(ဂ)-မြစ်ကြီးနား-မန္တလေးလမ်းတွင် စုန်/ဆန်ပြေး ဆွဲလျက်ရှိသည့်မီးရထား လူစီးတွဲများအားကောင်း မွန်သည့်တွဲဆိုင်းများဖြင့်အစားထိုးပေးရန်နှင့်မီးရ ထားဝန်ထမ်းများအတွက်ပြည်သူ့ဆက်ဆံရေးသင် တန်းများဖွင့်လှစ်ပေးရန်အစီအစဉ်ရှိ၊မရှိနှင့်စပ်လျဉ်း သည့် မေးခွန်း
မြန်မာပြည်(အထက်ပိုင်း)၊ ကချင်ပြည်နယ်ဒေသရှိ ခရီးသည်များသည် ခရီးသွားရန်အတွက် မြန်မာ့မီးရထားကိုများစွာ အားကိုးအားထားပြုနေရပါကြောင်း၊ မြစ်ကြီးနား-မန္တလေး အစုန်/အဆန် ပြေး ဆွဲကြသည့် ရထားများမှ အမှတ်(၅၅)၊ အမှတ်(၅၆) အထူးအမြန် နှင့် အမှတ်(၅၇)၊ အမှတ်(၅၈) မန္တလာရထားတို့ကို အချိန်အနည်းငယ်မှန်သည့်အတွက် အဓိကထားစီးကြရပါကြောင်း၊ ရန်ကုန်-မန္တလေး လမ်းပိုင်းများထက် ဝင်ငွေပိုကောင်းသည့် ရထားခရီးစဉ်ဖြစ်သည်ဟု သိရပါကြောင်း၊ ယခုလို လူစီးများပြီး ဝင်ငွေကောင်းသည့်် အဆိုပါရထားများရှိ တွဲဆိုင်းများတွင် အထက်တန်းထိုင်ခုံ၊ ရိုးရိုးတန်းထိုင်ခုံများ ၊ အိမ်သာများသည် ရန်ကုန်-မန္တလေး ရထားလမ်းနှင့် နှိုင်းယှဉ်ပါက မိုးနှင့်မြေလို ကွာခြားပါ ကြောင်း၊ နောက်တစ်ခုကတော့ လက်မှတ်ဝယ်ယူရရှိရေးဒုက္ခဖြစ်ပါကြောင်း၊ ဘူတာ တိုင်းတွင် ယနေ့ ရောင်းမည့် ရက်ကြိုလက်မှတ်နှင့် နေ့ချင်းရောင်းမည့်လက်မှတ် အရေအတွက်ကို မကြေညာသဖြင့် အချိန်ကုန်ခံ၊ တန်းစီပြီးမိမိအလှည့်ရောက်ခါနီးတွင် လက်မှတ် မရသည့် ဒုက္ခများ လည်း ရှိပါကြောင်း၊ ရထားတွဲပေါ်တွင် ခုံအလွတ်များကိုကြည့်ချင်းအားဖြင့် လက်မှတ်မှောင်ခိုစနစ်ကြောင့်ဆိုသည်မှ သိသာထင်ရှားနေပြီး တိုင်းပြည်အတွက် များစွာနစ်နာ ပါကြောင်း၊ ခရီးသည်များသည် မိမိစီးရမည့် ရထားချိန်ကို ကြိုတင်သိချင်ကြပါကြောင်း၊ ဘူတာရှေ့က ကြော်ငြာသင်ပုန်းတွင် ခန့်မှန်းရထားချိန်ကို အနီးစပ်ဆုံးမရေးဘဲ ခန့်မှန်းချိန်များ ကို ရေးထား သည် ကိုတေ့ွရ သည့်အတွက် စုံစမ်းသည့်အခါတွင် လည်း ပြန်ရင်လည်း မချေမငံပြန်လည် ပြောကြားပါကြောင်း၊ ယခုခေတ်တွင် ဘယ်နေရာတွင် ရထား ရောက်နေသည်ကို ဖုန်းတချက် ဆက်ရုံ နှင့် အတိအကျ သိနိုင်သည့် အချိန်မျိုးတွင် ခရီးသွားပြည်သူများအတွက် ၎င်းအခက်အခဲများသည် မဖြစ်သင့်တော့သည့် အခက်အခဲများဖြစ်ပါကြောင်း၊ မန္တလေး-ရန်ကုန် ရထားလိုင်း များသည် ရထား စီးရေများ အတွက် လက်မှတ်ဝယ်ရသည့်မှလွယ်ပြီး အတွဲလိုက်ခုံများ၊ အိမ်သာများ သန့်ရှင်းသပ်ရပ်ပြီး ဝန်ထမ်းများ၏ ဆက်ဆံရေးသည်လည်း စိတ်ချမ်း သာစရကောင်း ပါကြောင်း၊ တစ်နိုင်ငံလုံး၏ ကုန်တင် ၁ တန် ၁ မိုင် ၄၂ ကျပ်နှုန်းဖြင့် တပြေးညီ သတ်မှတ်ပေး နိုင်မည်ဆိုပါက ဖွံ့ဖြိုးမှုနောက်ကျသည့် တောင်ပေါ်ဒေသများအတွက် ကုန်ဈေးနှုန်း ကြီးမြင့်သည် ဒဏ်ကို အထိုက်အလျောက် သက်သာ သွားမည်ဖြစ်သည့်အတွက် စဉ်းစားပေးစေလိုပါ ကြောင်း၊ သို့ဖြစ်ပါ၍ မိမိသိလိုသည်မှာ မြစ်ကြီးနား-မန္တလေးလမ်းပိုင်းတွင် စုန်/ဆန် ပြေးဆွဲလျက် ရှိသည့် မြန်မာ့မီးရထားမှ လူစီး တွဲများအား ပိုမိုကောင်း မွန်သည့်တွဲဆိုင်းများဖြင့် အစားထိုးပေးရန် အစီအစဉ် ရှိ/မရှိ နှင့် ခရီးသည်များကို ဝန်ဆောင်မှုကောင်းစွာပေးနိုင်ရေးအတွက် မီးရထားဝန်ထမ်းများအား ပြည်သူ့ဆက်ဆံရေး သင်တန်းများ ဖွင့်လှစ်ပေး ရန် အစီအစဉ်ရှိ/မရှိ သိလိုကြောင်း မေးမြန်း ပါသည်။