ပြင်စာကျေးလက်ကျန်းမာရေးဌာနသည် ဧရိယာ ၅၀၀ Square mile ရှိပြီး ဖွဲ့စည်းပုံအရ ကျန်းမာရေးမှူး (၁) ဦး၊ Lady Health Visitor အမျိုးသမီးကျန်းမာရေးဆရာမ (၁) ဦး၊  Grade-2 (၆) ဦး၊ Mid Wife (၆) ဦးရှိသော်လည်း Grade-2 (၂) ဦးသာ ရှိပါကြောင်း၊ ပြင်စာမှ အနီးစခန်း ဈေးကုန်း Sub Centre အထိ ၉ မိုင်ခန့် ဝေးပါကြောင်း၊ ပြင်စာမှ ခြောက်ထပ်ကွေ့၊ ကိုးထပ်ကွေ့ ဆင်းပြီး အုန်းကျောရွာကိုဖြတ်၍ ဒုဋ္ဌဝတီမြစ်ရိုးတစ်လျှောက်  မိုင် ၂၀ ခန့် ထပ်မံကွာဝေးသည့်  ဂွေးပင်ကျေးရွာ (Sub Centre) ဆိုသော ရဲရွာရေအားလျှပ်စစ်စီမံကိန်းအနီးရှိ သဗျူရွာအထိ တာဝန်ယူဆောင်ရွက်ရပါကြောင်း၊ အရှေ့နှင့် အနောက် ၁၃ မိုင်ခန့် ကျယ်ဝန်းသည့်အတွက်လည်း ပြင်ဦးလွင်မြို့နယ်ရှိ ပြင်စာကျေးလက်ကျန်းမာရေးဌာနသည် လူဦးရေ ၄၀၀၀၀ ခန့်ကို တာဝန်ယူနေရ ပါကြောင်း။

ဇီးပင်ကြီးတွင် ဆေးရုံရှိသော်လည်း ဇီးပင်ကြီးဆေးရုံသည် ဗဟိုဝန်ထမ်းတက္ကသိုလ်၊ ရဲသင်တန်း ကျောင်းနှင့် မီးသတ်သင်တန်းကျောင်းဆိုပြီး အဓိကထား ဖွင့်ပေးခဲ့ခြင်းဖြစ်ပါကြောင်း၊ ဇီးပင်ကြီး ကျေးရွာရှိ ဆေးရုံကိုသွားမည်ဆိုပါက ခြောက်ထပ်ကွေ့ကိုဆင်းပြီး နောက်ထပ် နှစ်မိုင် ခန့်သွားရောက်ပါမှ ဆေးရုံ ကို ရောက်ရှိ မည်ဖြစ်ပါကြောင်း၊ ထို့ကြောင့် ပြင်ဦးလွင်မြို့နယ်ရှိ ပြင်စာ ကျေးလက်ကျန်းမာရေးဌာန (RHC) ကို တိုက်နယ်ဆေးရုံအဆင့်သို့ မြှင့်တင်ပေး ရန်နှင့် ကျေးလက်ကျန်းမာရေးဌာနခွဲ (အောင်ချမ်းသာ)ကို RHC အဆင့်မြှင့်တင်ပေးရန် အစီအစဉ် ရှိ/မရှိ သိရှိလိုကြောင်း မေးမြန်းပါသည်။