင်းအတာတစ်ခု အထိ ဖြည့်စွက်ကူညီဆောင်ရွက်ပေးရန်၊ (၂) ပျော်ဘွယ်မြို့နယ် အနောက်ဘက်ခြမ်း ပျော်ဘွယ်-နတ်မောက် လမ်းဘေးဝဲ/ယာ ရှိ ကျေးရွာများ မီးလင်းရေးကြိုးစားနေမှုကို ပံ့ပိုးကူညီနိုင်ရန်အတွက် တောင် ညောင်ကုန်းကျေးရွာအထိ ၃၃/၁၁ ကေဗွီဓာတ်အားလိုင်း ၁၆ မိုင်ကျော်ဆွဲပေးရန် နှင့် (၃) ဓာတ်အားခွဲရုံများ တည်ဆောက်ပေးရန်နှင့် ၂၀၁၆-၁၇ ဘဏ္ဍာရေးနှစ်တွင် မန္တလေးတိုင်းဒေသကြီး၏ ဘတ်ဂျက်ခွဲဝေမှုတွင် အခြားမြို့နယ်များအတွက် ဓာတ်အားလိုင်းများ၊ ဓာတ်အားခွဲရုံများအတွက် ရန်ပုံငွေခွဲဝေမှု ပါရှိခဲ့ပါကြောင်း၊ သို့သော် ပျော်ဘွယ်မြို့နယ်အတွက် သစ်သားဓာတ်မီးတိုင် ၈၄ တိုင် လဲလှယ်ရန်သာ ရန်ပုံငွေခွဲဝေချထားပေးမှုမရှိပါကြောင်း၊ ထို့ကြောင့် တင်ပြချက်များ အပေါ်တွင် သက်ဆိုင်ရာဝန်ကြီးဌာနမှ ဆောင်ရွက်ပေးနိုင်သည့် အခြေအနေရှိ/မရှိကို သိရှိလိုပါကြောင်း မေးမြန်း ပါသ