(ခ)-မူးယစ်ဆေးဝါးထုတ်လုပ်သူနှင့်ထုတ်လုပ်ရာ စက်ရုံ၊အလုပ်ရုံတို့ကိုအဘယ်ကြောင့်ဖော်ထုတ် ဖမ်းဆီးနိုင်ခြင်းမရှိပါသနည်း။ ၎င်းနေရာများသည် လက်နက်ကိုင်အဖွဲ့များစိုးမိုးထားသောနယ်မြေများ ၌ ရှိနေပါကချေမှုန်းနိုင်ရန်အစီစဉ်ရှိ/မရှိနှင့်စပ်လျဉ်း သည့် မေးခွန်း
မေးခွန်း အကြောင်းအရာ
မြန်မာနိုင်ငံသည် မူးယစ်ဆေးဝါးအန္တရာယ်ကို ကြီးမားစွာရင်ဆိုင်နေရပါကြောင်း၊ ကမ္ဘာ့ကုလသမဂ္ဂကြီး၏ ခန့်မှန်းချက်အရလည်း ကမ္ဘာပေါ်တွင် မူးယစ်ဆေးဝါးထုတ်လုပ်မှု ဒုတိယအများဆုံးနိုင်ငံဟုဖော်ပြ ထားပါကြောင်း၊ ခန့်မှန်ချက်အရ မြန်မာနိုင်ငံသည် ကမ္ဘာ့အလယ်တွင် နာမည်ဆိုးမြင့် ကျော်ကြားသည့် နိုင်ငံသူ/သားများ ကမ္ဘာ့အလယ်တွင် မျက်နှာငယ်သိက္ခာကျဆင်းလျက်ရှိပါကြောင်း၊ ပဏာမ ကြီးမားသော မူးယစ်ဆေးဝါးများကို အကြိမ်ကြိမ်ဖမ်းမိသော်လည်း ဖမ်းဆီးမှုများသည် ကိုယ်တိုင်ဖြန့်ချီ ရောင်းချ နေသူများကိုသာ အဓိကဖမ်းမိနေခြင်းဖြစ်ပါကြောင်း၊ ထို့ကြောင့် အမြစ်ပျက်ချေမှုန်းရန်မဖြစ်နိုင်ပါ။ ကိုင်းဖျား၊ ကိုင်းနားခုတ်ပစ်ခြင်းသား ဖြစ်ပါကြောင်း၊ အဓိကထုတ်လုပ်နေသူများနှင့် မူးယစ်ဆေးဝါး ထုတ်လုပ်ရန် စက်ရုံ၊ အလုပ်ရုံများကို ဖော်ထုတ်ဖမ်းဆီးနိုင်ခြင်း မရှိသေးပါကြောင်း၊ သို့ဖြစ်ပါ၍ အဘယ်ကြောင့် အခြေခံကျသော မူးယစ်ဆေးဝါးထုတ်လုပ်သူနှင့် မူးယစ်ဆေးဝါးထုတ်လုပ်သူ စက်ရုံ၊ အလုပ်ရုံများကို ဖော်ထုတ်ဖမ်းဆီးနိုင်ခြင်းမရှိပါသနည်းနှင့် အကယ်၍ ထိုစက်ရုံအလုပ်ရုံများသည် လက်နက်ကိုင်အဖွဲ့များ စိုးမိုးရာနေရာများ၌ ရှိနေပါသည်ဟုဆိုလျှင် အမြစ်ပြတ်ချေမှုန်းနိုင်ရန် စီစဉ်ထားခြင်း ရှိ/မရှိကို သိလိုပါကြောင်း မေးမြန်းပါသည်။