(င)-မိုးကုတ်မြို့နယ်မှစီးလာသောကျောက်ဆေးရေ များကြောင့် မိုးမိတ်မြို့နယ်ရှိ ကင်းချောင်းရွာစာ သင်ကျောင်း၊ ခရစ်ယာန်ကျောင်းနှင့် လယ်မြေ ၂၁၅၈ ဧကနှင့် ယာမြေ ၄၀၅ ဧက တို့မှာပျက် စီးနေသောကြောင့် မည်သို့ ဆောင်ရွက် ပေး မည်နှင့် စပ်လျဉ်းသည့် မေးခွန်း
မေးခွန်း အကြောင်းအရာ
မိုးမိတ်ပြည်သူများသည် အများအားဖြင့် တောင်သူလုပ်ငန်းနှင့် အသက်မွေးဝမ်း ကျောင်းသူများ ဖြစ်ကြ ပါကြောင်း၊ လွန်ခဲ့သည့် ငါးနှစ်ခန့်ကစတင်၍ မိုးကုတ်မြို့တွင် စက်ယန္တရားကြီးများကို အသုံးပြုပြီး ကျောက်တူးဖော်နေခြင်းများကြောင့် ကျောက်ဆေးရေများသည် မိုးမိတ်မြို့နယ် ထဲသို့ ပန်တန်းချောင်း၊ ရေတံခွန်ချောင်း၊ ကင်းချောင်းစသည့် ချောင်းရေများမှ တစ်ဆင့် လယ်ယာ မြေထဲသို့ အဆက်မပြတ် စီးဝင်နေသောကြောင့် လယ်ယာမြေဧကပေါင်း ၂၁၅၈ ဧကနှင့် ယာမြေ ဧကပေါင်း ၄၀၅ ဧက ပျက်စီးနေပါကြောင်း၊ မန္တလေး-တွင်းငယ်-မိုးမိတ်လမ်းကို ဆက်သွယ် ပေးထားသည့် ကင်းချောင်းတံတားသည် နွံများတက်နေမှုကြောင့် တံတား၏အမြင့်ပေသည် ခြောက်ပေသာရှိတော့ပါကြောင်း၊ ထို့ပြင် ကင်းချောင်းများရေများသည် အ.လက(ခွဲ)ကျောင်း၊ ခရစ်ယာန်ဘုရားရှိခိုးကျောင်းများကိုလည်း ဖြတ်သန်းစီးဆင်ဝင်ရောက်နေပါကြောင်း၊ လယ်ယာ မြေများတွင်လည်း ဝင်ရောက်လာသည့် နုန်းများကို ဖော်ထုတ်ပြီး အသုံးပြုနေရပါကြောင်း၊
မိမိတို့ တိုင်းပြည်သည် စိုက်ပျိုးရေးကို အခြေခံခြင်း၊ ဆန်ကို အဓိကအားထား စားသုံးခြင်းတို့ကြောင့် လယ်မြေဧကများကို ထပ်မံမဖော်ထုတ်နိုင်ခြင်းမရှိဘဲ မိုးကုတ်မြို့၏ ကျောက်လုပ်ကွက်ကြောင့် လယ်ယာမြေများ ပျက်စီးဆုံးရှုံးနေမှုကို မည်ကဲ့သို့ ဆောင်ရွက်ပေးမည်ကို သိရှိလိုပါကြောင်း မေးမြန်းပါသည်။