ဂန့်ဂေါမြို့နယ် ကျောကျေးရွာအနီး ပုညာတောင်တွင်  ၅၆၁၀ ပေရှည်လျားသော သံကူကွန်ကရစ် RCC လိုင်စင်အမျိုးအစား ရထားဥမင်ကြီးကို ၁၉၉၆ ခုနှစ်၊ အောက်တိုဘာလ ၁၆ ရက်နေ့မှစတင်၍ ဆောက်လုပ်ခဲ့ပြီး ၁၀ နှစ်နီးပါးအကြာ ၂၀၀၆ ခုနှစ်၊ ဇူလိုင်လ ၂၅ ရက်နေ့တွင် ပြီးစီးခဲ့ပါကြောင်း၊ အဆိုပါ ဥမင်ကြီးကို နိုင်ငံတော်၏ ဘဏ္ဍာငွေအမြောက်အများ ကုန်ကျခံဖောက်လုပ်ခဲ့ပြီး ဥမင်အကျယ် ၁၅ ပေ ၄ လက်မ၊ အမြင့် ၁၉ ပေ ၄ လက်မ မြင်‌့ပါကြောင်း၊ ၂၇-၁-၂၀၁၆ ရက်နေ့တွင် ဥမင်အပါအဝင် ၂၇.၀၇ မိုင်ရှိသော ကျောရေမျက်နီရထားလမ်းပိုင်းကို စတင်ပြေးဆွဲခဲ့ပါကြောင်း၊ သို့သော်လည်း သုံးနှစ်ကျော်ကြာ ၂၀၁၀ ခုနှစ် မိုးရာသီ ဇူလိုင်လ ၅ ရက်နေ့မှစ၍ ရပ်နားပြီး ယခုတိုင်ပြေးဆွဲခြင်း မရှိတော့ပါကြောင်း၊ ဒေသခံများအနေဖြင့် ရထားနှင့် ခရီးသွားခြင်းသည် ကုန်ကျစရိတ်သက်သာပြီး ဒေသဖွံ့ဖြိုးမှု၊ အန္တရာယ်ကင်းမှုတို့မှာ ကားလမ်းထက်များစွာ ပိုမိုကောင်းမွန်သည့်အတွက်  (၁) ကျောရေ မျက်နီရထားလမ်းတွင် ရထားပြန်လည်ပြေးဆွဲရန် အစီအစဉ်ရှိ/မရှိ၊ (၂) မရှိပါက မည်သည့်အတွက်ကြောင့် ဖြစ်သည်ကို သိရှိလိုပါကြောင်း မေးမြန်းပါသည်။