မြို့နယ်အတော်များများတွင် ဖရဲ၊ သခွားမွှေး၊ ကန်စွန်းဥ အစရှိသည့်သီးနှံများကို ဒေသခံမဟုတ်သည့် တောင်သူများက ဒေသခံတောင်သူများ၏ မြေယာများကို ငှားရမ်းစိုက်ပျိုးနေမှုများ မြို့နယ် တော်တော် များများတွင် တွေ့မြင်ကြားသိနေရပါကြောင်း၊ မြေယာငှားရမ်း လုပ်ကိုင်သူများအနေဖြင့် ၎င်းတို့ စိုက်ပျိုးသည့် သီးနှံထွက်ကုန်များ၊ သွင်းအားစုတွေဖြစ်သည့်မြေသြဇာ၊ ပိုးသတ်ဆေးများကို ကားကြီး များ နှင့် သယ်ယူပို့ဆောင်ကြသည့်အတွက် ဒေသတွင်း မြေလမ်း၊ ကျောက်လမ်း၊ ကတ္တရာလမ်းများ ပျက်စီးမှုတွေ ရှိသည့်အတွက်ကြောင့်လည်းကောင်း၊ မြေသြဇာ၊ ပိုးသတ်ဆေး၊ သုံးစွဲသည့် နေရာ များတွင် အလွန်အကျွံသုံးစွဲကြ သည်ဖြစ်သည့်အတွက် ၎င်းတို့ငှားရမ်းစိုက်ပျိုးပြီးသည့် မြေယာ များသည် နောက်တစ်နှစ်တွင် ဒေသခံတောင်သူများ ပြန်လည်စိုက်ပျိုးကြသည့်အခါ မြေဆီလွှာ ပျက်စီးမှုတွေဖြစ်ပေါ်ပြီး ဒေသထွက်သီးနှံတွေ စိုက်ပျိုးသည့်နေရာတွင် အဆင်မပြေသည့် မြေဆီလွှာဆုံးရှုံးမှုများဖြစ်ပေါ်စေသည့်အတွက်လည်းကောင်း၊ အထက်ဖော်ပြပါလုပ်ငန်းများအတွက် သက်ဆိုင်ရာမြို့နယ်များတွင် အခွန်အခရရှိမှု မရှိကြောင်းနှင့် ရပ်/ကျေးဒေသများ အတွက်လည်း အကျိုးမပြုကြောင်း သိရှိနေရသည့်အတွက် ဥပဒေပြဋ္ဌာန်းချက်များနှင့်အညီ ဆောင်ရွက်ပေးနိုင်ခြင်းရှိ /မရှိကို သိလိုပါကြောင်းမေးမြန်းပါသည်။