သာစည်မြို့နယ်၏ ဧရိယာသုံးပုံနှစ်ပုံသည် ရှမ်းရိုးမတောင်တန်းဖြစ်ပြီး ကျေးရွာအုပ်စု ၁၀ အုပ်စု၊ ကျေးရွာပေါင်း ၄၀ ခန့်သည် တောင်ပေါ်ဒေသ သစ်တောထူထပ်သည့်နေရာ တွင် နေကြရ ပါကြောင်း၊ တောင်ပေါ်ကျေးရွာ အများစုသည် သောက်ရေသုံးရေအတွက် အဆိုပါသစ်တောမှ စုဆောင်းစုတ်ယူ သိမ်းဆည်းထားသော စိမ့်စမ်းရေ၊ သဘာဝရေထွက်များကို အားကိုးပြီးနေကြရပါကြောင်း၊ သို့သော် လည်း ရာသီဥတုဖောက်ပြန်ခြင်း၊ တောင်ယာ မီးရှို့ခုတ် ထွင်ခြင်း၊ မီးသွေးဖုတ်ခြင်း၊ သစ်ဝါးများ စည်းမဲ့ကမ်းမဲ့ ခုတ်လှဲခြင်းကြောင့် တချို့ရွာများတွင် သစ်ပင်များ မရှိတော့သည့်အတွက်စိမ့်စမ်းရေများ၊သဘာဝရေထွက်များ ပျောက်ကွယ် ကုန်သည်ကိုတွေ့ရှိရ ပါကြောင်း၊

ယခင်ဝေးလံခေါင်သီသောတောတောင်ထူထပ်သည့်နေရာတွင်ပေါက်ရောက်နေသောသစ်တောသစ်ပင်များသည် ယခုအခါ လမ်းပန်း ဆက်သွယ်ရေး ကောင်းမွန်သည့်အတွက် စည်းမဲ့ကမ်းမဲ့ ခုတ်လှဲခြင်း အန္တရာယ်ရှိနေ ပါကြောင်း၊ အဆို ပါ သစ်တော သစ်ပင်များကို ခုတ် လှဲခြင်းသည် ဒေသခံများမဟုတ်ဘဲ ရပ်ဝေးမှ တရားမဝင်လာရောက်ခုတ်ယူခြင်းများဖြစ်ပြီး သက်ဆိုင်ရာ တာဝန်ရှိသူများ အနေဖြင့်လည်း စောင့်ကြပ်စစ်ဆေးတားဆီးရန် အခက်အခဲရှိနေသည်ကို အခွင့်ကောင်းယူပြီး  စည်းမဲ့ကမ်းမဲ့ ခုတ်လှဲနေခြင်းဖြစ် ပါကြောင်း၊ သက်ဆိုင်ရာ ဝန်ကြီးဌာန၏ စောင့်ကြပ် ကာကွယ်တားဆီးရန် ခက်ခဲပြီး ဝေးလံခေါင်သီသော သစ်တောသစ်ပင်များကို အနီးပတ်ဝန်းကျင်ရှိ ဒေသခံပြည်သူများ ဝိုင်းဝန်း ထိန်းသိမ်း ကာကွယ် ခွင့်၊ အစုအဖွဲ့ပိုင် အဖြစ် လွယ်ကူစွာရရှိမှသာ သစ်တော သယံဇာတများ မပြုန်းတီး ဘဲ သောက်သုံးရေအပါအဝင် သဘာဝပတ်ဝန်းကျင်ကို ထိန်းသိမ်းစောင့်ရှောက်နိုင်မည်ဖြစ်ပါကြောင်း၊ သို့ဖြစ်ပါ၍ ဝေးလံခေါင် သီသော တောင်ပေါ်ဒေသ ရှိ (၅) မိုင်ပတ်လည်အတွင်း သဘာဝသစ်တောများအား အနီးပတ်ဝန်း ကျင် ကျေးရွာများရှိ ဒေသခံပြည်သူများ ကိုယ်တိုင်ဥပဒေနှင့်အညီ ဝိုင်းဝန်းပူးပေါင်း ကာကွယ်ထိန်းသိမ်း ခွင့်ပြုရန် အစီအစဉ်ရှိ/မရှိ သိရှိလိုကြောင်း မေးမြန်းပါသည်။