ဟုမ္မလင်းမြို့သည် စစ်ကိုင်းတိုင်းဒေသကြီး ချင်းတွင်းမြစ်ဖျားအထက်ဘက်တွင် လူဦးရေနှစ်သောင်း ကျော် နေထိုင်သည့် ဖွံ့ဖြိုးစမြို့ငယ်တစ်မြို့ပါကြောင်း၊ လမ်းပန်းဆက်သွယ်ရေးအနေဖြင့် ရေလမ်း၊ ကုန်းလမ်းနှင့် လေကြောင်းလမ်းများရှိပါကြောင်း၊ ရေကြောင်းတွင် အောက်ဘက်တွင် မုံရွာ နှင့် အထက်ဘက် ခန္တီးဘက်သို့လည်းကောင်း ၊ မကြာသောကာလတွင် မုံရွာနှင့် ခန္တီးကိုကုန်းလမ်းမှ သွားလာနိုင်တော့မည်ဖြစ်ပါကြောင်း၊ ဖောင်းပြင်-ပင်လည်ဘူးလမ်းမကြီးကို တည်ဆောက်နေပြီ ဖြစ်သည့် အတွက် ဖောင်းပြင်-ပင်လည်ဘူး လမ်းမကြီးပြီးသွားပါက ဟုမ္မလင်း-ဖောင်းပြင်-ပင်လည်ဘူး မှ မြန်မာနိုင်ငံမြောက်ဖျားကိုလည်း အားလုံးဆက်သွယ်သွားလာနိုင်မှာဖြစ်ပါကြောင်း၊ ဟုမ္မလင်းမြို့တွင် ဟုမ္မလင်း-ကတ်သာ သို့ကူးသည့် ချင်းတွင်းမြစ်ကူးတံတားကြီးလည်း တည်ဆောက်နေပြီဖြစ်သည့် အတွက် ဟုမ္မလင်း-ကတ်သာ-တမူး-အိန္ဒိယအထိ ဆက်လက်သွားလာနိုင်တော့မည် ဖြစ်သည့်အတွက် လမ်းပန်းဆက်သွယ်ရေးလည်း ဖွံ့ဖြိုးလာပြီလို့ပြောလို့ရပါကြောင်း၊ ကျန်းမာရေးအနေဖြင့် ခုတင် ၁၀၀ ဆံ့ အရပ်ဘက်ဆေးရုံတစ်ရုံနှင့်  တပ်ဘက်ဆေးရုံတစ်ရုံ ရှိသည့်အတွက် ကျန်းမာရေးအဆင့်လည်း မနိမ့်ပါကြောင်း၊ ပညာရေးကိုကြည်‌့မည်ဆိုပါက အထက်တန်းကျောင်းနှစ်ကျောင်း၊ အလယ်တန်း ကျောင်းနှစ်ကျောင်းနှင့် မူလတန်းကျောင်း ၁၃ ကျောင်းရှိပါကြောင်း၊ စိုက်ပျိုရေးသိပ္ပံကျောင်းကြီး လည်းဖွင့်လှစ်တော့မည်ဖြစ်သည့်အတွက် လူသားအရင်အမြစ်များလည်း တိုးပွားလာတော့ မည်ဖြစ်ပါ ကြောင်း၊ မကြာသည့်အချိန်တွင် ဟုမ္မလင်းကောလိပ်ကို တည်ဆောက်တော့မည်ဟု ကြားသိရ ပါကြောင်း၊ ဟုမ္မလင်းမြို့နယ်တွင် အခြေခံကျောင်းပေါင်း ၃၀၄ ကျောင်းရှိပြီး ဆရာ/ဆရာမ ပေါင်း ၂၂၉၁ ယောက်ရှိသည့်အတွက် ချင်းတွင်းအထက်ပိုင်းတွင်ရှိသည့် ပညာရေးလုပ်သားများကို လေ့ကျင့်သင်ကြားပေးရန်အတွက် ပညာရေးကောလိပ်ကြီးဆောက်မယ်ဆိုပါက ဟုမ္မလင်းမြို့တွင် မရှိလာနိုင်ဖူးဟုပြောလို့မရပါကြောင်း၊ ၎င်းအချက်များကိုကြည့်မည်ဆိုပါက ဟုမ္မလင်းမြို့သည့် ဖွံ့ဖြိုးစ ဖြစ်လာပြီဖြစ်သည့်မြို့တစ်မြို့ဟု ပြောလို့ရပါကြောင်း၊  ကျေးလက်မှ မြို့ကိုအခြေချသည့် ပြည်သူများ လာသလို အနယ်နယ်အရပ်ရပ်မှ မိမိတို့မြို့ကို လာနေကြသည့်လူများလာပါကြောင်း၊ ဟုမ္မလင်းမြို့ပတ်ဝန်းကျင်တစ်ဝိုက်တွင် တိုးချဲ့ရန်မြေလွတ်မြေရိုင်းများ မရှိတော့ပါကြောင်း၊ မြေရာဦးမှုများရှိနေပါကြောင်း၊ ထို့ကြောင့် လယ်သမားများက လယ်များကို ရောင်းပြီး၊ မရှိသည့်လူများက ဝယ်ပြီးဆောက်ကြပါကြောင်း၊ စနစ်မရှိစွာဆောက်သည့်အတွက် မြို့ပြတိုးချဲ့ခြင်းသည် ခေတ်မမီဘူးလို့ မိမိမြင်ပါကြောင်း၊ မြို့ပြစီမံကိန်းများအရ တိုးချဲ့မည်ဆိုပါက ခေတ်မီသည့် မြို့တစ်မြို့ဖြစ်လာမည်မိမိထင်ပါကြောင်း၊ ဟုမ္မလင်းမြို့တွင် မြေလွတ်မြေရိုင်းများ လျှောက်ထားမှုများ ခုထိရှိပါသေးကြောင်း၊ တိုင်းမှ မြေလွတ်မြေရိုင်းကို စိစစ်ဖို့ချသည့်အခါတွင် Town Plan၊ Village Plan များနှင့် လွတ်ကင်းမှုရှိ/မရှိစိစစ်ပြီး တင်ပြရန်လို့ပါကြောင်း၊ ၎င်းစီမံကိန်းများကို မြို့ပြပြည်သူများကို ချပြနိုင်ပါက မြို့ပြပြည်သူများ ပူးပေါင်းပါဝင်ဆောင်ရွက် လာနိုင်မည်ဟု ထင်ပါကြောင်း ထို့ကြောင့် မြို့ပြစီမံကိန်း၊ ကျေးရွာစီမံကိန်းများရေးဆွဲရာတွင် မည်သည်‌့ အချက်များပေါ်တွင်မူတည်၍ ရေးဆွဲပြီး ပြည်သူလူထုသို့ ပွင့်လင်းမြင်သာစွာ ချပြနိုင်ခြင်းရှိ၊မရှိနှင်‌့ စပ်လျဉ်းသည့်မေးခွန်း ကို မေးမြန်းလိုပါကြောင်းဖြင့် မေးမြန်းပါသည်။