ကျောက်ဖြူမြို့သည် လွန်ခဲ့သော်သုံးနှစ်က အစိုးရစက်မှုလက်မှုသိပ္ပံ GTI ကျောင်းတစ်ကျောင်း ကို ဖွင့်လှစ်ခွင့်ရခဲ့ပါကြောင်း၊ ကိုယ်ပိုင်မြေနေရာ မရှိသည့်အတွက် ကျောင်း အဆောက်အဦ လည်း ကိုယ်ပိုင်မရှိသေးပါကြောင်း၊ သန်ပန်ချောင်းကွက်ရှိ ယခင် အ.လ.က(၄)တွင် ပညာသင်ကြား နေသော  ကျောင်းသား၊ ကျောင်းသူများကို တခြားနေရာသို့ ပြောင်းပြီး သင်ကြားနေရပါကြောင်း၊  ကျောက်ဖြူမြို့၊ ခရိုင်မြို့နယ်အုပ်ချုပ်ရေးအဖွဲ့ မှ မြို့နှင့်အင်မတန်ဝေးသည့် နေရာတွင် ကျောင်းမြေ နေရာပေးရန် စီစဉ်ထား ပါကြောင်း၊ ကျောက်ဖြူမြို့တွင် GTI ကျောင်း တစ်ကျောင်း ဆောက်လုပ်နိုင် သော မြေနေရာများစွာ ရှိပါကြောင်း၊ အခု ပိုက်စိပ်ရပ်ကွက်ရှိ  မီးလောင်ကွင်းသည် ဧက ၂၀ ခန့်ကျယ် ပါကြောင်း၊ သန်ပန်ချောင်းရပ်ကွက်ရှိ ဆေးရုံနှင့် စက်ရုံဟုခေါ်သည့် စက်ရုံကြီးကြား တွင်  မြေဧက ၇ ဧကလောက်ရှိသည့်မြေနှင့် တခြားမြေများရှိပါကြောင်း၊ မြို့နှင့်အင်မတန်ဝေးသည့် နေရာကို ညွှန်ပြနေ သည့်အတွက် ပညာရေးဝန်ကြီးဌာနနှင့် ပြည်ထောင်စုအစိုးရ မှမည်ကဲ့သို့ ကူညီနိုင်မည်ကို မိမိအနေ ဖြင့် သိရှိလိုပါကြောင်း၊ မြို့နှင့် ၉ မိုင် ၁၀ မိုင်ကွာဝေးသည့်နေရာတွင် GTI ကျောင်းကိုဖွင့်လှစ်သည့် အတွက် ကျောင်းသား၊ကျောင်းသူများနှင့် ဆရာ၊ဆရာမများ၏ သွားလာရေး၊ နေထိုင်ရေး၊ ကျန်းမာရေး ကိုလည်းကောင်း၊ ကျောင်းတွင် ညနေသင်တန်း များဖွင့်မယ်ဆိုပါက ၎င်းတောထဲတွင် မည်ကဲ့သို့ ဖွင့်မည် ကို လည်းကောင်း၊ ကျောက်ဖြူမြို့တွင် GTI ကျောင်းဆောက်လုပ်ရန် မြို့ပေါ်၌ သင့်လျော် ဆုံး မြေနေရာ ရရှိရေးအတွက် နိုင်ငံတော်အစိုးရမှ မည်ကဲ့သို့ကူညီမည်ကို သိရှိလိုပါကြောင်း၊ ယခု ကျောက်ဖြူမြို့ GTI ကျောင်း၊ အ.လ.က(၄)သည် ကျောက်ဖြူမြို့ သန်ပန်ချောင်းရပ်ကွက်တွင်ရှိပါ ကြောင်း၊ ထို့ကြောင့် ၎င်းကျောင်းကိုမူလနေရာတွင် ပြန်လည်ဖွင့်လှစ်ပေးရန် အစီအစဉ်ကို သိရှိလို ကြောင်း မေးမြန်းခဲ့ပါသည်။