မြေလွတ်၊ မြေလပ်နှင့်မြေရိုင်းများကို လက်ဝါးကြီးအုပ်ရယူထားခြင်းမရှိဘဲ မှန်မှန်ကန်ကန် ဖော်ထုတ်ပြီး နိုင်ငံတော်ဘဏ္ဍာငွေ အထောက်အပံ့ဖြစ်စေရန် မြေလွတ်၊ မြေလပ်၊ မြေရိုင်းများနှင့် ပတ်သက်၍ လယ်ယာမြေဥပဒေ ပြဋ္ဌာန်းပြီးသည့် ပုဒ်မ ၂၂ တွင် ပုဒ်မခွဲလေးခုရှိပြီး ပုဒ်မခွဲလေးခု၏ အဓိကအချက်မှာ ၂၀၁၂ ခုနှစ်၊ မြေလွတ်၊ မြေလပ်၊ မြေရိုင်းများကို အထောက် အထားအပြည့်အစုံနှင့် အခုလက်ရှိဗဟိုကော်မတီကို တင်ပြပြီး ဆောင်ရွက်ခြင်း၊ တည်ဆဲ ဥပဒေဖြင့်လုပ်ခြင်း အကယ်၍ မလုပ်ခဲ့ပါက အာမခံကြေးများကို သိမ်းယူပြီး၊ လုပ်ပိုင်ခွင့်၊ အသုံးပြုခွင့်ကိုလည်း သိမ်းပါဟု ဆိုလိုထားပါကြောင်း၊

၂၂-၁၀-၂၀၁၆ ရက်နေ့တွင် စီးပွားရေးလုပ်ငန်းရှင်များ၊ ဖွံ့ဖြိုးမှုမိတ်ဖက်များ၊ နိုင်ငံတော် အတိုင်ပင်ခံ များနှင့် တွေ့ဆုံသည့်ပွဲတွင် စီမံကိန်းနှင့်ဘဏ္ဍာရေးဝန်ကြီးဌာန ပြည်ထောင်စုဝန်ကြီး ဦးကျော်ဝင်းက မြေလွတ်၊ မြေလပ်၊ မြေရိုင်းနှင့်ပတ်သက်၍ ခွင့်ပြုထားသည်မှာ ၂၀၁၂ ခုနှစ် မတိုင်မီ မြေဧကပေါင်း ၄.၈ သန်း၊ လူဦးရေ ၆၀၀၀ ခန့်ကို ခွင့်ပြုထားပါကြောင်း၊ မြေခွန်ကြေးများနှင့် ပတ်သက်၍လည်း မြေလွတ်၊ မြေလပ်၊ မြေရိုင်းဥပဒေပြဋ္ဌာန်းပြီးသည့်ခါတွင် ပုဒ်မ ၄၁ ပုဒ်မခွဲ (ဃ) မပြဋ္ဌာန်းမီက မည်ကဲ့သို့ ဆောင်ရွက်ရမည်ဆိုသည့်ကိစ္စရပ်များ အတိအကျဖော်ထုတ်ထားခြင်းကို ပုဒ်မများ အရ ကြည့်မည်ဆိုပါက အချိန်ကာလ၊ လုပ်ငန်းစဉ်၊ တာဝန်ခံများ၊ ပြစ်ဒဏ်များကို နည်းဥပဒေ ၄၁ နည်းဥပဒေခွဲ (ခ)၊ နောက် နည်းဥပဒေခွဲ (င)၊ ပုဒ်မ ၄၂၊ ပုဒ်မ ၄၃၊ ပုဒ်မ ၄၄ များတွင် အတိအကျ ပြဋ္ဌာန်းထားခြင်းရှိပါကြောင်း၊

အကယ်၍ တာဝန်ရှိသည့် အဖွဲ့အစည်းအဆင့်ဆင့်က ဥပဒေများကိုအတိုင်း ဆောင်ရွက်ကြ မည်ဆိုလျှင် တိုင်းပြည်အတွက် အင်မတန်အကျိုးရှိမည် ဖြစ်ပါကြောင်း၊ ၂၀၁၂ ၃၀-၃-၂၀၁၇ ရက် မြေလွတ်၊ မြေလပ်၊ မြေရိုင်းများ စီမံခန့်ခွဲရေးဥပဒေ၊ သြဂုတ်လ ၃၁ ရက် နည်းဥပဒေ မပြဋ္ဌာန်းမီနှင့် ပြဋ္ဌာန်းပြီးနောက် မြေလွတ်၊ မြေလပ်၊ မြေရိုင်းများစီမံခန့်ခွဲရေး ဗဟိုအဖွဲ့နှင့် ယခုဗဟိုကော်မတီတို့မှ ခွင့်ပြုမိန့်အရ လုပ်ပိုင်ခွင့်၊  အသုံးပြုခွင့်များကို နိုင်ငံတော်တစ်ဝန်း ဧကပေါင်းမည်မျှ ပေးထားသည်ကို သိရှိလိုခြင်း၊ လုပ်ပိုင်ခွင့်၊ အသုံးပြုခွင့်ရရှိသူများထံမှ အာမခံကြေးများ အပြည့်အဝရရှိခြင်းရှိ/မရှိနှင့် သီးနှံအမျိုးအစား၊ လုပ်ငန်းအမျိုးအစားအလိုက် မြေခွန်ကင်းလွတ်ခွင့်ကာလ ကုန်ဆုံးသည့်နေ့မှစ၍ မြေခွန်များနှစ်စဉ် ကောက်ခံရရှိခြင်းရှိ/မရှိကို သိရှိ လိုပါကြောင်း မေးမြန်းပါသည်။