(ည)-ဒဂုံမြို့သစ်(တောင်ပိုင်း) မြို့နယ်ခန်းမအား ပုဂ္ဂလိကအဖွဲ့အစည်းသို့ ငှားရမ်းခဲ့ခြင်းနှင့် နိုင်ငံ တော် အခမ်းအနား၊ ပညာပေးပြခန်းနှင့် တွေ့ဆုံ ပွဲများ ပြုလုပ်နိုင်ရန် မြို့နယ်ခန်းမအား ပြန်လည် တောင်းယူပေးရန် အစီအစဉ် ရှိ/ မရှိ တို့နှင့်စပ် လျဉ်းသည့် မေးခွန်း
မေးခွန်း အကြောင်းအရာ
မိမိမြို့နယ်တွင် မြို့နယ်ခန်းမကို နေ့ထူးနေ့မြတ်အခမ်းအနားဖြစ် အများပြည်သူများ တက်ရောက်၍ အခမ်းအနားများ ကျင်းပနိုင်ပါကြောင်း၊ နောက်မူးယစ်ဆေးဝါးအန္တရာယ် ကာကွယ်တားဆီးရေး၊ ပညာရေးအသိပညာပေးရေး၊ ကျန်းမာရေးအသိပညာပေးရေးစသည့် ပညာပေးပြခန်းများအဖြစ်လည်း ဆောင်ရွက်နိုင်ပါကြောင်း၊ သို့သော်လည်း ယခုအခါ မြို့နယ်ခန်းမအား ပုဂ္ဂလိကအဖွဲ့အစည်းတစ်ခုကို ငှားရမ်းထားရှိပြီး အမြဲတမ်းတံခါးပိတ်ထား၍ အများပြည်သူနှင့် သက်ဆိုင်သည့် အခမ်းအနားများ၊ တွေ့ဆုံပွဲများ၊ ပြခန်းများအသုံးပြု ဆောင်ရွက်ခွင့်မရရှိတော့ပါကြောင်း၊ သို့ပါ၍ အများပြည်သူနှင့်သက်ဆိုင်သည့် မြို့နယ်ခန်းမအား မည်သည့်ရည်ရွယ်ချက်၊ အကြောင်းပြချက်ဖြင့်၊ မည်သည့်ဈေးနှုန်းဖြင့်၊ ငှားရမ်းထားပါသနည်း။ မြို့နယ်ခန်းမအား အများပြည်သူနှင့် သက်ဆိုင်သော အခမ်းအနားများ ပြန်လည်အသုံးပြုနိုင်ရေးအတွက် ပြန်လည်တောင်းယူပေးပါရန်နှင့် တောင်းယူပေးမည့် အစီအစဉ်ရှိ/မရှိ ရှိပါက မည်သည့်အချိန်ကာလတွင် ပြန်လည်တောင်းယူပေးမည်ကို သိရှိလိုပါကြောင်း မေးမြန်းပါသည်။