ကျောက်တံတားမြို့နယ်အပါအဝင် ရန်ကုန်မြို့၌ နှစ်စဉ် နွေရာသီရောက်တိုင်း မီးပျက်သည့်ဒုက္ခများ ခံစားရပါကြောင်း၊ မတ်လတွင် ဆယ်တန်းစာမေးပွဲများ ကျောင်းသူကျောင်းသားများ စားမေးပွဲ ဖြေရ သည့် အတွက် စာမေးပွဲဖြေရ သည့်အတွက် လျှပ်စစ်မီးရရှိရေးသည် အလွန်အရေးကြီးပါကြောင်း၊ ရန်ကုန်မြို့တွင် တိုက်ခန်းများသည် ‌ရေရရှိရေး၊ ရာသီဥတု အပူဒဏ် ကို လျော့ချနိုင်ရေးအတွက် လျှပ်စစ်ရရှိရေး သည် အလွန်အရေးကြီးပါကြောင်း၊ ထို့ကြောင့် ၂၀၁၇ ခုနှစ် နွေရာသီကာလ၌ လျှပ်စစ်ပြတ်တောက်မှု မရှိစေရန်နှင့် လျှပ်စစ်ဓာတ်အား လုံလောက်စွာ ရရှိနိုင်ရေးအတွက် ထုတ်လုပ်ရေးပိုင်း (Generation) ပိုင်းတွင် ပြည်သူလူထု လျှပ်စစ်ကို လုံလောက်စွာ သုံးနိုင်ရေး အတွက် မည်ကဲ့သို့ထုတ်လုပ်ရန် စီစဉ်ဆောင်ရွက်ထားသည်ကို သိရှိလိုပါကြောင်း၊ သယ်ယူရေးအပိုင်း (Transportation) ကို ကောင်း မွန်အောင် မည်ကဲ့သို့ ဆောင်ရွက်ထားသည်ကို သိရှိလိုပါကြောင်း၊ ဖြန့်ဖြူးရေးအပိုင်းကို မည်သို့ဆောင်ရွက် ထားသည်နှင့် ကုမ္ပဏီများက ပြည်သူများထံ လျှပ်စစ်ကောင်းမွန်စွာ ရောက်ရှိရန် မည် သို့ဆောင် ရွက်ထားသည်ကို သိရှိလိုပါကြောင်း၊ ပြီးခဲ့သည့်နှစ်က Chain System Breakdown, System Breakdown ဟူ၍ ပျက်ပါကြောင်း၊ Call Centre ကလည်း System Breakdown ဟု အမြဲ တမ်း ကြေညာ ပါသဖြင့် System Breakdown မဖြစ်စေရန် မည်သို့ စီစဉ်ဆောင်ရွက်ထားသည်နှင့် System Breakdown ဖြစ်ခဲ့ပါ မြို့နယ်လျှပ်စစ်ရုံးများ၊ ပုဂ္ဂလိကကုမ္ပဏီ Franchise များ က ပြည်သူလူထုကို မည်ကဲ့သို့အသိပေးပြီး စီစဉ်ဆောင်ရွက်ထားသည်ကို သိရှိလိုကြောင်း မေးမြန်းပါသည်။