နေပြည်တော် ဒက္ခိဏသီရိမြို့နယ်နှင့် ဥတ္တရသီရိမြို့နယ်တို့တွင် သရက်စုံစီမံကိန်းအဖြစ် ယခင် အစိုးရလက်ထက်က ပုဂ္ဂလိကကုမ္ပဏီ ၁၆၁ ခု ကို သစ်တောကြိုးဝိုင်းပယ်ဖျက်ပြီး ၆၈၃၃.၉၀ ဧကကို လုပ်ကိုင်ခွင့်ပြုခဲ့ပါကြောင်း၊ အဆိုပါလုပ်ကွက် ၁၆၁ ခုအနက်မှ လုပ်ကွက်တစ်ခုတွင် ၂၀၁၃ ခုနှစ်ကတည်းက သားသတ်နေခြင်း၊ အသားထုတ်လုပ်နေခြင်းနှင့် နယ်စပ်ဒေသကို ကုန် သွယ်နေခြင်းတို့ကို ဆောင်ရွက်နေပါကြောင်း၊ နွားပွဲဈေးများတွင် ကျွဲ၊ နွား အရောင်းအဝယ် ကြီးမားစွာဖြစ်ထွန်းနေပြီး စိုက်ပျိုးရေးလုပ်ငန်းတွင် အသုံးပြုလိုသည့် တောင်သူများအတွက် ကျွဲ၊ နွားဈေးနှုန်းများ ကြီးမြင့်နေပြီး အမဲသားဈေးမှာ စည်ပင်က အသားသီးသန့် တစ်ပိဿာ ၈၀၀၀ ကျပ်သတ်မှတ်ထားသော်လည်း ၁၁၀၀၀ ကျပ်အထိ ဈေးနှုန်းမြင့်မားနေပါကြောင်း၊ ကျေးရွာများ တွင် ကျွဲ၊ နွားပျောက် ဆုံးမှုများလည်း ရှိနေပါကြောင်း၊ အခြားဒေသများသို့ အသားခြောက်များ အဖြစ် ကုန်သွယ်ရန်အတွက် အသားထုတ်လုပ်နေခြင်းမှာ နေပြည်တော်စည်ပင်သာယာရေး ကော်မတီမှ သားသတ်လုပ်ငန်းလိုင်စင်ရရှိသူများနှင့်လည်း ပတ်သက်မှုရှိသည်ကို သိရှိရပါ ကြောင်း၊ နေပြည်တော်စည်ပင်သာယာရေးကော်မတီမှ ထုတ်ပြန်ထားသော သားသတ်လိုင်စင် ရရှိ သူများအတွက် စည်းကမ်းချက်များ အမှတ်စဉ်(၃)မှာ အသားသတ်ဖြတ်ထုတ်လုပ်ရန်ဖြစ်သော ကျွဲ၊ နွားများသည် အသက် ၁၆ နှစ်မှ ၎င်းအထက်အရွယ်ရှိ ကျွဲ၊ နွားအထီးများနှင့် သားဖောက်ခြင်း မပြုနိုင်သော အမများ၊ ဒဏ်ရာကြောင့်ဖြစ်စေ၊ ကိုယ်ခန္တာချို့တဲ့၍ဖြစ်စေ၊ အစဉ်သဖြင့် အလုပ် မလုပ်နိုင်သော ကျွဲ၊ နွား အထီးအမများ၊ အမှတ်စဉ်(၂၁)မှာ သားသတ်လိုင်စင်ရရှိသူများသည် မိမိထုတ်လုပ်ရန် တင်ပြထားသော အကောင်ရေထက် အကောင်ရေပိုမိုထုတ်လုပ်ခြင်း၊ အသား များကို အခြားလိုင်စင်နယ်မြေများ၌ သွားရောက်ရောင်းချခြင်း၊ အသားများကို အစိုအတိုင်းသော် လည်းကောင်း၊ အခြောက်ပြုလုပ်၍သော်လည်းကောင်း၊ ဘေးထွက်ပစ္စည်းများကို သော်လည်း ကောင်း၊ အခြားမြို့နယ်များသို့ တင်ပို့ရောင်းချခြင်းမပြုရဟု ပြဋ္ဌာန်းထားပါကြောင်း၊

သို့ဖြစ်ပါသောကြောင့် (က) လုပ်ပိုင်ခွင့်လုပ်ငန်းနှင့် သက်ဆိုင်ခြင်းမရှိသော သားသတ်ခြင်း၊ အသားထုတ်လုပ်ခြင်းနှင့် ကုန်သွယ်ခြင်းလုပ်ငန်းဆောင်ရွက်နေမှုနှင့် စည်းကမ်းချက်များနှင့်မညီ သော သားသတ်လိုင်စင်ရရှိသူများအပေါ် အရေးယူရန် အစီအစဉ်ရှိ/မရှိ၊ (ခ) နွားပွဲဈေးများတွင် ကျွဲ၊နွားများရောင်းဝယ်မှု၊ သားသတ်လုပ်ငန်းနှင့် အသားရောင်းချမှုများအပေါ် မည်ကဲ့သို့ ထိန်း ကျောင်း ကြပ်မတ်စစ်ဆေးအရေးယူပါသည်ကို သိရှိလိုပါကြောင်း မေးမြန်းပါသည်။