(ဃ)-မြေအောက်သယံဇာတ ထုတ်ယူမှု၊ နှစ်စဉ် ဝင်ငွေနှင့် ထုတ်လုပ်မှု GDP ရာခိုင်နှုန်း၊ကြွေးကျန်၊ အပြည့်အဝ ရရှိရေး၊ တရားမဝင် ရောင်းဝယ်မှုများ မှ ဖမ်းဆီးရရှိ ခန့်မှန်းတန်ဖိုးနှင့် ဆောင်ရွက်မှု အ ခြေအနေကို ရှင်းလင်းနိုင်ခြင်း ရှိ၊ မရှိ နှင့်စပ်လျဉ်း သည့် မေးခွန်း
မေးခွန်း အကြောင်းအရာ
EIDI ၏ ၂-၁-၂၀၁၆ ရက်နေ့ကထုတ်ပြန်ခဲ့သော (MEIDI) ၏ အစီရင်ခံစာအရ ၂၀၁၃-၁၄ ဘဏ္ဍာနှစ်တွင် မြန်မာနိုင်ငံ၏ သဘာဝတွင်းထွက်သယံဇာတ ထုတ်ယူမှုအရ ဝင်ငွေ ကျပ်ဘီလီယံ ၃၀၁၁.၂၈၃ ရရှိပါကြောင်း။ ရေနံနှင့် သဘာဝဓာတ်ငွေ့လုပ်ငန်းက ၈၅ ရာခိုင်နှုန်း၊ ကျောက်မျက်ရတနာနှင့် ကျောက်စိမ်းလုပ်ငန်းက ၁၃ ရာခိုင်နှုန်းနှင့် အခြားသယံဇာတများက ၂ ရာခိုင်နှုန်းရရှိပါကြောင်း။ ကျောက်မျက် ရတနာများအနေဖြင့် ၂၃၆၁၁၇၂ ကာရက်နှင့် ကျောက်စိမ်း ၆၂၄၅ တန်ထုတ်လုပ်ရရှိပါကြောင်း၊ တွင်းထွက် သယံဇာတမှ ရရှိသည့်ဝင်ငွေသည် ၂၀၁၃-၁၄ ဘဏ္ဍာနှစ်တွင် တစ်နိုင်ငံလုံးဝင်ငွေ၏ ၂၃.၆ ရာခိုင်နှုန်း ရရှိ ပါကြောင်း၊ နိုင်ငံကရရှိသည့် တွင်းထွက်သယံဇာတဝင်ငွေအနေအထားနှင့် ထုတ်လုပ်မှု အနေအထားများကို သိရှိလိုသည့်အတွက် ၂၀၁၄-၁၅၊ ၂၀၁၅-၁၆ နှင့် ၂၀၁၆-၁၇ ဘဏ္ဍာနှစ် သုံးနှစ်၏ အခြေအနေနှိုင်းယှဉ်ချက်ကို ရှင်းလင်းချပြနိုင်ရေးအတွက် (၁) သက်ဆိုင်ရာနှစ်အလိုက် သဘာဝတွင်းထွက် သယံဇာတထုတ်လုပ်မှုများ နှင့်ပတ်သက်၍ ရေနံနှင့်သဘာဝဓာတ်ငွေ့၊ ကျောက်မျက်ရတနာနှင့် ကျောက်စိမ်း၊ အခြားတွင်းထွက်သယံဇာတ ပစ္စည်းများ ထုတ်လုပ်သည့်ပမာဏ နိုင်ငံတော်ကရရှိသော ဝင်ငွေ အခြေအနေ၊ တစ်မျိုးချင်းဝင်ငွေအပေါ် ရရှိရာခိုင်နှုန်း၊ တွင်းထွက်ပစ္စည်းအားလုံး၏ နှစ်အလိုက် ရရှိဝင်ငွေသည် နိုင်ငံဝင်ငွေအားလုံး၏ ရရှိရာခိုင်နှုန်းနှင့် ထုတ်လုပ်တန်ဖိုးပေါင်းသည် နိုင်ငံ GDP အပေါ် နှစ်အလိုက် ရာခိုင်နှုန်းမည်မျှစီရရှိကြောင်း၊ (၂) ၃၁-၃-၂၀၁၇ ရက်နေ့တွင် ကောက်ခံရရှိရန် ကြွေးကျန်များ ကျန်ရှိမည်ဆိုပါက ဘဏ္ဍာနှစ်အလိုက် ရရန်ကျန်ရှိသော ကြွေးကျန်အခြေအနေနှင့် အပြည့်အဝကောက်ခံရရှိရေးဆောင်ရွက်ထားမှုအခြေအနေများ၊ (၃) ၂၀၁၆-၁၇ ဘဏ္ဍာနှစ် အတွင်း တွင်းထွက်ကျောက်မျက်ရတနာများ၊ ကျောက်စိမ်းများနှင့် ရွှေကဲ့သို့တန်ဖိုးရှိသော တွင်းထွက် ပစ္စည်းများ တရားမဝင်သယ်ဆောင်ရောင်းဝယ်မှုများကို ဖမ်းဆီးဖော်ထုတ်နိုင်မှု၊ ဖမ်းဆီးရရှိသော ခန့်မှန်းတန်ဖိုးနှင့် ဆောင်ရွက်ထားမှုအခြေအနေများကို ရှင်းလင်းချပြနိုင်ခြင်းရှိ/မရှိ သိရှိလိုပါကြောင်း မေးမြန်းပါသည်။