(ဃ)-မြို့တော်ခန်းမအဝိုင်း၊ရေကန်လမ်းနှင့် ခိုင်ရွှေ ဝါလမ်းဆုံ၊သုံးမြှောင့်ရေပန်းလမ်းဆုံ၊ သိန္နီလမ်းနှင့် ဟတ်ကာလမ်းဆုံ၊ သိန္နီလမ်းနှင့် ဟူးမွန်ဆည်လမ်း ဆုံ နေရာများတွင် မီးပွိုင့်များ တပ်ဆင်ပေးရန် အစီ အစဉ် ရှိ/မရှိ နှင့် စပ်လျဉ်းသည့် မေးခွန်း
မေးခွန်း အကြောင်းအရာ
ယာဉ်သွားလာမှု ရှုပ်ထွေးပြီး လူဦးရေသုံးသိန်းခန့်ရှိသည့် လားရှိုးမြို့တွင် လက်ရှိမီးပွိုင့်လေးခုနှင့် မလုံ လောက်သည့်အတွက် တိုးချဲ့တပ်ဆင်ပေးရန် တင်ပြရခြင်းဖြစ်ပါကြောင်း၊ တိုးချဲ့တပ်ဆင်ပေးစေလို့ လမ်းဆုံများမှ ရပ်ကွက်(၂)၊ မြို့တော်ခန်းမ အဝိုင်းလမ်းဆုံ၊ ရပ်ကွက်(၅)ရေကန်လမ်းနှင့် ခိုင်ရွှေဝါ လမ်းဆုံ၊ ရပ်ကွက်(၈)သိန္နီလမ်းနှင့် ကွတ်ခိုင်လမ်းဆုံရာ သုံးမြှောင့်ရေပန်းလမ်းဆုံ၊ ရပ်ကွက်(၁၂) သိန္နီလမ်းနှင့်ဟတ်ကာလမ်းဆုံ၊ ကာမိန်းဘုန်းတော်ကြီးကျောင်းနားလမ်းဆုံ ၊ ရပ်ကွက်(၁၂)သိန္နီလမ်း နှင့်ဟူးမွန်ဆည်၊ မန်ဆူဘုရားလမ်းဆုံ တို့ဖြစ်ပါကြောင်း၊ သိန္နီမြို့ကို သွားသောလမ်းဖြစ်သည့်အတွက် သိန္နီလမ်းဟုခေါ်ကြသလို ပြည်ထောင်စုလမ်းမကြီး သိ့ှမဟုတ် မန္တလေး-လားရှိုး-မူဆယ်လမ်းဟုလည်း ခေါ်ကြပါကြောင်း၊ လားရှိုးမြို့သည် စီးပွားရေး၊ ကုန်သွယ်ရေး၊ ပို့ဆောင်ရေး ကိစ္စရပ်များတွင် ဖွံ့ဖြိုး တိုးတက်လာသည်နှင့်အမျှ မြို့တွင်း၊ မြို့ပြင်ပြေးဆွဲနေကြသည့် ရပ်နီး/ရပ်ဝေး မော်တော်ယာဉ်များ လည်း တိုးတက်များ ပြားလာပါကြောင်း၊ ယခုမီးပွိုင့်များ တိုးချဲ့တပ်ဆင်ပေးသင့်သည့် လမ်းဆုံများတွင် အနယ်နယ်အရပ်ရပ်မှ မော်တော်ယာဉ်များ၊ မော်တော်ယာဉ်ပေါင်းစုံ ဖြတ်သန်းသည့်နေရာဖြစ်ခြင်း၊ ကျောင်းသူ /ကျောင်းသားငယ်လေးများ နေ့စဉ်ဖြတ်သန်းသွားကြသည့် အ.ထ.က ကျောင်းကြီးအနား၊ လူဝင်လူထွက်များသည့် ဘုန်းတော်ကြီးကျောင်း၊ စည်ပင်သာယာဈေးနှင့် မလှမ်းမကမ်း တွင်ရှိနေခြင်း တို့ကြောင့် ယာဉ်စည်းကမ်း၊ လမ်းစည်းကမ်းနှင့် အညီသွားလာနိုင်ရန်နှင့် ယာဉ်တိုက်မှုများလည်း ကင်းဝေးပြီး မြို့အင်္ဂါရပ်နှင့် ညီညွတ်စေရန် အတွက်မီးပွိုင့်များတိုးချဲ့တပ်ဆင်ပေးရန် အစီအစဉ်ရှိ/မရှိ ကိုသိလိုပါကြောင်း မေးမြန်းပါသည်။