(ခ)-ကျွန်းစုမြို့နယ်၊ ညောင်ဘီး ကျေးရွာတွင် အ မြဲတမ်းရဲစခန်းခွဲ သို့မဟုတ် ရဲကင်းအဖြစ် သတ် မှတ် ထားရှိပေးရန် အစီအစဉ် ရှိ/မရှိ နှင့်စပ်လျဉ်း သည့် မေးခွန်း
မေးခွန်း အကြောင်းအရာ
ညောင်ဘီး အ.ထ.က ကျောင်းတွင် ညောင်ဘီးအုပ်စု၊ ကံမော်အုပ်စု၊ သဇင်အုပ်စု၊ ကျွဲခရံအုပ်စု လေးစုမှ ကျောင်းသားပေါင်း ၃၁၇ ဦး၊ အုပ်ထိန်းသူများ လိုက်ပါလျှင် လူဦးရေ ၅၀၀ ကျော်သည် စက်လှေ ငါးစင်းဖြင့် ရေမိုင် ၄၂ မိုင် ဝေးကွာသည့် ကျွန်းစုမြို့သို့ လှိုင်းဒဏ်၊ လေဒဏ်နှင့် သွားရောက်၍ အထက်တန်းစာမေးပွဲကို သွားရောက်ဖြေဆို နေကြရသည့်အတွက် ခရီးပမ်းနွမ်းနယ်ခြင်း၊ အလုပ်အကိုင် ပျက်စီးခြင်း၊ တည်းခို နေထိုင်ရေး ခက်ခဲခြင်း၊ ငွေရေး ကြေးရေး ခက်ခဲခြင်း၊ ရေရှားပါးခြင်းများနှင့် ကြုံတွေ့ရပါကြောင်း၊ သို့ဖြစ်၍ ညောင်ဘီး အ.ထ.က စာစစ်ဌာန ရရှိရေးအတွက် လိုအပ်ချက်များကို အဘက်ဘက်မှ စနစ်တကျ ပြည့်စုံ လုံလောက်အောင် ဆောင်ရွက်ထားရှိပြီး ဖြစ်သော်လည်း နောင်တွင် စာစစ်ဌာန ချထားရာ၌ ပါဝင်ခွင့် ရရှိစေရန် လုံခြုံရေးအတွက် လိုအပ်နေသည့် မြန်မာနိုင်ငံရဲတပ်ဖွဲ့ ရဲစခန်း ရရှိရေးကို ညှိနှိုင်း ဆောင်ရွက် ထားရှိသင့်ကြောင်းနှင့် နောင်လာမည့်နှစ်တွင် သတ်မှတ်ချက် ပြည့်စုံအောင် ညှိနှိုင်း ဆောင်ရွက်ပေးမည် ဖြစ်ကြောင်းကို ပညာရေးဝန်ကြီးက အကြံပြု ခဲ့ပါကြောင်း၊ ထို့ကြောင့် ညောင်ဘီး အ.ထ.က အထက်တန်း စာစစ်ဌာန ရရှိရေးအတွက် မြန်မာနိုင်ငံ၏ ရဲတပ်ဖွဲ့စခန်း သို့မဟုတ် ရဲကင်းတစ်ခုကို ထားရှိပေးနိုင်ခြင်း ရှိ/မရှိကို သိရှိလိုပါကြောင်း မေးမြန်းပါသည်။