လွှတ်တော်အတွင်း တာဝန်ထမ်းဆောင်နေကြသည့် လွှတ်တော်ကိုယ်စားလှယ်များနှင့် ပြောင်းလဲတာဝန် ထမ်းဆောင်နေကြသည့် အစိုးရသစ်အတွက် အရေးကြီးသည့် နိုင်ငံတော်မှ ပေးဆပ်ရန်ကျန်ရှိ သည့် ပြည်ပချေးငွေ အခြေအနေမှန်ကို ပြည်သူများ၏ကိုယ်စား သိရှိလိုကြောင်းနှင့် ချေးငွေများနှင့် ပတ်သက်ပြီး ငွေထုတ်ချေးပေးခဲ့သည့် နိုင်ငံတစ်ခုချင်း၊ အဖွဲ့အစည်း တစ်ခုချင်းအလိုက် ၁-၄-၂၀၁၅ ရက်နေ့တွင်ရှိသည့် ချေးငွေလက်ကျန်၊ ၂၀၁၅-၁၆ ဘဏ္ဍာနှစ်အတွင်း ထပ်မံချေးယူ ခဲ့သည့်ငွေ ၁-၄-၂၀၁၅ မှ ၃၁-၃-၂၀၁၆ အထိ ပေးဆပ်ပြီးသည့် အရင်းနှင့်အတိုးငွေ ချေးငွေ တစ်ခုချင်း၏ အတိုးနှုန်းထား၊ ပေးဆပ်ရမည့်သက်တမ်း၊ ပေးဆပ်ရန် သက်တမ်းပြည့်သည့် နေ့များနှင့် ချေးငွေပေးဆပ်ရန်အတွက် စီမံချက်များ ရေးဆွဲထားမှုရှိ/မရှိ၊ ပေးဆပ်ရန် ကျန်ငွေများ အတွက် ရရှိနိုင်မည့် အရင်းအမြစ်များ၏ အခြေအနေကို အများပြည်သူများ သိရှိနိုင်ရေး အတွက် ပွင့်လင်းမြင်သာစွာ ဖြေကြားပေးနိုင်ရန် သိရှိလိုပါကြောင်း မေးမြန်းပါသည်။