သီလဝါစီးပွားရေးဇုန်ဆောင်ရွက်ရာတွင် မြန်မာဘက်က ၅၁ ရာခိုင်နှုန်း၊ သီလဝါ အထူးစီးပွားရေးဇုန်စီမံခန့်ခွဲမှုကော်မတီက ၁၀ ရာခိုင်နှုန်း၊ မြန်မာကုမ္ပဏီကိုးခု ဖြစ်သည့် MTSH က ၄၁ ရာခိုင်နှုန်း၊ ဂျပန်က ၄၉ ရာခိုင်နှုန်းတွင် JICA သည် ၁၀ ရာခိုင်နှုန်း၊ MNSTD သည် ၃၉ ရာခိုင်နှုန်းအသီးသီးရရှိကြောင်း လေ့လာသိရှိရသော်လည်း အဆိုပါ ကုမ္ပဏီများက အစိုးရကို မည်ကဲ့သို့သောအခွန်အခကို ပေးဆောင်နေသည်၊ မည်ကဲ့သို့သော မြေငှားရမ်းခ ‌ပေးဆောင် နေသည်နှင့် နိုင်ငံတော်က မည်သို့ပေးသွင်းနေသည်ဆိုသည်ကို  ယနေ့အထိ သိရှိခြင်း မရှိပါကြောင်း၊

သီလဝါအထူးစီးပွားရေးဇုန်တွင် ရင်းနှီးမြှုပ်နှံသည့် Ball Corporation ကုမ္ပဏီ၏ ၂၀၁၅-၂၀၁၆ ခုနှစ် အစီရင်ခံစာကို လေ့လာကြည့်ရာ သီလဝါအထူးစီးပွားရေးဇုန်အတွင်း လာရောက်ရင်းနှီး မြှုပ်နှံသောကုမ္ပဏီများအနေဖြင့် ပေးဆောင်ရသောငွေကြေးပမာဏသည် အမေရိကန်ဒေါ်လာ သန်းရှိနေသည်ကို သိရှိရပါကြောင်း၊ ထို့ကြောင့် အဆိုပါငွေကြေးများအား မည်သို့မည်ပုံ စီမံခန့်ခွဲလျက်ရှိနေသည်ကိုလည်းကောင်း၊ သီလဝါအထူးစီးပွားရေးဇုန်နှင့် ဆက်စပ်စီမံကိန်း များကြောင့် နိုင်ငံတော်အတွက် မည်၍၊ မည်မျှ အကျိုးအမြတ်ရရှိနေသည်ကိုလည်ေးကာင်း၊ သီလဝါအထူးစီးပွားရေးဇုန်ကို မည်သည့်မူဘောင်စံနှုန်းများဖြင့် ဖြေရှင်းဆောင်ရွက်နေသည်ကို လည်းကောင်း  ဒေသခံပြည်သူများအနေဖြင့် သိရှိလိုကြပါကြောင်း၊

ယခင်အစိုးရလက်ထက်တွင် သီလဝါ အထူးစီးပွားဇုန်ကို စတင်အကောင်အထည်ဖော်ခဲ့ပြီး ဒေသခံပြည်သူများကို ပြောင်းရွှေ့နေရာချထားပေးသည့် အိမ်ထောင်စု ၆၈ လုံးသည်လည်း မြေယာလျော်ကြေးမပေးဘဲ သီးနှံလျော်ကြေးများသာရရှိခဲ့သည့်အပြင် ဒေသခံ ၁၂ ဦးအနေဖြင့်လည်း  အခြေခံအလုပ်များသာရရှိခဲ့သည့်အတွက် အဆင်မပြေမှုများ များစွာကြုံတွေ့ရ ပါကြောင်း၊

ထို့ကြောင့် ပြည်သူ့အစိုးရလက်ထက်တွင် အောင်မြင်စွာ ဆောင်ရွက်နေပြီဖြစ်သော သီလဝါ အထူးစီးပွားရေးဇုန်ရှိ ပြောင်းရွှေ့နေရာချထားခံရသော ဒေသခံ ပြည်သူများ၏ ဘဝလုံခြုံရေးအတွက် မည်သို့စီစဉ်ဆောင်ရွက်ထားနေသည်ကို သိရှိလိုပါကြောင်း မေးမြန်းပါသည်။