ပင်လောင်းမြို့နယ်သည် ပင်လယ်အမြင့်ပေ ၄၈၂၀ ခန့်တည်ရှိပြီး မြို့နယ်အတွင်း တော/ တောင် ထူထပ်ပြီး ဆောင်းရာသီတွင် အအေးဓာတ်လွန်ကဲသည့် မြို့နယ်တစ်နြယ်ဖစ်ပါကြောင်း၊ တောင်-မြောက်မိုင် ၅၀၊ အရှေ့-အနောက် မိုင် ၇၀ ကျော်ရှည်လျားသော မြို့နယ်တစ်မြို့နယ် လည်းဖြစ်ပါကြောင်း၊ ပင်လောင်းမြို့နယ်ကို မြို့သုံးမြို့၊ ရပ်ကွက် ၁၉ ရပ်ကွက်၊ ကျေးရွာအုပ်စု ၂၉ အုပ်စု၊ ကျေးရွာပေါင်း ၄၃၂ ရွာ ဖြင့်ဖွဲ့စည်းထားပြီး လူဦ‌းရေ နှစ်သိန်းနီးပါး နေထိုင် နေပါကြောင်း၊ မြို့နယ်တွ (၂၅)ခုတင်ဆံ့ မြို့နယ်ဆေးရုံတစ်ရုံ၊ တိုက်နယ်ဆေးရုံလေးရုံ၊ ကျန်းမာရေးဌာနသုံးခု၊ ကျေးလက် ကျန်းမာရေးဌာနခွဲ ၃၂ ခုရှိပြီး ကျန်းမာရေးဌာနအသီးသီးသို့ နှစ်စဉ်လူနာပျမ်းမျှ ၃၁၀၀၀ ကျော်ခန့် တက်ရောက်ကုသလျက်ရှိသည်ကို ကျန်းမာရေးဦးစီးဌာန မှတ်တမ်းအရ သိရှိရပါကြောင်း၊ ဆရာဝန်နှင့် လူနာအချိုးသည် ၁၇၈၈၇ ဦးရှိပြီးအရေးပေါ်လူနာရှိပါက မိုင် ၄၀ ကျော်ဝေးသည့် ကလောမြို့နယ်သို့လည်းကောင်း၊ ၆၀ ကျော်ဝေးသည့် လွိုင်ကော်မြို့နယ်သို့ လည်းကောင်း၊ သွားရောက်ကုသရသဖြင့် အခက်အခဲများစွာရှိသည်ကိုတွေ့ရပါကြောင်း၊ကျန်းမာရေးဝန်ကြီး ပင်လောင်းမြို့ ကိုရောက်ရှိသည့်အချိန်တွင် မြို့နယ်ဖွံ့ဖြိုး တိုးတက်ရေးအကောင်အထည် ဖော်မှု ကော်မတီ၊ ရပ်မိရပ်ဖ၊ ဆေးရုံကြီးကြပ်မှုကော် မတီ၏ တင်ပြချက် အရလည်းကောင်း၊ ဝန်ကြီးများ၏ လေ့လာတွေ့ ရှိချက်အရလည်းကောင်း၊ ပင်လောင်းမြို့တွင် ခုတင် (၅၀) ဆံ့ဆေးရုံ ရသင့်သည် ဖြစ်ကြောင်း သဘာထား မှတ်ယူပါဟု ကတိပြုခဲ့ခြင်း ဖြစ်ပါကြောင်း၊မိမိသိလိုသည်မှ ပင်လောင်းမြို့ရှိ (၂၅)ခုတင်ဆံ့ ပြည်သူ့ဆေးရုံကို (၅၀)ခုတင်ဆံ့ ပြည်သူ့ဆေးရုံအဖြစ်သို့ 

ဆင့်မြှင့်တင်ပေးရန် အစီအစဉ်ရှိ/မရှိနှင့် အစီအစဉ်ရှိပါက မည်သည့်ဘဏ္ဍာရေးနှစ်တွင် အဆင့်မြှင်တင်ပေးနိုင်မည်ကို သိရှိလိုပါကြောင်း မေးမြန်းပါသည်။