တောင်သူများ၏ ထွက်ကုန်သီးနှံများအတွက် ဈေးကွက်သည် တည်ငြိမ်ခိုင်မှု မရှိခြင်းကြောင့် တောင်သူများအနေဖြင့် နစ်နာဆုံးရှုံးနစ်နာမှုများ ကြုံတွေ့ရပါကြောင်း၊ ထို့အပြင် ရာသီဥတု ဖောက်ပြန်ခြင်း၊ ပိုးမွှားကျခြင်း၊ သဘာဝဘေးများဖျက်ဆီးခြင်း၊ အရင်းအနှီးနှင့် နည်းပညာ ချို့တဲ့ခြင်း၊ စပါးပေါ်ချိန်တွင် စပါးဈေးကျခြင်း၊ ပဲပေါ်ချိန်တွင် ပဲဈေးကျခြင်းစသည့် အကြောင်းများ ကြောင့် တောင်သူများအခက်အခဲကြုံတွေ့ရပါကြောင်း၊

ဖွဲ့စည်းပုံအခြေခံဥပဒေအခန်း(၁) ပုဒ်မ ၂၃ ပုဒ်မခွဲ(ခ)တွင် နိုင်ငံတော်သည် တောင်သူ လယ်သမားများ၏ စိုက်ပျိုးထုတ်လုပ်သည့် ကောက်ပဲသီးနှံများကို သင့်တင့်မျှတသည့် တန်ဖိုး ရရှိရန် ကူညီဆောင်ရွက်မည်ဟု ပါရှိပါကြောင်း၊ တောင်သူများ၏ ထွက်ကုန်သီးနှံများကို ဈေးကောင်း ရရှိစေရန် ဈေးကွက်တစ်ခုကိုသာ မှီခိုအားထားခြင်း မပြုဘဲ ပိုမိုကျယ်ပြန့်ခိုင်မာသော၊ ပိုမိုအကျိုးရှိမည့်ဈေးကွက်များနှင့် ချိတ်ဆက်ရောင်းဝယ်ရန်လိုအပ်ပါကြောင်း၊ ထို့ကြောင့် နိုင်ငံ အဝန်းရှိ တောင်သူလယ်သမားများ၏ ထွက်ကုန်သီးနှံများ ဈေးကောင်းရရှိရေးအတွက် နိုင်ငံတော် အစိုးရမှ ခိုင်မာသောနိုင်ငံခြားဈေးကွက်ရှာဖွေပေးရန်အစီအစဉ်ရှိ/မရှိနှင့် အစီအစဉ်ရှိပါက မည်ကဲ့သို့ဆောင်ရွက်ထားသည်ကိုသိရှိပါကြောင်း မေးမြန်းပါသည်။