ချင်းပြည်နယ်သည် မြန်မာနိုင်ငံ၏အနောက်ဘက်တွင်တည်ရှိပြီး ခရိုင်(၃)ခု၊ မြို့နယ်(၉)မြို့နယ်၊ မြို့(၆) မြို့နယ်ဖြင့် ဖွဲ့စည်းထားသည့် ပြည်နယ်ဖြစ်ပါကြောင်း၊ ချင်းပြည်နယ်ရှိမြို့များသည်  တောင်ပေါ်တွင် တည်ရှိပြီး မြေပြင် ညီညာဖြန့်ဖြူးမှု မရှိခြင်း၊ ချို့ဝှမ်းရေစီးချောင်းများ စီးဝင်မှုများပြားခြင်း နှင့် တောင် ကုန်း ချိုင့်ဝှမ်း များဖြစ်နေခြင်းကြောင့် ပြုပြင်ထိန်းသိမ်းရန် အခက်အခဲများစွာ ရှိနေပါကြောင်း၊ ချင်းပြည်နယ် စည်ပင်သာယာရေးအဖွဲ့သည် ၂၀၁၅-၁၆ ဘဏ္ဍာရေးနှစ် တွင် ပြည်နယ်ဘတ်ဂျတ်ဖြင့် ကျပ်သန်း ၃၇၂၁.၂၂ ခွင့်ပြုချက်ရရှိပြီး ၂၀၁၆-၁၇ ဘဏ္ဍရေးနှစ်တွင်လည်း ကျပ်သန်း ၂၈၅၅.၂၄ ကို ရရှိခဲ့သော်လည်း မြို့ပြတည်ဆောက်ရေးလုပ်ငန်းများကို ထိရောက် စွာဆောင် ရွက်ပေးနိုင်ခဲ့ခြင်း မရှိပါ ကြောင်း၊ ချင်းပြည်နယ် စည်ပင်သာယာရေး အဖွဲ့အဆင့်ဆင်‌့၏ မြို့ပြလမ်းတံတားတည်ဆောက်ရေး၊ ပတ်ဝန်းကျင်သန့်ရှင်းရေးနှင့် စိမ်းလန်းစိုပြေရေး၊ သောက်သုံးရေ ဖူလုံစွာရရှိရေး၊ အခြား စည်ပင်သာ ယာရေးဆိုင်ရာ လုပ်ငန်းများ ပိုမိုထိရောက်စွာဆောင်ရွက်နိုင်ရေးအတွက် ပြည်ထောင်စုရန်ပုံ ငွေနှင်‌့ ၂၀၁၇-၁၈ ဘဏ္ဍာရေးနှစ်တွင် ကျပ်သန်း ၁၀၀၀၀ ခွဲဝေချထားပေး ရန် အစီအစဉ်ရှိ/မရှိကို သိလိုပါ ကြောင်း မေးမြန်း ခဲ့ပါသည်။