(က)-တောင်ဥက္ကလာပမြို့နယ်၊ ဥက္ကလာပစေတီ ပရဝဏ်ပေ(၁၀၀)အတွင်းပေ(၇၀)ထက်မြင့်သော အထပ်မြင့်အဆောက်အဦဆောက်လုပ်နေခြင်းနှင့် ပတ်သက်၍သက်ဆိုင်ရာဌာနများအနေဖြင့်မည်သို့ စီစဉ်ထားသည်ကိုသိလိုခြင်းနှင့်စပ်လျဉ်းသည့်မေးခွန်း
ဥက္ကလာပစေတီတော်ကြီးသည် သာသနာရေးဝန်ကြီးဌာနမှ နိုင်ငံအဝန်းထင်ရှားကျော်ကြားသော ဘုရားစေတီတော်အဖြစ် သတ်မှတ်ထားသော တောင်ဥက္ကလာမြို့နယ်၏ တစ်ခုတည်းသော စေတီတော် ဖြစ်ပါကြောင်း၊ ဉာဏ်တော် ၁၀၈ ပေရှိပြီး သီတင်းကျွတ်ပွဲတော်၊ တန်ဆောင်တိုင်ပွဲတော်၊ ညောင်ရေသွန်းပွဲတော်စသည့် ပွဲတော်များကို တောင်ဥက္ကလာပစေတီတော်ကြီး၏ ရင်ပြင်တွင် ကျင်းပပြုလုပ် ပါကြောင်း၊
ယခုအခါ ဘုရားစေတီတော်ကြီး ပရဝဏ်၏ ပေ ၁၀၀ အတွင်း သစ္စာလမ်းနှင့် သံသုမာလမ်းထောင့် (၁၄)ရပ်ကွက်တွင် ၉၆ ပေအမြင့်ရှိသော ရှစ်ထပ်ခွဲ အဆောက်အဦ၏ ဆောက်လုပ်ရေးလုပ်ငန်းများ ဆောင်ရွက်လျက်ရှိပြီး ထိုသို့ဆောင်ရွက်နေခြင်းကို တောင်ဥက္ကလာပ မြို့နယ်၏ ပြည်သူပြည်သားများ၊ စေတီတော်ကြီး၏ ဂေါပကအဖွဲ့များမှ ကန့်ကွက်ခြင်းကြောင်း သက်ဆိုင်ရာသို့ အကြိမ်ကြိမ်တင်ပြခဲ့ ပါကြောင်း၊ သာ ၎င်း အဆောက်အဦအား မြို့နယ်အတွင်းရှိ ပြည်သူပြည်သားများနှင့် စေတီတော် ကြီး၏ ဂေါပကအဖွဲ့များမှ ပေ ၆၀၊ ပေ ၇၀ ထက်မမြင့်သောအဆောက်အဦဖြင့် ခွင့်ပြုခြင်းကိုသာ လိုလားလျက်ရှိပါသောကြောင့် ၎င်းအဆောက်အဦအား ပေ ၆၀၊ ပေ ၇၀ ထက်မမြင့်သော အဆောက်အဦအဖြစ်သာ ခွင့်ပြုပေးပါရန်နှင့် စပ်လျဉ်း၍ သိရှိလိုပါကြောင်း မေးမြန်းပါသည်။