စစ်ကိုင်းတိုင်းဒေသကြီး၊ ကလေးမြို့နယ်သည် လွန်ခဲ့သော ၂၀၁၅ ခုနှစ်တွင် ဖြစ်ပွားခဲ့သော ရေကြီးရေလျှံမှုကြောင့် လယ်ယာဧက (၈၀၀၀၀) ကျော်နှင့်အတူ နတ်တံခါးဆည် မြောင်းချောင်းဆည်များနှင့် လယ်ရေသွင်းရေ ထွက် မြောင်းများပါ မကျန် ပျက်စီး ဆုံးရှုံးရပါကြောင်း၊ နတ်တံခါးဆည်သည် လယ်မြေဧက (၂၀၀၀)ကျော်ကိုလည်းကောင်း၊ မြောင်းချောင်းဆည်သည် လယ်မြေဧက (၄၀၀၀) ကျော်ကိုလည်းကောင်း ရေပေးဝေနေသော ဆည်များ ဖြစ်ကြပါကြောင်း၊ လာမည့် ၂၀၁၆-၁၇ ဘဏ္ဍာရေးနှစ်တွင် စစ်ကိုင်းတိုင်းဒေသကြီးသည် ဘတ်ဂျတ်၌ နတ်တံခါးဆည်ကို ပြန်လည်တူးဖော်လျာထားကြောင်း သိရသော်လည်း မြောင်းချောင်းဆည်အတွက် တစ်စုံတစ်ရာပြုပြင် ထိန်းသိမ်းမည်ဖြစ်ကြောင်း ကြားသိရခြင်းမရှိ သည့် အတွက် နိုင်ငံတော်အစိုးရအနေဖြင့် ကလေးမြို့နယ်အတွင်းရှိ တောင်သူလယ်သမားအတွက် အရေးပါလှသော ဆည်များ၊ ရေသွင်းရေထုတ် မြောင်းများကို ဦးစားပေးအဆင့်သတ်မှတ်၍ အဓိကအားဖြင့် လယ်မြေဧက (၄၀၀၀)ကျော် ကို ရေပေးဝေနေသော “မြောင်းချောင်း” ဆည်အား တူးဖော်ပြုပြင် ထိန်းသိမ်းရန် အစီအစဉ်ရှိ/မရှိ သိရှိလိုပါကြောင်း မေးမြန်းပါသည်။