(င)-ကျောက်တော်မြို့နယ်ရှိ နိုင်ငံ့ဘဏ္ဍာငွေ ဘီ လီယံပေါင်းများစွာအကုန်ကျခံတည်ဆောက်ထား သည့် ရေလှောင်တာတမံကြီးများအား နိုင်ငံ့အကျိုး ပြု၊ ပြည်သူ့အကျိုးပြုနိုင်ရေးအတွက် မည်သို့မည်ပုံ စီစဉ် ဆောင်ရွက်ထားကြောင်း သိလိုခြင်း နှင့်စပ် လျဉ်းသည့် မေးခွန်း
မေးခွန်း အကြောင်းအရာ
ကျောက်တော်မြို့နယ်တွင် တပ်မတော်အစိုးရလက်ထက် ၂၀၀၃-၂၀၀၄ခုနှစ် ဝန်းကျင်ခန့်က ဇီးချောင်းတာတမံ၊ ပြိုင်းချောင်းတာတမံ၊ မင်းသာ ချောင်း တာတမံစသည့် ရေလှောင် တာတမံကြီး သုံးခုကို တည်ဆောက်ခဲ့ပါကြောင်း၊ ဇီးချောင်းတာတမံကို ၂၀၀၅ ခုနှစ်တွင် စတင်တည်ဆောက် ပြီး၂၀၁၂ ခုနှစ်တွင်ပြီးစီးကာ ကာလတန်ဖိုး ကျပ်ငွေ ၉.၉၁၄ ဘီလီယံရှိပါကြောင်း၊ လယ်ဧက ၁၅၀ ကျယ်ဝန်းပြီး အကျိုးပြုလယ်ဧကပေါင်း ၁၀၀၀ ကျော်ဟုလည်းကောင်း၊ ပြိုင်းချောင်းဆည်ကို ၂၀၁၂ ခုနှစ်တွင် တည်ဆောက်ပြီး ၂၀၁၁ ခုနှစ်တွင်ပြီးစီးကာ ကန်ရေပြင်ဧက ၆၂၅ ဧကရှိပြီး အကျိုးပြုနိုင်သည့် လယ်ဧကပေါင်း ၅၀၀၀ ကျော်ရှိသည်ဟုလည်းကောင်း ခန့်မှန်းထားပါကြောင်း၊ မင်းသားချောင်းရေလှောင်တာတမံကို ၂၀၀၂ ခုနှစ်တွင် တည်ဆောက်ပြီး ၂၀၀၇ ခုနှစ်တွင် ပြီးဆုံးကာ စတင်ပြီးဆုံးသည့် နှစ်များတွင် အနီးအနားရှိ တောင်သူဦးကြီးများက အဆိုပါဆည် များကို အားကိုးပြီး နွေစပါးများ စမ်းသပ် စိုက်ပျိုးခဲ့သည်ဟု သိရှိရပါကြောင်း၊ လယ်သမားများ၏ ပြောကြားချက်များအရ ရေပုံမှန်ပေးဝေမှု မရှိခြင်း၊ အဖျက်ပိုးမွှားများ ကျရောက်ခြင်း၊ ဌာနဆိုင်ရာ များ၏ လျစ်လျူခြင်း များကြောင့် နောက်နှစ်ပိုင်းများတွင် ဆက်လက်ဆောင်ရွက်လိုစိတ် မရှိသည်ကို သိရှိရပါကြောင်း၊ ၂၀၁၇-၂၀၁၈ ဘတ်ဂျက်တွင် ဇီးချောင်းဆည်နှင့် အနီးအနားတွင် ရှိသောကျေးရွာတချို့ကို ရေပေးဝေရေးလုပ်ငန်းများ ဆောင်ရွက်ရန် ပါရှိသည်ကို တွေ့ရှိရပါကြောင်း၊
ပြည်သူများနှင့်တွေ့ဆုံရာတွင် ဆည်များတည်ဆောက်ခြင်းနှင့် ပတ်သက်၍ အကျိုးကျေးဇူး ခံစားရခြင်းမရှိဘဲ လယ်ဧကများ ဆုံးရှုံးခြင်း၊ မိုးရာသီများတွင် ရေလွှမ်းမိုးမှုများ မကြာခဏ ခံရခြင်းများသာ ကြုံတွေ့ခဲ့ရသည်ကို သိရှိရပါကြောင်း၊ ရေနုတ်မြောင်းများ၊ ဆည်တွေ၊ လယ်ဧကများ ဆောင်ရွက်ခဲ့သည့်အချိန်တွင်လည်း ၂၀၁၂ ခုနှစ် လယ်ယာမြေဥပဒေမပေါ်ခင်က
ဆောင်ရွက်ခဲ့ခြင်းကြောင့် အစိုးရဘက်က တောင်သူလယ်သမားများသို့ နစ်နာကြေး ဆုံးရှုံးခြင်းများအတွက် တစ်စုံတစ်ရာဆောင်ရွက်ပေးခြင်း မရှိခဲ့ပါကြောင်း၊ ထို့ကြောင့်အဆိုပါ ရေလှောင်တာတမံကြီးများကို မည်သို့ဆက်လက်ဆောင်ရွက်မည်ကို သိရှိလိုပါကြောင်း မေးမြန်းပါသည်။