(င) - မန်ဝိန်းကြီးဒေသရှိ တရုတ်-မြန်မာနယ်ခြား ဖြစ်သော (၅၃/၂)ကျောက်တိုင်အနီးတရုတ်နိုင်ငံ ဘက်မှလယ်သမားများဝင်ရောက်စိုက်ပျိုးလုပ်ကိုင် ခြင်း အား တားမြစ် ပေးရန် အစီအစဉ်ရှိ၊ မရှိ နှင့် စပ်လျဉ်းသည့်မေးခွန်း
2020-12-15
မံစီမြို့နယ်သည် တရုတ်ပြည်နှင့်နယ်နိမိတ်ချင်းထိစပ်နေသည့် မြို့တစ်မြို့လည်းဖြစ်ပါကြောင်း၊ထို့ကြောင့် နယ်နိမိတ်ချင်းထိစပ် နေသည့်နေရာဒေသများတွင် မံစီမြို့နယ်၊ မန်ဝိန်းကြီးဒေသမှာရှိသည့် တောင်သူ လယ်သမားများနှင့် တစ်ဖက်နိုင်ငံမှ တောင်သူလယ်သမားများနှင့် မြေယာပြဿနာ မကြာခဏ ဖြစ်ပွားလျက်ရှိပါကြောင်း၊ မိမိသိလိုသည်မှ မံစီမြို့နယ်၊ မန်ဝိန်းကြီးဒေသမှာရှိသည့် တရုတ်- မြန်မာ နယ်စပ် ဖြစ်သည့် (၅၃/၂)ကျောက်တိုင်အနီး တရုတ်ဘက် ကနေမှ မြန်မာဘက်ကို လယ်သမား များ ဝင်ရောက် စိုက်ပျိုးလုပ်ကိုင်နေခြင်းကို တားမြစ်ပေးဖို့အစီအစဉ်ရှိ/မရှိနှင့် နယ်နိမိတ်ကျောက်တိုင်အမှတ် (၅၃/၄) ကိုလည်း ချောင်းအတွင်းမှာပြိုကျခါနီးဖြစ်နေတဲ့အတွက်ကြောင့်မို့လို့ အချိန်မီ ချောင်းရိုးတစ်လျှောက် မြေထိန်းနံရံ တည်ဆောက်ပေးဖို့ အစီအစဉ်ရှိ/မရှိကို သိရှိလိုပါကြောင်းမေးမြန်းပါသည်။