ဗန်းမော်မြို့နယ်မှ ကသာမြို့နယ်သို့ ပြေးဆွဲနေသော သံခွံမော်တော်အတွင်း၌ လေလုံခန်းများတည် ဆောက်ပြေးဆွဲပေးရန်နှင့် ၎င်းရေယာဉ်များကို ဥပဒေနှင့်အညီစိစစ်၍ နိုင်ငံတော်ဘဏ္ဍာအတွက် တိကျ သော အခွန်ဘဏ္ဍာများကောက်ခံသွားရန်နှင့် စည်းမျဉ်းစည်းကမ်းနှင့်မလျော်ညီသောယာဉ်များကို အရေးယူ ဆောင်ရွက်သွားနိုင်ရန် အစီအစဉ် ရှိ/မရှိနှင့်စပ်လျဉ်းတဲ့မေးခွန်းကို မေးမြန်းသွားမှာ ဖြစ်ပါတယ်။

ဗန်းမော်မြို့နယ်မှ ကသာမြို့နယ်သို့ ပြေးဆွဲနေသော သံခွံမော်တော်ရေယာဉ်သည် ပြည်သူများအနေဖြင့် စိတ်ချယုံကြည်မှုနည်းပါးနေသည်မှာ ခရီးသည်များကိုသတ်မှတ်ထားသော အရေအတွက်ထက် ‌ကျော်လွန် ပြီး တင်ဆောင်နေပါကြောင်း၊  တစ်စုံတစ်ရာဖြစ်ပေါ်လာပါက ခရီးသည်များအတွက် Life Jacket များကို ရေယာဉ်တွင် အရေအတွက်လုံလောက်စွာထားရှိမှုမရှိသည့်အပြင် စနစ်တကျထားရှိခြင်း မရှိပါကြောင်း၊ သံခွံဖြစ်သည့်အတွက် ရေထဲကိုချက်ချင်းမနစ်မြုပ်နိုင်စေရန် လေလုံခန်းများ၊ လေအိုးစနစ်များနှင့် အသက် ကယ်ဘောများ ထားရှိခြင်းမရှိပါကြောင်း၊ အခွန်စည်းကြပ်မှုများ အားနည်းနေသည့်အတွက် အခွန်အပြည့် အဝမရရှိပါကြောင်း၊ ရေယာဉ်တည်ဆောက်ရာတွင် သက်ဆိုင်ရာဝန်ကြီးဌာနများက နည်းပညာများပံ့ပိုးမှုမရှိ သည့်အပြင် ညွှန်ကြားချက်အားနည်းနေသည့်အတွက် အရပ်နည်းဖြင့်သာ အလွယ်တကူ တည်ဆောက် နေကြပါကြောင်း၊ ကချင်ပြည်နယ် ပုဂ္ဂလိကပိုင်ရေယာဉ်များ စနစ်တကျပြေးဆွဲဥပဒေနှင့် မကိုက်ညီ ပါကြောင်း၊ အဆိုပါဥပဒေကို ၂၀၁၃ ခုနှစ်ကတည်းက ပြဋ္ဌာန်းခဲ့ပြီးဖြစ်ပါကြောင်း၊ ပုဂ္ဂလိကရေယာဉ်ကို ပြေးဆွဲနိုင်ရန်အတွက် အခန်း(၂)၊ ပုဒ်မ ၃ ပုဒ်မခွဲ(က)တွင် ပုဂ္ဂလိကပိုင်ရေယာဉ်များကို စနစ်တကျ စည်းကမ်းရှိစွာ ပြေးဆွဲနိုင်ရန်ဖြစ်သည်၊ ပုဒ်မခွဲ(ခ)တွင် ခရီးသွားလုပ်သားပြည်သူများ၏ ဘေးအန္တရာယ် များကို ကင်းရှင်းသက်သာချောင်ချိသွားလာနိုင်ရန် ဖြစ်သည်၊ ပုဒ်မခွဲ(ဂ)တွင် ကုန်စည်စီးဆင်းမှုကို လွယ်ကူမြန်ဆန်စွာ စီးဆင်းစေရန် ဖြစ်သည်၊ ပုဒ်မခွဲ(ဃ)တွင် ထိုက်သင့်သောအခွန်ဘဏ္ဍာများရရှိပြီး ပြည်နယ်၏ဖွံ့ဖြိုးရေး၊ စီးပွားရေး၊ လူမှုရေးများကို အသုံးပြုရန်အတွက်ဖြစ်သည်ဟု ရည်ရွယ်ပြဋ္ဌာန်း ထားပါကြောင်း၊ ထူးခြားဖြစ်စဉ်အနေဖြင့် ၂၀၀၃ ခုနှစ် ကသာနယ်တွင် ရှပ်ပြေးမှောက်ရာတွင် ၃၆ ဦး သေဆုံးခဲ့ပါကြောင်း၊ ၁၀-၃-၂၀၀၉ ရက်နေ့တွင် မော်တော်နှစ်စီး အစုန်အဆန်တိုက်မိသည့်အတွက် ရွှေကူနှင့်စပါးတိုးရွာတွင် လူနှစ်ဦးသေဆုံးခဲ့ပါကြောင်း၊ ၂၀-၇-၂၀၁၂ ရက်နေ့ ဗန်းမော်မြို့ဆိပ်ကမ်းတွင် စထွက်သည့်နေရာတွင် ရေယာဉ်နစ်မြုပ်သည့်အတွက် လူ ၂၀ ဦးသေဆုံးသည်ဟုပြောသော်လည်း ဒေသခံ များ၏ပြောချက်အရ ထိုထက်နှစ်ဆမကများမည်ဟု သိရှိရပါကြောင်း၊ ပုဂ္ဂလိကရေယာဉ်များလည်း ပြည်သူများကို စည်းရုံး၊ လှုံ့ဆော်၊ အသိပညာပေးခြင်းများ ယနေ့အချိန်အထိ မတွေ့ရှိရပါကြောင်း၊ ဆိပ်ကမ်းတွင် လုံခြုံရေး၊ သန့်ရှင်းရေးအတွက် လုပ်ဆောင်နေသည်ကို ယနေ့အချိန်အထိ မတွေ့ရှိ ရပါကြောင်း၊ ရေယာဉ်တွင်လိုက်ပါကြသောခရီးသည်များက အမှိုက်များပစ်ချခြင်း၊ ဆိပ်ကမ်းများတွင် မြစ်ထဲသို့ ကြွပ်ကြွပ်အိတ်များ၊ ဖော့ဘူးများ ပစ်ချခြင်းများ ရှိသည့်အတွက် သဘာဝပတ်ဝန်းကျင် ထိခိုက်နိုင်ပါကြောင်း၊ ရေယာဉ်အသင်းများ စနစ်တကျထားရှိခြင်း မရှိပါကြောင်း၊ မိမိတို့ရွှေကူမြို့တွင် မော်တော်ပြေးဆွဲသည်မှာ ဆယ်စုနှစ်ကျော်သော်လည်း ရေယာဉ်ဂိတ်ထားရှိခြင်းမရှိသည့်အတွက် ပုဂ္ဂလိက ရေယာဉ်အသင်းအနေဖြင့် လုပ်ထုံးလုပ်နည်းများ၊ စည်းမျဉ်းစည်းကမ်းများ၊ မူဝါဒများဖြင့်  ပြန်လည် ချမှတ်ပြီး စိစစ်ရန်လိုအပ်ပါကြောင်း၊ သို့ဖြစ်ပါ၍ ဗန်းမော်မြို့မှ ကသာသို့ိုပြေးဆွဲနေသောသံခွံရေယာဉ်များကို စနစ်တကျ ပြေးဆွဲသွားနိုင်ရန် အစီအစဉ်ရှိ/မရှိနှင့် ရှိပါက မည်သည့်အချိန်တွင် မည်သို့ဆောင်ရွက်မည်ကို သိရှိလိုပါကြောင်း မေးမြန်းပါသည်။