(ခ)-မြို့နယ်များတွင်အရက်လိုင်စင်(C)ကိုမည်ကဲ့သို့ ခွင့်ပြုချထားပြီးအရက်ဆိုင်ဖွင့်လှစ်ရောင်းချရာ၌ဥပဒေ အရမည်ကဲ့သို့လိုက်နာ ဆောင်ရွက်မည်နှင့်အရည် အသွေး စံကို မည်သည့် အဖွဲ့အစည်းမှ မည်ကဲ့သို့ စစ်ဆေးမည်ကိုသိလိုခြင်းနှင့်စပ်လျဉ်းသည့်မေးခွန်း
ယခုအချိန်တွင် မြို့နယ်များ၌ အရက်လိုင်စင်(C)ကို မြောက်မြားစွာ ခွင့်ပြုချထားခြင်းကြောင့် ဒေသ အနှံ့၊ ကျေးရွာအနှံ့ အရက်ဆိုင်များ
ပေါများနေသည်ကို တွေ့ရှိရပါကြောင်း၊ လိုင်စင်(C)အရ ရောင်းချသလို လိုင်စင်မဲ့များမှလည်း လက်လီလက်ကား တွင်ကျယ်စွာရောင်းချနေသည်ကိုလည်း တွေ့ရှိနေရပါကြောင်း၊ တန်ဖိုးနည်းအရက်များသည် အရည်အသွေးပြည့်ဝမှုမရှိဘဲ အန္တရာယ်ရှိနိုင်သည့် အရက်များ ဖြစ်နေသည့် အတွက် သောက်သုံးသူအများစုမှာ အရက်ကြောင့် စိတ်ပေါ့သွပ်ခြင်းများ အသက်ငယ်ရွယ်စွာဖြင့် သေဆုံးကြရသည်အပြင် အရက်ကြောင့် မကြာခဏ ယာဉ်တိုက်မှုများ ဖြစ်ပေါ်ခြင်း၊ ရပ်ရွာများ၏ သာရေး၊ နာရေးကိစ္စများတွင် အရက်မပါလျှင်မပြီးသည့် အနေအထားရှိနေခြင်း၊ ရာဇဝတ်မှုများ ဖြစ်ပေါ်လာ နိုင်ပါကြောင်း၊ ထို့ကြောင့် (၁) မြို့နယ်များတွင် အရက်လိုင်စင်စီကို မည်ကဲ့သို့ ခွင့်ပြုချ ထားသည်။ (၂) အရက်ဆိုင်ဖွင့်လှစ်ရောင်းချရာ၌ ဥပဒေအရ မည်ကဲ့သို့ လိုက်နာဆောင်ရွက်ရမည်။ (၃) အရည်အသွေးစံကို မည်သည့်အဖွဲ့အစည်းမှ မည်ကဲ့သို့စစ်ဆေးသည်၊ အရည်အသွေးမမှီသော အရက်များရောင်းချပါက မည်ကဲ့သို့ဆောင်ရွက်ရမည်များကို သိရှိလိုပါကြောင်း မေးမြန်းပါသည်။