(ခ)-ဒိုက်ဦးမြို့နယ်၊ ဒရယ်မီး လမ်းဆုံမှ အုတ်ရှစ် ကုန်းကျေးရွာအထိ (၁၁) ကဗွီ ဓာတ်အားပေးလိုင်း သွယ်တန်းပြီး ( ၁၆ ) မိုင် အတွင်း နေထိုင်သော ကျေးရွာများရှိဒေသခံပြည်သူများအတွက် လျှပ်စစ် မီးသွယ်တန်းပေးရန် အစီအစဉ် ရှိ/မရှိနှင့်စပ်လျဉ်း သည့် မေးခွန်း
မေးခွန်း အကြောင်းအရာ
ဒိုက်ဦးမြို့နယ်သည်ရပ်ကွက်ကျေးရွာအုပ်စုပေါင်း၅၃အုပ်စုရှိပြီးကျေးရွာပေါင်း၁၈၂ရွာဖြင့် ဖွဲ့စည်းထားခဲ့ပါကြောင်း၊ မြို့နယ်၏အကျယ်အဝန်းသည် ၄၉၇.၀၃ စတုန်းရန်းမိုင်ရှိပြီးလူဦးရေ ၂၀၅၀၀၀ကျော် နေထိုင်သောမြို့နယ်တစ်ခုဖြစ်ပြီး တောင်၊မြောက်အလျားမိုင်၃၀ခန့်၊ အရှေ့အနောက်၃၅မိုင်ခန့်ကွာဝေးပါကြောင်း၊ ကျေးရွာပေါင်း ၁၈၂ ရွာရှိသည့်အနက် မြို့ပေါ်ကိုးရပ်ကွက်နှင့် ကျေးရွာ၃၁ရွာသာ မီးလင်းပါကြောင်း၊ ကျေးရွာ ၃၁ ရွာတွင် ၁၆ ရွာမှ ကိုယ့်အားကိုယ်ကိုးဖြင့် မီးလင်းနေခြင်းဖြစ်ပါကြောင်း၊ ကျန်၁၅ရွာကို နိုင်ငံတော်မှလုပ်ပေးထားခြင်းဖြစ်ပါကြောင်း၊ မြို့နယ်တစ်ခုလုံးအနေဖြင့် မီးရရှိမှု နည်းပါးပြီး ၁၄၂ရွာကျန်ရှိနေပါကြောင်း၊ နိုင်ငံတော်မှလျှပ်စစ်မီးရရှိရေးအတွက် NEP လျှပ်စစ်မီးလင်းရေးရရှိရေးအစီအစဉ်များချမှတ်၍ ဘဏ္ဍာရေးနှစ်အလိုက် လုပ်ပေးမည်ဟုလည်းသိရပါကြောင်း၊ ဒိုက်ဦးမြို့၊ ဒရယ်မီးရပ်ကွက်အနောက်ဘက်၊ ဒရယ်မီးလမ်းဆုံမှ အုတ်ရှစ်ကုန်းကျေးရွာသည် ရန်ကုန်-မန္တလေးကားလမ်းဟောင်းနှင့် ကားလမ်းသစ်(အမြန်လမ်း)ကြားတွင်တည်ရှိပြီး အရှည် ၁၆ မိုင် ကွာဝေးပါကြောင်း၊ လမ်းသစ်နှင့် လမ်းဟောင်းကို ဆက်သွယ်ထားသောလမ်းမကြီးဖြစ်ပါကြောင်း၊ ၎င်းလမ်းမကြီးတစ်လျှောက် လမ်းဘေးဝဲ/ယာတွင် နေထိုင်သောကျေးရွာအုပ်စု စုစုပေါင်း ကိုးအုပ်စုရှိပြီး ကျေးရွာပေါင်း ၆၃ ရွာရှိပါကြောင်း၊ အိမ်ထောင်စုပေါင်း ၁၅၀၀၀ကျော်နှင့် လူဦးရေ ၄၀၀၀၀ကျော် နေထိုင်လျက်ရှိပါကြောင်း၊ ဒရယ်မီးတာဆုံ၏ နှစ်မိုင်ခွဲခန့်အကွာတွင် ရှိသောခြေမြန် တပ်ရင်း ခမရ(၄၄၀) တပ်ရင်းတစ်ခုသာ လျှပ်စစ်မီးရရှိထားပါကြောင်း၊ မီးလင်းရန်ကျန်ရှိနေသည်မှာ ၁၃မိုင်ကျော်သာဖြစ်ပါကြောင်း၊ သို့ပါသောကြောင့်ဒိုက်ဦးမြို့၊ ဒရယ်မီးတာဆုံမှ အုတ်ရှစ်ကုန်း ကျေးရွာလမ်းမကြီးတစ်လျှောက် လျှပ်စစ်မီးသွယ်တန်းပေးရန် အစီအစဉ်ရှိ/မရှိနှင့် အစီအစဉ်ရှိပါက မည်သည့်ဘဏ္ဍာရေးနှစ်တွင် လုပ်ဆောင်ပေး၍ အစီအစဉ်မရှိပါက မည်သည့်အတွက်ကြောင့် ဆိုသည်ကို သိလိုပါကြောင်းမေးမြန်းပါသည်။