(င)-မိုင်းလွေကျေးရွာအုပ်စု၊ လောင်ကျန်ကျေးရွာ ကိုယ်ထူကိုယ်ထလက်ရိုက်ဆည်အားကျောက်စီ ကွန်ကရစ်ဆည်အဖြစ်တည်ဆောက်ပေးနိုင်ခြင်း ရှိ/မရှိနှင့်တည်ဆောက်ပေးမည်ဆိုပါကမည်သည့် ဘဏ္ဍာရေးနှစ်တွင် ဆောက်ရွက်ပေးနိုင်မည်ကို သိရှိလိုခြင်းနှင့် စပ်လျဉ်းသည့် မေးခွန်း
2020-12-16
မေးခွန်း အကြောင်းအရာ
မိုင်းယန်းမြို့နယ်၊ မိုင်းလွေကျေးရွာအုပ်စု၊ လောင်ကျန်ကျေးရွာတွင် နမ့်လွေချောင်းရေထွက်ရှိပြီး ၎င်း ချောင်းပေါ်မူတည်ပြီး ကိုယ်ထူကိုယ်ထဆည်အဖြစ် တည်ဆောက်ပြီး စိုက်ပျိုးလုပ်ကိုင်ကြပါကြောင်း၊ ၎င်း ဆည်၏အလျားပေ ၁၀၀ ခန့်စီ တွင် ၎င်းလက်ရိုက် ဆည် သည် နှစ်စဉ်ပျက်စီးပြီး ကျေးရွာသူ/ ကျေးရွာသားများ နှစ်စဉ်ပြုပြင် နေရသည့်အတွက်ကြောင့် အခက်အခဲများ ကြုံတွေ့နေရပါကြောင်း၊ ၎င်း ဆည်အား ကျောက်စီကွန်ကရစ်ဆည်အဖြစ် တည်ဆောက်ပေးစေလိုကြပါကြောင်း၊
ဒေသခံပြည်သူများ၏ကိုယ်စား မိုင်းယန်းမြို့နယ်၊ မိုင်းလွေကျေးရွာအုပ်စု၊ လောင်ကျန်ကျေးရွာ လက်ရိုက်ဆည်သည် ကျောက်စီကွန်ကရစ်ဆည်အဖြစ် တည်ဆောက်ပေးနိုင်ခြင်း ရှိ/မရှိနှင့် တည်ဆောက် ပေးမည် ဆိုပါက မည်သည့်ဘဏ္ဍာရေးနှစ်တွင် ဆောင်ရွက်ပေးမည်ကို သိရှိလို ပါကြောင်း မေးမြန်းပါသည်။