ရှမ်းပြည်နယ်၊ ကျိုင်းတုံခရိုင်၊ မိုင်းပျဉ်းမြို့နယ်မှာ ဧရိယာအကျယ်အဝန်းစုစုပေါင်း ၂၃၃၁ စတုရန်းမိုင်ရှိပြီး လူဦးရေအားဖြင့် ၆၈၅၀၈ ဦးရှိပါကြောင်း၊ မြို့ပြလူဦးရေပေါင်း ၆၇၈၉ ဦးနှင့် ကျေးလက်လူဦးရေပေါင်း ၆၁၇၉၉ ဦးဖြစ်ပြီး ရပ်ကွက်ပေါင်း ၇ ရပ်ကွက်၊ ကျေးရွာစုစုပေါင်း ၃၁ အုပ်စု၊ ကျေးရွာပေါင်း ၃၆၈ ရွာ၊ အိမ်ထောင်စုပေါင်း ၁၀၁၄၆ စုခန့် ဖြစ်ပါကြောင်း၊ မိုင်းပျဉ်းမြို့နယ်သည် ရှမ်းပြည်နယ်(အရှေ့ပိုင်း)၏ ဝင်ပေါက်မြို့နယ်တစ်ခု ဖြစ်ပြီး မြို့နယ်အတွင်းရှိ တိုင်းရင်းသားလူမျိုးများအတွက် ကျန်းမာရေး ပြုစုကုသစောင့်ရှောက်နိုင်ရန် ၂၅ ခုတင်ဆံ့ဆေးရုံတစ်ရုံသာ ရှိပါကြောင်း၊ နှစ်စဉ်တိုးပွားလာသော လူဦးရေနှုန်းထားအရ လက်ရှိ ၂၅ ခုတင်ဆံ့ဆေးရုံအား လူနာများ ဝင်ဆံ့နိုင်ရေးအတွက် များစွာသော အခက်အခဲများနဲ့ တွေ့ကြုံလျက်ရှိပါကြောင်း၊ သို့ဖြစ်ပါ၍ တိုင်းရင်းသားပြည်သူများ၏ ကျန်းမာရေး ပိုမိုမြှင့်တင် စောင့်ရှောက်ပေးနိုင်ရန်အတွက် လက်ရှိ ၂၅ ခုတင်ဆံ့ဆေးရုံဟောင်းအစား ၅၀ ခုတင်ဆံ့ ဆေးရုံအသစ်ဖြင့် အစားထိုး စီစဉ် ဆောင်ရွက်ပေးရန် အစီအစဉ်ရှိ/မရှိ သိရှိလိုကြောင်း မေးမြန်းပါသည်။