ဘီးလင်းသကြားစက်သည် စက်မှု(၁)ဝန်ကြီးဌာန အပိုင်ဖြစ်ပါကြောင်း၊ ဘီးလင်းသကြားစက်၏ စက်ရုံမြေကြီး သည် ၁၀၅ ဧကကျော်ရှိပြီး ကြံစိုက်ဧက ၁၃၂၅ ဧကကျော်ရှိပါကြောင်း၊ ၂၀၁၁ ခုနှစ်၊ ၉ လပိုင်းတွင် ဘီးလင်းသကြားစက်ကို ရွှေသံလွင်ဟိုင်းဝေးကုမ္ပဏီလီမိတက်သို့ ၁၀ နှစ် ငှားရမ်းခဲ့ပါ ကြောင်း၊  သို့သော် ရွှေသံလွင်ဟိုင်းဝေးကုမ္ပဏီလီမိတက်သည် တစ်နှစ်သာလည်ပြီး ၂ နှစ်ကို အကြီး စားပြင်ဆင်မည်ဆိုပြီး နောက်ဆုံးမပြင်ဆင်ဘဲနှင့် ပြန်အပ်လိုက်ပါကြောင်း၊ ၂၀၁၄ နှစ်တွင် Unnovation Group Public Co.,Ltd သ့ို ထပ်မံငှားရမ်းခဲ့ပါကြောင်း၊ ထပ်ငှားသည့် နှစ်ပေါင်း (၂၅+ ၅+၅)နှစ်ဖြစ်ပါကြောင်း၊  ငှားရမ်းခတစ်နှစ်ကို သန်း ၅၀ ဖြစ်ပါကြောင်း၊  ၎င်းကုမ္ပဏီစပြီး အလုပ် သည့်အချိန်တွင် ဝန်ထမ်းများကို လစာမပေးနိုင်ပါကြောင်း၊ ဒေသခံတောင်သူများ၏ ကြံကိုကုမ္ပဏီကမဝယ်ပေးသည့်အတွက် ကြံစိုက်တောင်သူများ ဒုက္ခရောက်ခဲ့ပါကြောင်း၊ နိုင်ငံတော်ကို လျှပ်စစ်အခတောင် မပေးသွင်းနိုင်ခဲ့ပါကြောင်း၊ ရွှေသံလွင်ဟိုင်းဝေးကုမ္ပဏီကို ငှားရမ်းစဉ်အခါက ၁၀ နှစ်ငှားရမ်းသည်ဟု သိရှိရပါကြောင်း၊ သို့သော်ဈေးနှုန်းမသိရပါကြောင်း၊ အခု AGT တွင် ဒေသခံဝန်ထမ်းများ၊ ကြံတောင်သူနှင့် နိုင်ငံတော်၏ လျှပ်စစ်ပါ ဆုံးရှုံးသည့်အတွက်၎င်းနှင့် ပတ်သက်၍ ချုပ်ဆိုထားသည့်စာရွက်စာတမ်းများရှိခဲ့ခြင်းရှိမရှိနှင့် ရှိခဲ့ပါက် ၎င်းစာချုပ်အတိုင်း အရေးယူခဲ့ခြင်းရှိ/မရှိကို မိမိတို့ မသိရှိခဲ့ပါကြောင်း၊ ၂၀၁၅ ခုနှစ်၊ ၁၁ လပိုင်းတွင် Super One Dragon Co.,Ltd.သ့ို ယခု သကြားစက်ကို (၂၅+၅+၅)နှစ် နှင့်ငှားရမ်းခဲ့ပါကြောင်း၊ တစ်နှစ်ငှားရမ်းခမှ ၂၅ သန်း ဖြစ်ပါကြောင်း၊ ၎င်းစက်ရုံတွင် ရေသန့်စက်ထောင်ပါပြီး  ဝန်ထမ်းအိမ်ရာတန်းလျားတွင် Mini Market တစ်ခု ထပ်ပြီးတွေ့ရသည့်အတွက်  မိမိတို့ ကိုယ်စားလှယ်များ၊ မြို့နယ်အုပ်ချုပ်ရေးမှူးနှင့်  ို့ စီမံအဖွဲ့မှ စက်မှုဝန်ကြီးဌာနကို ခေါ်ပြီး စက်ရုံတာဝန်ခံကို ခေါ်သည့်အခါတွင် ၎င်းက Super One Co.,Ltd. သူဌေးများကို ခေါ်ပေးပြီး မိမိတို့ အစည်းအဝေးပွဲလုပ်ပါကြောင်း၊ လုပ်သည့်အခါ မည်ကဲ့သ့ို အစီအစဉ် ရှိသည်ကိုမေးသည့်အခါ ၎င်းတို့က တန် ၂၀၀ စက်ကို ဆက်ပြီးလုပ်မည်ဟု ပြောခဲ့သော် လည်း ယနေ့အချိန်အထိ စက်ရုံဆောက်သည်ကို မတွေ့ရှိခဲ့ရပါကြောင်း၊

၎င်း Super Market များ မည်သည့်အတွက် မလုပ်သည်ကို မသိရသည့်အတွက် စာချုပ်တွင် ပါ/မပါ ကိုသိလိုသည့်အတွက် တောင်းသည့်အခါ ယခုအချိန်အထိ လုံးဝမသိရှိရပါကြောင်း၊ အကြောင်းလဲ လုံးဝမပြန်ပါကြောင်း၊ ယခုအခါ သကြားစက်ကို တည်နေတယ်ဆိုသည့် သတင်း ကိုကြားရပါကြောင်း၊ ဝန်ကြီးဌာနအနေဖြင့် သကြားစက်ကို ကုမ္ပဏီများကို ငှားသည့်နေရာတွင် ကုမ္ပဏီနှင့်သဘောတူ စာချုပ်ချုပ်လိုက်ပြီး ငှားလိုက်ပါကြောင်း၊ စောစောကလို ကြံတောင်သူများ စိုက်ပြီးသည့်အခါ ပြန်မဝယ်သည့်အတွက် ဒေသခံများမှတကယ်ဆုံးရှုံးခဲ့ရပါကြောင်း၊ ယုံကြည်မှုတစ်ခါ ပျက်ပြားပြီး ဖြစ်ပါကြောင်း၊ ယခု ဒုတိယတစ်ခါဖြစ်သည့်အတွက် ထပ်မံပျက်ပြားသွားမည်ကို  စိုးရိမ်ပါကြောင်း၊ ထို့ကြောင့် ဝန်ကြီးဌာနအနေဖြင့် ကုမ္ပဏီနှင့် စာချုပ်ချုပ်သည့်နေရာတွင် မည်သည့်ပုံစံမျိုး နှင့်ချုပ်ထား သည်ကို မိမိတို့ သိလိုပါကြောင်း၊ ၎င်းစာချုပ်အောင်မြင်မည်ဆိုပါက  ဒေသခံများ အတွက် ကောင်း သော်လည်း မအောင်မြင်ဘူးဆိုရင် ထပ်ပြီး နစ်နာမှုများဖြစ်နေမည်ဖြစ်ပါကြောင်း၊ အောင်မြင်အောင် လုပ်ရမည်လား၊ ကန့်ကွက်ရမည်လားဆိုသည်ကို စာချုပ်မသိသည့်အတွက်  မိမိတို့ ကိုယ်တိုင်လည်း မသိဖြစ်နေပါကြောင်း ထို့ကြောင့် ၎င်းနှင့် ပတ်သက်ပြီး ပွင့်လင်းမြင်သာစွာချပြနိုင်ခြင်းရှိမရှိကို သိလိုပါ ကြောင်း မေးမြန်းပါသည်။