မိမိတို့နိုင်ငံတွင် အသေးစားနှင်‌့ အလတ်စား စီးပွားရေး လုပ်ငန်းများသည် နိုင်ငံတော်၏ စီးပွားရေး ပြန်လည်ဦးမော့စေရေးအတွက် အဓိကကျသည့် အခန်းကဏ္ဍတွင် တည်ရှိနေပါကြောင်း၊  SME လုပ်ငန်းများ ဖွံ့ဖြိုးတိုးတက်ရန် အရင်းအနှီး၊ နည်းပညာ၊ ဥပဒေပိုင်းဆိုင်ရာအကာအကွယ်ပေး မှုများကို နိုင်ငံတော်အနေဖြင့် စီစဉ်ဆောင်ရွက်ပေးရန် အထူးလိုအပ်ပါကြောင်းနှင့် ယင်သို့ ဆောင်ရွက်နိုင်ရန် အသေးစားနှင်‌့အလတ်စားစီးပွားရေးလုပ်ငန်းများ ဖွံ့ဖြိုးတိုးတက်ရေး ဗဟိုကော်မတီကိုလည်း ဖွဲ့စည်ပြီး ဖြစ်ပါကြောင်း၊  ယခုအခါ ဂျပန်နိုင်ငံအစိုးရနှင်‌့ မြန်မာအစိုးရတို့ ပူးပေါင်းပြီး အသေးစားနှင်‌့အလတ်စားစီးပွားရေးလုပ်ငန်းများအတွက် ချေးငွေများကို အစဉ် တစိုက် ‌ဆောင်ရွက်ပေးခဲ့ရာ ၂၀၁၆ ခုနှစ်တွင် မြန်မာကျပ်ငွေဘီလီယံ ၃၀ အကူအညီ ပေးခဲ့ကြောင်းနှင့် အဆိုပါချေးငွေကို ချေးငွေကို SME လုပ်ငန်းရှင်များအား ကူညီပေးနိုင်ရေး အတွက် အသေးစားနှင်‌့အလတ်စားစက်မှုလုပ်ငန်းများ ဖွံ့ဖြိုးတိုးတက်ရေးဘဏ်(SMITP)၊ မြန်မာ့ ရှေ့ဆောင်ဘဏ်၊ ဧရာဝတီဘဏ်၊ သမဝါယမဘဏ်၊ ကမ္ဘောဇဘဏ်နှင့် မြန်မာနိုင်ငံသားများဘဏ် များသို့ ဘဏ်တစ်ခုလျင် ငါးဘီလီယံ သိန်းပေါင်း ၅ သောင်းစီခွဲဝေချထားပေးသည်ကို သိရှိခဲ့ရပါကြောင်း၊ ချေးငွေရယူရာတွင်လည်း အပေါင်ပစ္စည်းဖြင့်လည်းကောင်း၊  အပေါင်မဲ့ အနေဖြင့်လည်းကောင်း ချေးငှားမည်ဖြစ်သည်ကို သိရှိရပါကြောင်း၊

၂၀၁၇-၂၀၁၈ အမျိုးသားစီမံကိန်း ခြောက်လပတ်အစီရင်ခံစာနှင်‌့ပတ်သက်၍ ပြည်သူ့ငွေစာရင်း ကော်မတီ၏ လေ့လာတွေ့ရှိချက်သဘောထားမှတ်ချက် အပိုဒ် ၈၄ တွင် လွတ်လပ်သည့် အသေးစားနှင့်အလတ်စား စီးပွားရေးလုပ်ငန်း အကောင်အထည်ဖော်ရေးအဖွဲ့များ ဖွဲ့စည်းပြီး တစ်နိုင်ငံလုံံးရှိ အသေးစားနှင့်အလတ်စားလုပ်ငန်းရှင်များကို ကျယ်ကျယ်ပြန့်ပြန့်၊ ထိထိ ရောက်ရောက် တိုးချဲ့ချေးငွေချေးပေးနိုင်ရန် သဘောထားမှတ်ချက်ပေးခဲ့ပါကြောင်း၊

ထို့ကြောင့် အသေးစားနှင်‌့အလတ်စား ချေးငွေတွေချေးပေးရာတွင် လုပ်ငန်းရင်းနှီးမှုပမာဏ အပေါ် မူတည်ပြီး ဘယ်ရွေ့ဘယ်မျှ ရင်းနှီးထားမှချေးပေးမည်ဟူသည့် အဆင်‌့သတ်မှတ်ချက်ရှိ/မရှိ၊ ဒုတိယမေးခွန်းအနေဖြင့် ချေးငွေ ရရှိရန် လုပ်ငန်းရှင်များ ဆောင်ရွက်ရမည့်လုပ်ငန်းအဆင်‌့ဆင့်ကို ပွင်‌့လင်းမြင်သာစွာ ချပြနိုင်ပေးခြင်းရှိ/မရှိနှင့် တကယ်ချေးငွေချေးယူမည်ဆိုပါက မည်ကဲ့သို့ ဆက်သွယ်ဆောင်ရွက်ရမည်ဆိုသည်ကို သိရှိလိုပါကြောင်း မေးမြန်းပါသည်။