(င)-ကြံခင်း-ပခုက္ကူ မီးရထားလမ်းဖောက်လုပ်ခဲ့ရာ ၌ လက်လွတ်ဆုံးရှုံးခဲ့ရသော ကံမမြို့နယ်အတွင်း ရှိ တောင်သူ လယ်သမားများ၏ လယ်ယာမြေများ ကို၂၀၁၆-၁၇ဘဏ္ဍာနှစ်တွင်ကာလပေါက်ဈေးနှင့် အညီနစ်နာကြေးပေးလျော်ရန်အစီအစဉ်ရှိ/ မရှိနှင့် စပ်လျဉ်းသည့်မေးခွန်း
2020-12-15
မေးခွန်း အကြောင်းအရာ
မြန်မာ့မီးရထားသည် ကြံခင်း-ပခုက္ကူမီးရထားလမ်းပိုင်းကို ၂၀၀၈ ခုနှစ်တွင် ဖောက်လုပ်ခဲ့ရာ မကွေးတိုင်းဒေသကြီး၊ ကံမမြို့နယ်အတွင်း ကျေးရွာအုပ်စုပေါင်း ၁၄ ခုမှ လယ်ယာမြေ ဧကပေါင်း ၄၁၅ ဧက သိမ်းဆည်းခံခဲ့ရပါကြောင်း၊ ယခု လစ်လပ်ဆုံးရှုံးသွားသည့် လယ်ယာမြေများကို ကာလပေါက်ဈေး နှင့်အညီ ဆုံးရှုံးနစ်နာကြေးကို ပေးလျော်မည်ဟု ပထမအကြိမ် ပြည်သူ့လွှတ်တော်တွင် ၁-၁-၂၀၁၅ ရက်နေ့ ရက်နေ့စွဲပါစာအမှတ် (၂/၁၇ လွှတ်တော်/၂၀၁၅-၃၀၈၈၄) မီးရထားပို့ဆောင်ရေး ဝန်ကြီးဌာန၊ ပြည်ထောင်စုဝန်ကြီး ဦးသန်းဌေးလက်မှတ်ဖြင့် ဖြေကြားထားသော်လည်း ယခုချိန်ထိ နစ်နာကြေး မရရှိသည်ကို တွေ့ရှိရပါကြောင်း၊ ထို့ကြောင့် ဆုံးရှုံးသွားသည့် တောင်သူလယ်သမား၏ နစ်နာကြေးများကို ကာလပေါက်ဈေးနှင့်အညီ ပေးလျော်မည့်ငွေကို ၂၀၁၆-၁၇ ဘဏ္ဍာနှစ်တွင် ပါဝင်ခြင်းရှိ/မရှိ သိလိုပါကြောင်း မေးမြန်းပါသည်။