ကျန်းမာရေးဓာတ်ခွဲစစ်ဆေးခန်းများသည် တရားဝင်မှတ်ပုံတင်ထားတာရှိ/မရှိ၊ မှတ်ပုံတင် ထားရန် လိုအပ်သည့်အချက်အလက်များနှင့် မည်သည့်ဌာနကမှတ်ပုံတင်ခွင့်ပြု လက်မှတ် ထုတ်ပေးသည်၊ ဓာတ်ခွဲအ‌ဖြေများအပေါ် တာဝန်ယူမှု၊ တာဝန်ခံမှုများ၊ ဆေးရုံ၊ ဆေးခန်း များ၌ ကုသမှုခံယူရာတွင် စစ်ဆေးပြီးဓာတ်ခွဲအဖြေများကို အတည်ယူခြင်းရှိဘဲ ထပ်မံစစ်ဆေးခြင်း များကို မည်သို့ဆောင်ရွက်ပေးနိုင်မည်၊ ပြည်သူ့ဆေးရုံကြီးများတွင် တက်ရောက်နေသော လူနာများအတွက် ပြင်ပဆေးခန်းများတွင် သွားရောက်၍ MRI ရိုက်နေရရခြင်းကြောင့် ဆေးရုံကြီး များတွင် MRI စက်ကြီးများအား Magnetic Resonance Imaging တိုးပေး နိုင်ခြင်းရှိ/မရှိတို့နှင့် ပတ်သက်၍ မေးမြန်းခြင်းဖြစ်ပါကြောင်း၊

 တိုးတက်လာသော ခေတ်နှင့်အညီ ကျန်းမာရေးဓာတ်ခွဲစစ်ဆေးခန်းများစွာ ပေါ်ပေါက်လာပြီး စိတ်ချယုံကြည်ရသော ဓာတ်ခွဲခန်းများလိုအပ်ပါကြောင်း၊  ဓာတ်ခွဲအဖြေများသည် ရောဂါ ခံစားရ ခြင်းကိုသာ ဖော်ပြခြင်းသာမက လူမှုဆက်ဆံရေးနယ်ပယ်အထိ ထိခိုက်စေသည့်အတွက် မည်မျှထိ တာဝန်ယူမှု၊ တာဝန်ခံမှုရှိသည်ကို ပြည်သူများ သိစေချင်သည့်အတွက် မေးမြန်းရခြင်း ဖြစ်ပါ ကြောင်း၊  

ဓာတ်ခွဲသွေးအဖြေများသည် အချိန်နှင့်အမျှ ပြောင်းလဲနိုင်သည့် ဥပမာ-Biochemistry Result ကဲ့သို့ စစ်ဆေးခြင်းမျိုးကို နေ့စဉ် (သို့မဟုတ်) မနက်၊ ည စစ်ဆေးရခြင်းမျိုးရှိသကဲ့သို့   တချို့ အဖြေများကို လူနာရှင်ကိုယ်တိုင် သံသယရှိ၍ ထပ်မံ စစ်ဆေးခြင်းမျိုးလည်း ရှိပါကြောင်း၊ အချိန်တို၊ နေ့ရက်တိုအတွင်း မပြောင်းလဲနိုင်သည့် စစ်ဆေးမှုများကို ဆရာဝန်များ၊ ဆေးခန်းများ ပြောင်းသွားပါက ထပ်မံစစ်ဆေးခိုင်းမှုများရှိနေခြင်းကြောင့်  ပြည်သူများအနေဖြင့် ဓာတ်ခွဲခန်း စစ်ဆေးခဖြင့် ဝန်ထုပ်ဝန်ပိုးဖြစ်ရပါကြောင်း၊ ထို့ကြောင့် မလိုအပ်သည့် ထပ်မံစစ်ဆေးမှုများ မဖြစ်ပေါ်စေရန် မည်သို့ ထိန်းချုပ်ကူညီနိုင်မည်ကို သိရှိလိုပါကြောင်း၊  ပြည်သူ့ဆေးရုံကြီးများတွင် သက်ဆိုင်ရာ စစ်ဆေးရမည့် အဆင့်မြင့်စက်ကြီးများ မရှိခြင်းကြောင့် ပြင်ပဆေးခန်းကြီးများ စေလွှတ် စစ်ဆေးခိုင်းသည့်ကိစ္စရပ်များနှင့်ပတ်သက်၍လည်း ပြည်သူ့ဆေးရုံကြီးများတွင် MRI ကဲ့သို့ ခေတ်မီစက်ကြီးများကို ဖြည့်ဆည်း ပေးရန်ရှိ/မရှိ သိရှိလိုပါကြောင်းမေးမြန်းပါသည်။