(ခ)-မြန်မာနိုင်ငံအပေါ် အပြည်ပြည်ဆိုင်ရာတရားရုံး၌ ဂမ်ဘီယာနိုင်ငံက တရားလိုပြုလုပ်၍ တရားစွဲဆိုမှု ကို ရင်ဆိုင်ဖြေရှင်းရာတွင် နိုင်ငံခြားရေးဝန်ကြီးဌာန၊ နိုင်ငံခြားရေးဦးစီးဌာနမှ လုပ်အားအတွက် ကုန်ကျစရိတ်အဖြစ် ၂၀၁၉-၂၀၂၀ ဘဏ္ဍာရေးနှစ်ဖြည့်စွက်ခွင့်ပြုငွေတောင်းခံသည့် လိုငွေကျပ်သန်း ၆၈၀ တောင်းခံရာတွင် ကျွမ်းကျင်ပညာရှင်ရှေ့နေများ ငှားရမ်းခြင်း၊ သီးသန့်တရားသူကြီးငှားရမ်း ခြင်း၊ ဥပဒေအကြံပေးများ ခန့်အပ်ခြင်းများအား တစ်ဦးချင်းစီအလိုက် မည်မျှကုန်ကျသည်ကို အသေးစိတ်ရှင်းလင်းပေးရန် အစီအစဉ်ရှိ/မရှိနှင့် ခရီးစရိတ်ကုန်ငွေနှင့် လေးလံပစ္စည်းသယ်ယူစရိတ် များအတွက် ကျပ် ၃၅၁.၆၀၀ သန်းကိုလည်း စနစ်တကျ အသေးစိတ်စိစစ်ရှင်းလင်းပေးရန် အစီအစဉ်ရှိ/မရှိတို့နှင့်စပ်လျဉ်းသည့်မေးခွန်း

မြန်မာနိုင်ငံအပေါ် အပြည်ပြည်ဆိုင်ရာတရားရုံး၌ ဂမ်ဘီယာနိုင်ငံက တရားလိုပြုလုပ်၍ တရားစွဲဆိုမှု ကို ရင်ဆိုင်ဖြေရှင်းရာတွင် ကျွမ်းကျင်သည့်ပြင်ပ ပညာရှင်ရှေ့နေများ ငှားရမ်းခြင်း၊ မြန်မာဘက်မှ သီးသန့်တရားသူကြီးငှားရမ်းခြင်း၊ အကြံပေးပုဂ္ဂိုလ်များ ခန့်အပ်ခြင်း၊ အမှုကြားနာရင်ဆိုင်ရန် ပြင်ဆင် ခြင်း၊ ကိုယ်စားလှယ်အဖွဲ့ဝင်များဖွဲ့စည်းခြင်း၊ ကျွမ်းကျင်ပညာရှင်များ ငှားရမ်းခြင်းနှင့် အကြံပေး၊ ဥပဒေအကြံဉာဏ်ရယူခြင်း၊ ပြည်တွင်း၊ပြည်ပညှိနှိုင်းအစည်းအဝေးများ ကျင်းပခြင်းစသည့် ကုန်ကျ စရိတ်၊ အသုံးစရိတ်များအတွက် လိုငွေကျပ်သန်း ၆၈၀ အား နိုင်ငံခြားရေးဝန်ကြီးဌာန ဖြည့်စွက်ခွင့်ပြုငွေဖြင့်တောင်းခံထားခြင်းဖြစ်ကြောင်းတောင်းခံသည့်စာရင်းတွင်ဖော်ပြထားပါသည်။ထို့အတူ တရားစွဲဆိုမှု ကို ရင်ဆိုင်ဖြေရှင်းရန်အတွက် နိုင်ငံတော်အကြီးအကဲများနှင့်အဆင့်မြင့်ကိုယ်စားလှယ် များ၊ နယ်သာလန်နိုင်ငံ The Hague မြို့သို့ ရှေ့ပြေးကြိုတင်ရောက်ရှိနေရခြင်း၊ အပြည်ပြည်ဆိုင်ရာ တရားရုံးသို့ရောက်ရှိစဉ် ကိုယ်စားလှယ်အဖွဲ့များနှင့်အတူ ပူးပေါင်းဆောင်ရွက်ကူညီပေးရန် မြန်မာသံရုံး၊ Brussels မြို့မှ သံအမတ်ကြီးနှင့် အရာထမ်းများ၊ နယ်သာလန်နိုင်ငံ The Hague မြို့သို့ ရောက်ရှိရခြင်း၊ ထို့အတူ မြန်မာနိုင်ငံရှိ ဝန်ကြီးဌာနအသီးသီးမှ နိုင်ငံခြားသို့ အစည်းအဝေး တက်ရောက်ခြင်းမရှိသည့် ဝန်ထမ်းများကိုယ်စား သက်ဆိုင်ရာသံရုံးများမှ ကိုယ်စားလှယ်များက သွားရောက်တက်ရောက်ရခြင်းကြောင့် နှစ်စဉ်ပေးချေရသည့် ခရီးစရိတ်ကုန်ကျငွေများနှင့် လေးလံ ပစ္စည်းသယ်ယူစရိတ် ကုန်ကျငွေနှုန်းထားများ မြင့်မားလာခြင်း၊ သံအမတ်ကြီးများ ပူးတွဲတာဝန် ထမ်းဆောင်ရသောနိုင်ငံများတွင် သံအမတ်ခန့်အပ်လွှာ သွားရောက်ပေးအပ်ရခြင်းများ၊ နိုင်ငံအချင်းချင်း ပြောင်းရွှေ့တာဝန်ထမ်းဆောင်ရခြင်းများအတွက် ကုန်ကျသည့် ခရီးစရိတ်ငွေနှင့် လေးလံ ပစ္စည်း သယ်ယူစရိတ်များအတွက် ကျပ် ၃၅၁.၆၀၀ သန်းကိုလည်း ဖြည့်စွက်တောင်းခံထားကြောင်း ဝန်ကြီးဌာနက တင်ပြထားသည့်စာရင်းတွင် ဖော်ပြထားပါကြောင်း၊

၎င်းကိစ္စနှင့်ပတ်သက်၍ ဒုတိယအကြိမ် ပြည်ထောင်စုလွှတ်တော်(၁၆)ကြိမ်မြောက်ပုံမှန် အစည်း အဝေး ပဉ္စမနေ့တွင် နိုင်ငံခြားရေးဝန်ကြီးဌာနမှ ပြန်လည်ရှင်းလင်းသွားခဲ့ပါကြောင်း၊ရှင်းလင်းရာတွင် ဝန်ကြီးဌာနအနေဖြင့်ကျွမ်းကျင်ပညာရှင်ရှေ့နေများငှားရမ်းခြင်း၊ သီးသန့်တရားသူကြီး ငှားရမ်းခြင်း၊ ဥပဒေအကြံပေးများခန့်အပ်ခြင်းစသည်တို့အား တစ်ဦးချင်းစီအလိုက်မည်မျှကုန်ကျသည်ကိုအသေး စိတ် ရှင်းလင်းသွားခြင်းမရှိပါကြောင်း၊ ခရီးစရိတ်ကုန်ကျငွေနှင့် လေးလံပစ္စည်းသယ်ယူစရိတ် ကိုလည်း အသေးစိတ်ရှင်းလင်းသွားခြင်းမရှိခဲ့ပါကြောင်း၊ ထိုကြောင့် နိုင်ငံခြားရေးဝန်ကြီးဌာန၊ နိုင်ငံခြားရေးရာ ဦးစီးဌာနမှ လုပ်အားအတွက်ကုန်ကျငွေတောင်းခံသည့် ကျပ်သန်း ၆၈၀ တောင်းခံရာတွင် ကျွမ်းကျင် ပညာရှင်ရှေ့နေငှားရမ်းခ မည်မျှ၊ သီးသန့်တရားသူကြီးငှားရမ်းခမည်မျှ၊ ဥပဒေအကြံပေး ခန့်အပ် ထားခြင်း တစ်ဦးချင်းစီအတွက် မည်ရွှေ့မည်မျှကုန်ကျသည်ကို အသေးစိတ်သိရှိလိုခြင်းနှင့် ခရီးစရိတ် ကုန်ကျငွေနှင့် လေးလံပစ္စည်းသယ်ယူစရိတ်တို့အတွက်လည်း ကျပ် ၃၅၁.၆၀၀ သန်းကိုလည်း အသေးစိတ်သိရှိလိုကြောင်းမေးမြန်းပါသည်။